1 कुरिन्थि 7:10 - Garhwali

¹⁰ अर जौं को ब्यौ ह्‍वे गै ऊंकू मि बुल्दु, कि प्रभु तुमतै आज्ञा देन्दु कि एक जनानि तैं अपणा पति तैं तलाक नि देण चयेणु।

गढवली नयो नियम

¹⁰ जौं कु ब्यो हवे गै, ऊं तैं मि न, पर प्रभु आज्ञा दींद, कि जनन अपड़ा आदिम से तलाक दे के अलग नि हो।

1 कुरिन्थि 7:10 Referans Kwoze

मत्ती 5:32

पर मि तुमतै बतै देन्दु, कि हरेक उ मनखि जु गळत सम्बन्ध रखण का अलावा कै दुसरा कारण से अपणी घरवळी तैं तलाक देन्दु, त इन्द्रयो मनखि वीं जनानि बटि सरील का सम्बन्ध बणवाणु च। अर जु कुई इन्दरि जनानि बटि ब्यौ करदु, त उ मनखि भि सरील का सम्बन्ध बणौणु च जु कि गळत च।”

लूका 16:18

उदारण खुणि, अगर कुई मनखि अपणी घरवळी तैं तलाक देके कै दुसरि जनानि का दगड़ा मा ब्यौ करदु, त उ वीं जनानि का दगड़ा मा गळत सम्बन्ध बणौणु च। अर ठिक उन्‍नि अगर कुई मनखि वीं तलाक दिईं जनानि का दगड़ा मा ब्यौ करदु, त वु मनखि भि वींका दगड़ा मा गळत सम्बन्ध बणौणु च, जु कि गळत च।”

1 कुरिन्थि 7:15

अर जु मनखि बिस्वास नि करदु हो अर वु तलाक लेण चौ, त वे भै या वीं बैंण तैं तलाक लेण द्‍या। किलैकि या तुमरि ना बल्किन मा बिस्वास नि करण वळे की इच्छा च। अर पिता परमेस्वर न तुमतै इलै ही बुलै ताकि तुमरा जीवनों मा शान्ति रौ।

1 कुरिन्थि 7:12

अर दुसरा लोगु खुणि प्रभु ना, पर मि या बात बुल्दु कि अगर कै बिस्वासी भै कि घरवळी बिस्वास नि करदी हो, अर फिर भि वा अपणा पति का दगड़ा मा रौणु खुणि राजी च, त उ बिस्वासी भै अपणी घरवळी तैं नि छोड़ु।

1 कुरिन्थि 7:25

अर कुंवारियों खुणि मितैं प्रभु बटि कुई आज्ञा नि च मिली, मगर मि तुमतै सला देणु छौं। अर मि पर यकीन किये जै सकदु, किलैकि प्रभु यीशु न मि पर अपणी दया कैरिके मितैं वफादार बणै।

1 कुरिन्थि 7:6

अर मि तुमतै आज्ञा नि देणु, मगर या बात मि तुमतै एक सला का तौर पर बतौणु छौं।

1 कुरिन्थि 7:40

अर अगर वा नौनि ब्यौ नि करण चाणि च, त मेरी सला इन च कि वा जादा खुश राली। अर मेरु मनण इन च कि जु कुछ भि मि बोन्‍नु छौं, वु पिता परमेस्वर को पवित्र आत्मा मि मा बटि ह्‍वेके बोन्‍नु छौं।

मरकुस 10:2

तब कुछ फरीसी दल का लोग यीशु का पास ऐनी, अर ऊंन वेतैं अपणी बात मा फसौणु खुणि वेसे पूछी, “क्या या बात नियम का मुताबिक ठिक च, कि कुई भि मनखि अपणी जनानि तैं तलाक दे सकदु?”

1 कुरिन्थि 7:11

अर अगर वा तलाक देण चाणि च, त फिर वा ब्यौ नि कैरो य त अपणा पति का दगड़ा मा फिर से मिली जौ, अर ठिक उन्‍नि एक पति तैं भि अपणी घरवळी तैं नि छुड़ण चयेणु।