1 कुरिन्थि 7:2 - Garhwali

² मि तुमतै बतै देन्दु, कि या बात अच्छी होलि कि हरेक बैख की अपणी घरवळी, अर ठिक उन्‍नि हरेक जनानि को अपणु पति हो, किलैकि ईं दुनियां मा सरील का सम्बन्ध रखणु खुणि भौत सा गळत विचार निकळि के ऐ गैनी।

गढवली नयो नियम

² पर व्यभिचार की अजमैश मा पुडण से बढ़िया च, कि हर आदिम ब्यो कैरी ल्यो, अर अपड़ी जनन दगड़ी वफादार रौ।

1 कुरिन्थि 7:2 Referans Kwoze

इफिसुस 5:28

इलै हे पतियों तुमतै इन होण चयेणु कि तुम अपणी-अपणी घरवळी से प्यार कैरा, हाँ जन तुम अपणा सरील से करद्‍यां। अर जु मनखि अपणी घरवळी से प्यार करदु उ खुद से भि प्यार करदु।

इफिसुस 5:33

पर फिर भि तुम मा बटि हरेक मनखि अपणी घरवळी से उन्‍नि प्यार कैरो, जन उ खुद से करदु। अर ठिक उन्‍नि घरवळी भि अपणा पति तैं पूरु आदर-सम्मान द्‍यो।

1 कुरिन्थि 7:9

पर अगर तुम सबर नि रखी सकद्‍यां, त तुम ब्यौ कैरी ल्या किलैकि सरील की इच्छा तैं पूरि करण की आग मा फूक्योंण से त जादा भलु यू च कि तुम ब्यौ कैरी ल्या।

1 कुरिन्थि 6:18

इलै हे मेरा भै-बैंणो, एक-दुसरा का दगड़ा मा गळत सम्बन्ध रखण से भागा, किलैकि दुसरा पाप मनखि का सरील तैं नुकसान नि पौंछन्दिन, मगर जु लोग गळत सम्बन्ध रखण मा लग्यां रौनदिन, वु अपणा सरील का खिलाप मा पाप करदिन।

1 तीमुथियुस 4:3

अर यू लोग ब्यौ नि करण की शिक्षा द्‍याला, अर कुछ खाण वळी चीजों खुणि भि मना करला जौं चीजों तैं परमेस्वर न इलै बणै, ताकि बिस्वास करण वळा अर सच्‍चै तैं जनण वळा धन्यवाद कैरिके खै सैका।

मत्ती 5:32

पर मि तुमतै बतै देन्दु, कि हरेक उ मनखि जु गळत सम्बन्ध रखण का अलावा कै दुसरा कारण से अपणी घरवळी तैं तलाक देन्दु, त इन्द्रयो मनखि वीं जनानि बटि सरील का सम्बन्ध बणवाणु च। अर जु कुई इन्दरि जनानि बटि ब्यौ करदु, त उ मनखि भि सरील का सम्बन्ध बणौणु च जु कि गळत च।”

1 कुरिन्थि 7:1

अब मि तुम खुणि ऊं सवालों को जबाब लिखणु छौं, जौं का बारा मा तुमुन चिठ्‍ठी मा मि बटि पूछी छौ। तुमुन पूछी छौ कि, “क्या एक आदिम खुणि यू अच्छु च कि उ अणविवाक ही रौ?”

1 कुरिन्थि 7:3

हे मेरा भै-बैंणो, सरील का सम्बन्ध तैं पूरु करणु खुणि एक पति अपणी घरवळी खुणि, अर ठिक उन्‍नि एक घरवळी अपणा पति खुणि वफादार रौ।

1 थिस्सलुनीकी 4:4

इलै तुम सब अपणा सरील की यों इच्छाओं तैं अपणा वश मा रखण सीखा, अर पवित्र जीवन ज्यऽ, ज्यां से कि लोग तुमरा जीवन तैं देखि के तुमरो आदर-सम्मान कैरा।