1 कुरिन्थि 7:19 - Garhwali

¹⁹ किलैकि हरेक मनखि अब चै ऊंको बुलये जाण जिं भि दसा मा हो, पिता परमेस्वर न ऊंतैं इलै ही बुलै कि ऊ यीशु मसीह पर बिस्वास कैरा, अर वेका पिछनै चलि के आज्ञा को पालन कैरा।

गढवली नयो नियम

¹⁹ कै कु खतना हवे या नि हवे यां बट्टी कुई फर्क नि पुड़दो, पर पिता परमेश्वर की आज्ञाओं तैं मनणु भौत जरूरी च।

1 कुरिन्थि 7:19 Referans Kwoze

गलातियों 6:15

अर खतना करण का रिवाज तैं पूरु करण या नि करण येसे कुई फैदा नि च, पर अब जु कुछ भि च उ सब यीशु मसीह मा नयू जीवन ही च।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

दिब्य दरस 22:14

धन्य छिन ऊ, जौन अपणा कपड़ा धुईन, अब ऊंका पास जीवन का डाळा को फल खाणु को अर गेट से नया यरूशलेम नगर मा दाखिल होण को अधिकार च।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

गलातियों 3:28

इलै अब नऽ त कुई यहूदी च अर ना ही कुई यूनानी, नऽ त कुई गुलाम च अर ना ही कुई आजाद, अर नऽ त कुई बैख च अर ना ही कुई जनानि, किलैकि तुम सभ्या का सभि यीशु मसीह मा एक छाँ।

1 कुरिन्थि 8:8

मगर हे मेरा भै-बैंणो, खाणुक हमतै परमेस्वर का नजदीक नि पौंछान्दु। अगर हम नि खा, त हमरा भितर कुई नुकसान नि होन्दु, अर जु हम खा, त तभि भि हमतै कुछ फैदा नि च।

रोमियों 3:30

हाँ, परमेस्वर एक ही च, अर जौं यहूदी लोगु न खतना का रिवाज तैं पूरु कैरी वु ऊंतैं ऊंका बिस्वास का द्‍वारा धरमी ठैरान्दु, अर जौं लोगु को खतना नि च होयुं वु ऊं लोगु तैं भि वु ऊंका बिस्वास का मुताबिक धरमी ठैरान्दु।

यूहन्ना 15:14

“अर अगर जु तुम मेरी आज्ञाओं का मुताबिक चलिल्या, त तुम मेरा दगड़्या छाँ।

मत्ती 5:19

इलै जु कुई भि यों बातों मा बटि एक छुटी से छुटी आज्ञा को पालन भि नि करलु, अर उन्‍नि दुसरो तैं करणु कू सिखौलु, त वेतैं परमेस्वर का राज मा सबसे छुटो बुले जालु, मगर जु कुई भि यों आज्ञाओं को पालन करलु, अर ठिक उन्‍नि दुसरो तैं भि करणु कू सिखौलु, त वेतैं परमेस्वर का राज मा सबसे बड़ु बुले जालु।