1 कुरिन्थि 6:11 - Garhwali

¹¹ अर तुम मा बटि कुछ लोग इन्द्रया ही छा, मगर पिता परमेस्वर न हमरा प्रभु यीशु मसीह का नौ से अर अपणी पवित्र आत्मा से तुमतै ध्वेके शुद्ध कैरी अर धरमी ठैरै।

गढवली नयो नियम

¹¹ पैली तुम मा बट्टी कुछ इन कै बरतौ करदा छा, पर तुम प्रभु यीशु मसीह का नौं से अर हमारा पिता परमेश्वर का आत्मा बट्टी तुम्हरा पाप धवे गैनी, अर तुम तैं पवित्र बणै अर धर्मी ठैरे।

1 कुरिन्थि 6:11 Referans Kwoze

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

खास चेलों 22:16

इलै अब कैं बात की देर? चड़म खड़ु उठा, अर बपतिस्मा ल्या, अर यीशु को नौ लेके अपणा पापों तैं ध्वे द्‍या।’

रोमियों 8:30

अर दुनियां की शुरुवात से भि पैलि जौं लोगु तैं पिता परमेस्वर न चुण्यालि छौ, वेन ऊंतैं बुलै भि च अर ऊंको न्याय कैरिके ऊंतैं अपणी नजर मा धरमी भि ठैरैयालि। अर वेन ऊंतैं अपणी नजर मा केवल धरमी ही नि ठैरै, बल्किन मा ऊंतैं आदर-सम्मान भि दियाली।

1 पतरस 1:2

पिता परमेस्वर न तुमतै अपणी पैलि बटि बणईं योजना का मुताबिक अपणी औलाद होणु खुणि चुण्यालि छौ। अर वेन अपणु पवित्र आत्मा तुमतै देई, ताकि तुम लोग यीशु मसीह की आज्ञा को पालन कैरी सैका, अर क्रूस पर यीशु मसीह की मौत का बगत जु ल्वे बोगि, वेका द्‍वारा ही वेन तुमतै शुद्ध कैरी। अर मि तुम सभ्यों खुणि इन प्रार्थना करदु, कि वेकी किरपा अर शान्ति तुमतै भरपूरी से मिलदी रौ। आमीन।

इब्रानी 10:22

इलै आ, अब हम सच्‍चा मन अर पूरा बिस्वास का दगड़ा मा पिता परमेस्वर का नजदीक ऐ जा, किलैकि हमतै पवित्र करण का खातिर हमरा दोषी जमीर पर यीशु मसीह का ल्वे तैं छिड़के गै, ताकि हम पर लग्यूं इळजाम दूर हो अर हम मन से पवित्र अर अपणा सरील तैं बपतिस्मा का पाणिळ ध्वेके शुद्ध ह्‍वे जा।

इफिसुस 5:26

अर जन पाणि का द्‍वारा साफ किये जान्दु, ठिक उन्‍नि वु हमतै अपणा वचन का द्‍वारा शुद्ध करदु।

इफिसुस 5:8

अर या बात मि तुमकु इलै बोन्‍नु छौं, किलैकि पैलि तुम अन्धेरा मा छा, पर अब प्रभु यीशु का दगड़ा मा एक होण की वजै से तुम मा भि उज्याळु ऐ गै। इलै हे मेरा दगड़्यों, उज्याळे की औलाद होण की वजै से अपणा जीवन को गुजर-बसर उज्याळा मा कैरा।

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

रोमियों 8:33

अर जब पिता परमेस्वर ही अपणा लोगु तैं निरदोष साबित करदु, त फिर कु च वु, जु कि वेका चुण्यां लोगु पर नियम-कानून तोड़ण को इळजाम लगालु?

रोमियों 5:1

इलै, जब हम बिस्वास करण की वजै से धरमी ठैरैये ग्यां, त चला, अब हम अपणा प्रभु यीशु मसीह का द्‍वारा पिता परमेस्वर का दगड़ा मा मेल-जोल को रिश्ता बणा।

2 थिस्सलुनीकी 2:13

मगर हे मेरा भै-बैंणो, तुम जु प्रभु का प्रिय लोग छाँ, हमरि या जिमेदारी बणदी की हम तुमरा खातिर पिता परमेस्वर को धन्यवाद हमेसा कैरा। किलैकि परमेस्वर न तुमतै शुरुवात बटि ही चुण्यालि, कि तुमतै बचयै जौ। अर जब हम वेका सच्‍चा वचन पर बिस्वास करद्‍यां, तब पवित्र आत्मा हमतै पवित्र बणादु ताकि वेका द्‍वारा हम पूरि तरौं से बचि जां।

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।

गलातियों 3:11

इलै या बात साफ ह्‍वे जान्दी कि नियम-कानूनों का द्‍वारा पिता परमेस्वर की नजर मा कुई भि धरमी नि ठैरदु, किलैकि पवित्रशास्‍त्र मा लिख्यूं च कि, “जु मनखि परमेस्वर की नजर मा धरमी च, उ बिस्वास करण की वजै से ज्यून्दु रालु।”

दिब्य दरस 7:14

अर मिन बोलि कि, “हे मेरा प्रभु, मितैं त नि च पता पर तुमतै पता होलु।” अर वेन मिकू बोलि कि, “यू वु लोग छिन, जौन बड़ी पीड़ा सै अर वामा बटि निकळि के अयां छिन, अर ऊंन अपणा कपड़ों तैं मेम्‍ना का ल्वे मा ध्वेके के खुद तैं सफेद कर्युं च।

गलातियों 2:16

हम जणदा छां कि एक मनखि तैं नियम-कानूनों का मुताबिक ना, बल्किन मा सिरफ यीशु मसीह पर बिस्वास करण का द्‍वारा ही धरमी ठैरैये जान्दु। अर हम दुईयों न भि खुद यीशु मसीह पर बिस्वास कैरी, ताकि हम भि वे पर बिस्वास कैरिके धरमी ठैरैये जां, ना कि नियम-कानूनों का मुताबिक, किलैकि नियम-कानूनों का मुताबिक कुई भि मनखि परमेस्वर की नजर मा धरमी नि ठैरैये जालु।”

1 कुरिन्थि 12:2

अर जब तुम ज्यून्दा पिता परमेस्वर तैं नि जणदा छा, तब तुमरो जीवन कन छौ वांका बारा मा भि तुम जणदा ही छाँ। अर वे बगत त तुम बेजान मूरतों की पूजा करदा छा, अर ऊंका पिछनै चलदा छा, अर जन तुमतै बतये जान्दु छौ तुम उन्‍नि करदा छा।

इब्रानी 2:11

इलै यीशु जौं लोगु तैं पवित्र करदु अर जु लोग वेका द्‍वारा पवित्र किये जाण छिन, दुईयों को एक ही पिता च। अर ईं बात की वजै से ही यीशु ईं दुनियां का लोगु तैं अपणु भै-बैंण बोन्‍न मा झिझक मैसूस नि करदु।

गलातियों 3:24

इलै जबरि तक हम यीशु मसीह पर बिस्वास करण वळा नि ह्‍वे ग्यां, तबरि तक ऊं नियम-कानूनों न हमतै सिखै अर हमरि इन जबाबदारी छै कि हम ऊं नियम-कानूनों का मुताबिक चला। पर अब यीशु मसीह पर बिस्वास करण से हम नियम-कानूनों से आजाद ह्‍वे ग्यां, अर परमेस्वर की नजर मा धरमी ठैरै ग्यां।

रोमियों 5:9

इलै जब हम यीशु मसीह का ल्वे का द्‍वारा पिता परमेस्वर की नजर मा धरमी गिणै ग्यां, त अब उ हमतै परमेस्वर का खतरनाक गुस्सा से जरुर बचालु।

रोमियों 3:24

मगर तभि भि पिता परमेस्वर की महान किरपा न इन साबित कैरी, कि हम वेकी नजर मा धरमी छां। अर यू वेन अपणा पुत्र प्रभु यीशु मसीह का द्‍वारा कैरी, जब वेन हमतै हमरा पापों से माफी दिनी, अर वे दण्ड से छुटकारु दे जु कि हमतै मिलण वळु छौ।

1 पतरस 3:21

अर जै पाणि से वु आठ लोग बचयै गैनी वेको मतलब बपतिस्मा से च, जु कि तुमतै बचौन्दु। अर बपतिस्मा को मतलब यू नि च, कि वां से सरील की गन्दगी दूर ह्‍वे जौ, असल मा वांको मतलब इन च कि तुम लोग जमीर मा शुद्ध ह्‍वेके पिता परमेस्वर का अधीन ह्‍वे जा। अर यू सब यीशु मसीह का मुरदो मा बटि ज्यून्द होण से च।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

गलातियों 3:8

अर परमेस्वर न पवित्रशास्‍त्र का द्‍वारा हमतै पैलि ही इन बतै दिनी, कि जु लोग यहूदी जाति का नि छिन ऊं लोगु तैं पिता परमेस्वर बिस्वास का द्‍वारा धरमी ठैरालु। अर वे बगत मा परमेस्वर न हमरा पितर अब्राहम तैं इन शुभ समाचार दिनी कि, “अब्राहम, तेरा द्‍वारा धरती का सब लोग आसीस पाला।”

रोमियों 4:5

अर इन्द्रयो कुई भि मनखि नि च जु कि अपणी ताकत से परमेस्वर की नजर मा धरमी साबित ह्‍वे सैको, मगर जु मनखि परमेस्वर पर बिस्वास करदु उ वेतैं माफ करदु अर अपणी नजर मा वेतैं धरमी साबित करदु।

लूका 18:14

यीशु न ऊंकू बोलि, “मि तुमतै बतै देन्दु, कि यू फरीसी मनखि ना पर चुंगी लेण वळु मनखि धरमी ठैरैये गै अर घौर चलि गै। किलैकि जु कुई अफ तैं बड़ु बणालु उ छुटो किये जालु, अर जु अफु तैं दीन कैरिके छुटो बणालु वु बड़ु किये जालु।”

यूहन्ना 13:10

फिर यीशु न वेकू बोलि, “जु नहे गै वेतैं खुटों का अलावा और कुछ भि धोणे की जरुरत नि च। किलैकि उ त पूरि तरौं से शुद्ध च। अर तुम शुद्ध छाँ, पर सभ्या का सभि ना।”

यूहन्ना 13:8

पर पतरस न वेकू बोलि, “मि तुमतै अपणा खुटा कभि भि धोणु कू नि द्‍यूलु।” यू सुणी के यीशु न वेकू बोलि, “अगर जु मि तेरा खुटा नि धूलु, त तू मेरा दगड़ा मा साझी नि ह्‍वे सकदी।”

इब्रानी 10:29

त फिर सोचा ऊं लोगु कि सजा कथगा खतरनाक होलि जौन परमेस्वर का पुत्र को अपमान कैरी, अर करार का वे ल्वे तैं सुद्‍दी समझि जैका द्‍वारा ऊंतैं पवित्र किये गै छौ। अर ऊंन पवित्र आत्मा से मिलण वळी किरपा को आदर नि कैरी, बल्किन मा बेजती कैरी।

1 यूहन्ना 2:12

हे मेरा प्यारा बच्‍चों, या चिठ्‍ठी मि तुम खुणि इलै लिखणु छौं, किलैकि यीशु मसीह का द्‍वारा तुमरा पाप माफ किये गैनी।

मत्ती 20:4

अर वेन ऊंकू बोलि, ‘तुम लोग भि मेरा अंगूरों का बगिचा मा जा, अर मि तुमतै ठिक-ठाक ध्याड़ि द्‍यूलु।’ तब वु लोग भि वेका बगिचा मा गैनी।

यूहन्ना 5:4

किलैकि परमेस्वर को स्वर्गदूत कभि-कभि ही कुण्ड मा उतरि के वे पाणि तैं हिलांदु छौ। अर पाणि हिलण का बाद जु मनखि उखुन्द पैलि जान्दु छौ, उ कन्दरि भि बिमारि मा किलै ना हो, उ खूब ह्‍वे जान्दु छौ।]