1 कुरिन्थि 8:4 - Garhwali

⁴ अर मूरतों का समणि बलि करीं चीजों तैं खाण का बारा मा हम जणदा ही छां कि ईं दुनियां मा मूरत कुछ भि नि छिन। अर वे एक परमेस्वर तैं छोड़ि के और कुई परमेस्वर छैई नि च।

गढवली नयो नियम

⁴ त फिर, मि तैं मूर्तियों का संमणी चढ़यूं बलि का खांणु का बारा मा पुछयां सवालों कु जवाब दींण चयणु च; हम जंणदा छा कि भस एक ही ज्यूँदो पिता परमेश्वर च अर ईं दुनिया मा मूर्तियां बेजान छिनी।

1 कुरिन्थि 8:4 Referans Kwoze

1 तीमुथियुस 2:5

किलैकि परमेस्वर एक ही च, अर वेका अर मनखियों का बीच मा एक ही बिचलु च, अर वु यीशु मसीह च।

इफिसुस 4:6

अर सभ्यों को एक ही पिता परमेस्वर च, जु कि सभ्यों पर राज करदु, अर हम सभ्यों का बीच मा काम करदु, अर पवित्र आत्मा का द्‍वारा हम सभ्यों का भितर रौन्दु।

मरकुस 12:29

तब वेन जबाब देई, “आज्ञाओं मा बटि सबसे खास आज्ञा या च कि, “‘हे इस्राएल का लोगु सुणा, प्रभु जु कि हमरु परमेस्वर च, उई हमरु प्रभु च।

यहूदा 1:25

अर हमरा प्रभु यीशु मसीह का द्‍वारा हमतै छुटकारा देण वळा एकमात्र सच्‍चा परमेस्वर जु कि सानदार, ताकतबर, महान अर बड़ा-बड़ा काम करण वळु च। हाँ, वु ही जु की पैलि बटि छौ, अर अब भि च अर औण वळा बगत मा भि रालु, वेकी बडै हमेसा-हमेसा होणी रौ। आमीन।

1 कुरिन्थि 8:10

चला, इन माणी लिन्द्‍यां कि त्वेतै भौत ज्ञान च, मगर सुण, अगर जु तू कै मन्दिर मा खाणुक खाणु कू गै, अर वे ही बगत कुई बिस्वासी भै या बैंण जु कि बिस्वास मा कमजोर च, त्वेतै उख देखि द्‍यो, त क्या वेतैं मूरत का समणि बलि करीं चीज तैं खाण की हिम्मत नि होलि?

1 कुरिन्थि 8:1

हे मेरा दगड़्यों, अब मि ऊं चीजों का बारा मा बतौण चान्दु, जु कुछ भि मूरत का अगनै चड़ये जान्दु, वीं सच्‍चै का बारा मा तुम जणदा ही छाँ, अर वेका बारा मा तुम सभ्यों का पास पूरु ज्ञान च। अर अगर तुम कैं चीज का बारा मा जणदा छाँ, त याद रखा कि जादा ज्ञान होण से मनखि का मोन भौत चैड़ि जनदिन, पर अगर जु हम एक-दुसरा से प्यार करद्‍यां, त यां से एक-दुसरे की तरक्‍की होन्दी।

खास चेलों 19:26

अर तुमुन अफि देखि अर सुणी भि च कि ये पौलुस न इफिसुस नगर मा ही ना, मगर आसिया मुलक का लगभग सब नगरों का लोगु तैं भकलैयेलि। अर उ इन बुल्दु, कि हाथों द्‍वारा बणईं मूरत द्‍यबता नि छिन।

खास चेलों 14:15

अरे भैयों, रुका-रुका, तुम यू क्या कना छाँ? हम भि त तुमरि तरौं मनखि छां। अर तुमतै यू शुभ समाचार सुनौणा छां ताकि तुम यों सब बेकार की चीजों से दूर रै सैका, अर ज्यून्दा परमेस्वर की तरफा ह्‍वे जा, जैन यू आसमान या धरती अर समुन्दर अर जु कुछ भि यों मा च उ सब कुछ बणै।

1 तीमुथियुस 1:17

अर हमरु परमेस्वर हमेसा-हमेसा खुणि राजा च। अर वेतैं कभि कैन नि देखि अर ना ही वेन कभि नास होण। वे ही एकमात्र परमेस्वर तैं सदनि आदर-सम्मान मिलु अर वेकी बडै सदनि तक होणी रौ। आमीन।

खास चेलों 15:20

बल्किन अब इन कैरा कि ऊं लोगु खुणि एक चिठ्‍ठी लिखा। अर ऊं लोगु तैं वु खाणु कू मना कैरा जु मूरत का अगनै चड़ये जान्दु, अर ऊंतैं गळत सम्बन्ध बणौण से भि दूर रौण कू लिखा। अर इन भि लिखा कि तुम लोग गौळा दबै के मुरयां जानबरों की सिकार नि खयां, अर ना ही कै जानबर को ल्वे खयां-पीयां।

1 कुरिन्थि 8:11

अर इनकै तेरा ज्ञान की वजै से उ आदिम जु बिस्वास मा मजबूत नि च बरबाद हो जालु, हाँ, तेरु उ भै जैका खातिर मसीह न अपणी जान देई।

गलातियों 4:8

हे मेरा भै-बैंणो, पैलि जब तुम परमेस्वर तैं नि जणदा छा, त वे बगत तक तुम ऊंका गुलाम छा जु कि असल मा ईश्‍वर छैई ही नि छिन।