1 कुरिन्थि 7:34 - Garhwali

³⁴ इलै एक पति हमेसा इन सोचदु कि कनकै पिता परमेस्वर तैं खुश किये जौ, अर कनकै घरवळी तैं खुश किये जौ। अर ठिक इन्‍नि एक अणविवाक नौनि सिरफ पिता परमेस्वर का काम का बारा मा सोचदी, कि वा कनकै पिता परमेस्वर तैं खुश कैरो, अर वा खुद तैं पिता परमेस्वर का सुपुर्द कैरी देन्दी, अर इन वा इलै करदी ताकि वींको बदन अर आत्मा दुई पवित्र रा। मगर जिं जनानि को ब्यौ होयुं रौन्दु, वा अपणा परिवार अर अपणा कामों की चिन्ता मा ही रौन्दी, ताकि वा कनि ना कनकै अपणा पति तैं खुश रखो।

गढवली नयो नियम

³⁴ अणबिवाक अर जूंको ब्यो हुयुं च द्वीयूँ मा भेद च; अणबिवाक प्रभु की सेवा कन कै कैरो ईं बात कि चिंता मा रौंदो, कि उ देह मा अर आत्मा द्वीयूँ मा पवित्र हो, पर जूंको ब्यो हुयुं च उ सांसारिक चिन्ताओं मा रौन्दींनि, कि व अपड़ा आदिम तैं कन कै खुश रखो।

1 कुरिन्थि 7:34 Referans Kwoze

1 कुरिन्थि 6:20

किलैकि यीशु मसीह न अपणा जीवन देके तुमतै खरीदयाली, इलै मसीह को सरील होण का नाता अपणा-अपणा जीवन से पिता परमेस्वर की बडै कैरा।

फिलिप्पी 1:20

अर मेरी पूरि आस अर इच्छा या च, कि मि वचन तैं फैलाण मा कै भि तरीके से नि सरमौ। अर मितैं इन भि बिस्वास च, कि मेरा जीवन का द्‍वारा यीशु मसीह तैं पूरु आदर-सम्मान हमेसा मिलणु रौ, अब चै मि ज्यून्दु रौ या मोरि जौ।

2 कुरिन्थि 11:28

अर यों सब बातों का अलावा कुछ और बात भि छिन जौं को बखान मिन नि कैरी, पर मि तुमतै बतै देन्दु कि बिस्वासी समुदाय का लोगु खुणि हरेक दिन मितैं बड़ी चिन्ता लगि रौन्दी।

रोमियों 6:13

अर नऽ त खुद तैं पाप करणु खुणि सौपा, किलैकि या बात तुम खुणि भली नि च, कखि इन नि हो कि तुम फिर से गळत काम करण लगि जा। इलै खुद तैं पिता परमेस्वर का सुपुर्द कैरी द्‍या, जु कि मुरदो तैं ज्यून्द करण की ताकत रखदु। अर इन तुम इलै कैरा, ताकि उ तुमरा जीवनों का द्‍वारा भलै का काम कैरी सैको।

तीतुस 3:8

अर यू सब बात सच्‍चि छिन, अर मि चान्दु छौं कि तू यों सब बातों का बारा मा जोर देके बतौ, ताकि जौं लोगु न परमेस्वर पर बिस्वास कैरी, ऊ भलै का कामों तैं करण मा लग्यां रा। अर यू बात खूब अर सब लोगु का फैदे की छिन।

1 थिस्सलुनीकी 5:23

हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

2 कुरिन्थि 8:16

हे मेरा भै-बैंणो, इलै मि तीतुस तैं तुमरा पास फिर से भेजणु छौं। अर मि पिता परमेस्वर को धन्यवाद देन्दु किलैकि वेका बदौलत ही तीतुस भि दिल से तुमरि उथगा ही चिन्ता-फिकर करदु जथगा मि करदु।

1 तीमुथियुस 3:5

अगर कुई अपणा घौर को पालन-पोसण करण ही नि जणदु हो, त उ परमेस्वर का लोगु की देख-रेख कनकै करलु?

यूहन्ना 10:13

अर उ त इलै भागी जान्दु, किलैकि उ मजदूर ही च अर वेतैं भेड़ों की कुई चिन्ता नि होन्दी।

1 कुरिन्थि 7:33

मगर जै मनखि को ब्यौ होयुं रौन्दु, उ दुनियादारि की बातों की चिन्ता मा ही रौन्दु, ताकि कनि ना कनकै उ अपणी घरवळी तैं खुश रखी सैको।

1 कुरिन्थि 7:35

अर जु कुछ भि मिन बोलि, वु सब बात तुमरा फैदा की छिन नऽ कि तुमतै फसौणु खुणि, बल्किन मा मि तुमतै वु करणु खुणि उकसौणु छौं, जु कि तुम खुणि सही च। अर इन मि इलै कनु छौं, ताकि तुम जौं को ब्यौ होयुं च या जौं को नि च होयुं, तुम सब लोग अपणु सब कुछ पिता परमेस्वर तैं दे द्‍या, हाँ जु कुछ तुमरा मन मा च।

1 तीमुथियुस 5:5

अगर कुई विधवा जनानि इखुली च, अर वीं की देख-रेख करण वळु कुई नि हो, अर वा परमेस्वर पर बिस्वास कैरिके दिन-रात प्रार्थना बिन्ती करणी रौन्दी हो, त इन्दरि जनानि ही सच्‍च मा विधवा च, अर वींतैं ही मदद मिलण चयेणी।