1 कुरिन्थि 6:9 - Garhwali

⁹ हे मेरा भै-बैंणो, धोखा मा नि रा। क्या तुम नि जणद्‍यां इन्द्रया लोग परमेस्वर का राज का वारिस नि होला जन कि, अन्यो करण वळा, गळत सम्बन्ध रखण वळा, मूरत पूजा करण वळा, दुसरि जनानि पर गळत नजर रखण वळा, हवस रखण वळा, अर ना ही वु बैख जु कि कै दुसरा बैख का दगड़ा मा गळत सम्बन्ध रखदिन,

गढवली नयो नियम

⁹ तुम त मालूम च, कि अन्य्यों कन वला लोग पिता परमेश्वर का राज्य मा वारिस नि होला; कुई भि तुम तैं धोखा द्ये के यु सुचण पर मजबूर नि कैरी द्यो, कि तुम बुरा कामों तैं भि करीला तौ भि पिता परमेश्वर का लुखुं मा एक बणयां रैल्या, न वेश्यागामी, न मूर्ति पुजण वला, न परस्त्रीगामी, न लुच्चा, न पुरुषगामी।

1 कुरिन्थि 6:9 Referans Kwoze

1 कुरिन्थि 6:10

चोरी करण वळा, लालची, दरोळया, गळी देण वळा, अर दुसरो तैं ठगण वळा, इन्द्रया लोग पिता परमेस्वर का राज का वारिस नि होला।

दिब्य दरस 22:15

मगर नीच काम करण वळा, जादु-टोंणा करण वळा अर गळत सम्बन्ध रखण वळा, हत्या अर मूरत की पूजा करण वळा, अर झूठ्‍ठ बुलण वळा सब नगर से भैर ही राला।

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”

1 कुरिन्थि 6:19

क्या तुम नि जणद्‍यां, कि तुमरो सरील पवित्र आत्मा को मन्दिर च? जु कि तुमतै पिता परमेस्वर की तरफा बटि मिल्यूं च, अर तुमरा भितर वास करदु,

1 कुरिन्थि 5:10

अर मेरु बोन्‍न को मतलब यू नि छौ, कि तुम ईं दुनियां का ऊं लोगु से नातु नि रखा जु कि गळत सम्बन्ध रखदिन अर लालची, अर ठगण वळा छिन या मूरत पूजा करण वळा छिन। अगर इन करद्‍यां त फिर त तुमतै दुनियां ही छोड़ि के जाण पोड़लु।

इब्रानी 13:4

ब्यौ सब लोगु का बीच मा आदर की बात समझै जौ, अर पति अर पत्‍नी एक-दुसरा खुणि वफादार रा, किलैकि परमेस्वर गळत सम्बन्ध रखण वळा लोगु तैं, अर एक बैख या जनानि पर गळत नजर रखण वळो तैं जरुर दण्ड द्‍यालु।

रोमियों 1:18

हे मेरा दगड़्यों, पिता परमेस्वर स्वर्ग बटि अपणु गुस्सा ऊं सब लोगु पर दिखान्दु जु कि दुष्‍ट छिन अर वेकी भक्‍ति तैं नि करदिन, अर जु लोग अन्यो कैरिके सच्‍च तैं दबै के रखदिन।

इब्रानी 12:14

अब तुम सब लोगु का दगड़ा मा मेल-जोल बणै के रखा अर पवित्र ह्‍वे जा, किलैकि वु लोग ही प्रभु तैं देख सकदिन जु पवित्र छिन।

1 कुरिन्थि 15:50

हे मेरा भै-बैंणो, यू हड़गा, मांस अर ल्वे का ये सरील तैं लेके हम परमेस्वर का राज मा इन नि जै सकद्‍यां। अर इन मि इलै बोन्‍नु छौं, किलैकि हमरु यू सरील ईं दुनियां को च जैन नास ह्‍वे जाण, पर स्वर्गीय सरील को नास नि होण वेन हमेसा तक रौण।

1 कुरिन्थि 15:33

इलै तुम धोखा मा नि रयां किलैकि, “कुसंगति को संग नि करण अर डुण्डी लखड़ी कन्ध नि धरण।”

1 कुरिन्थि 3:16

क्या तुम नि जणद्‍यां कि तुम लोग परमेस्वर का मन्दिर छाँ? अर परमेस्वर की पवित्र आत्मा तुम मा वास करदी,

इब्रानी 12:16

अर कखि इन नि हो कि तुम लोगु मा बटि कुई भि कै का दगड़ा मा गळत सम्बन्ध रखण वळु ह्‍वे जौ। अर ना ही तुम मा बटि कुई एसाव का जन हो, जैन पवित्र चीजों की कदर नि कैरी, अर एक बगत का खाण का बदला मा वेन अपणु बड़ु नौनु होण को हक अपणा छुटा भै याकूब तैं ही बेचि दिनी।

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

1 कुरिन्थि 5:1

हे मेरा दगड़्यों, तुमरा इख बटि मेरा पास इन खबर ऐ, कि तुमरा बीच मा गळत सम्बन्ध रखै जाणा छिन, अर वु भि इन्द्रया गळत सम्बन्ध जु की वु लोग भि नि रखदिन जु कि बिस्वासी नि छिन। किलैकि मिन इन सुणी कि एक आदिम न अपणी सौतेली माँ तैं अपणु बणैयालि।

याकूब 1:16

हे मेरा प्यारा भै-बैंणो, तुम कै भि बात मा धोखा नि खा।

1 कुरिन्थि 9:24

हे मेरा भै-बैंणो, तुम त जणदा ही छाँ कि दौड़ मा त सब लोग भगदिन, मगर इनाम त एक आदिम लि जान्दु। इलै तुम भि उन्‍नि भागा ताकि जीत जा।

मत्ती 19:29

अर वु सभि लोग जौन मेरा खातिर अपणा घौर-बार, अर अपणा भै-बैंणो, अर अपणा ब्वे-बबों या अपणा बाल-बच्‍चों या अपणा पुंगड़ा-पटलों तैं छोड़याली, ऊंतैं सब कुछ मिललु, तब ऊ सदनि का जीवन का वारिस होला।

खास चेलों 24:25

अर जब पौलुस धरमी जीवन जीण का बारा मा, अर खुद तैं अपणा वश मा रखण का बारा मा, अर औण वळा न्याय का बारा मा बतौणु छौ, त फेलिक्स डौऽरी गै अर वेन बोलि, “अभि तू इख बटि चलि जा, अगर मौका मिललु त मि तुमतै बुलाणु खुणि रैबार भेजि द्‍यूलु।”

लूका 21:8

तब यीशु न ऊंकू बोलि, “जब तुम लड़ै अर दंगों का बारा मा सुणिल्या, त घबरै नि जयां, किलैकि यों सब बातों को पैलि होण जरुरी च। पर वे बगत भि अन्त तुरन्त नि आलु, अर भौत सरा लोग मेरा नौ से आला अर बुलला कि, ‘मि उई छौं,’ अर इन भि बुलला कि उ ‘बगत नजदीक ऐ गै।’ पर मि तुमतै बतै देन्दु कि, तुम कै का पिछनै नि जयां, इलै चौकस रा कखि कुई तुमतै भरमै नि द्‍यो।”

खास चेलों 20:32

अर अब मि तुमतै परमेस्वर का सुपुर्द कैरी देन्दु, अर वेकी बड़ी किरपा का वचन तैं लगातार याद करण कू बुल्दु, अर वु ही वचन तुमतै बिस्वास मा मजबूत बणै सकदु, अर जौं लोगु तैं परमेस्वर न पवित्र बणयूं च ऊं लोगु तैं यू वचन ही वारिस होण को अधिकार दे सकदु।

1 कुरिन्थि 5:11

अर यू सब बतौणु खुणि ही मि तुम खुणि इन लिखणु छौं, कि तुमतै इन्द्रया लोगु का दगड़ा मा मेल-जोल नि रखण चयेणु, जु खुद तैं मसीह का लोग बतौन्दिन, मगर दुसरो का दगड़ा मा गळत सम्बन्ध रखदिन, या लालची छिन, अर मूरत पूजा या गळी देण वळा छिन, या फिर दरोळया, दुसरो तैं धोखा देण वळा छिन। अरे, मि तुमतै बतै देन्दु कि इन्द्रया लोगु का दगड़ा मा खाणुक खाण भि छोड़ि द्‍या।

1 कुरिन्थि 6:18

इलै हे मेरा भै-बैंणो, एक-दुसरा का दगड़ा मा गळत सम्बन्ध रखण से भागा, किलैकि दुसरा पाप मनखि का सरील तैं नुकसान नि पौंछन्दिन, मगर जु लोग गळत सम्बन्ध रखण मा लग्यां रौनदिन, वु अपणा सरील का खिलाप मा पाप करदिन।

2 कुरिन्थि 12:21

अर मितैं ईं बात कि चिन्ता च कि जब मि तुमरा पास फिर से औलु, अर अगर जु तुमरा बीच मा भौत सा लोग अभि भि अपणा पुरणा पापों मा ही फंस्यां छिन, अर अपणा मनों मा गळत विचार रखदिन, या सरील का गळत सम्बन्ध रखणा छिन, जौन अपणा यों पापों से पस्ताप नि कैरी त मितैं तुमरि खातिर दीन होण पोड़लु, अर पिता परमेस्वर का समणि रुंण पोड़लु।

गलातियों 6:7

धोखा मा नि रयां, परमेस्वर तैं मजाक मा नि लिये जान्दु, किलैकि जन मनखि बुतदु च वेका मुताबिक लवै भि करदु।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।

1 यूहन्ना 3:7

हे मेरा प्यारा बच्‍चों, ध्यान रखा कखि कुई तुमतै भरमै नि द्‍यो। अर जैको चाल-चलन खरु च उई मनखि पिता परमेस्वर की नजर मा धरमी च, ठिक उन्‍नि जन यीशु मसीह वेकी नजर मा धरमी च।