1 कुरिन्थि 5:6 - Garhwali

⁶ अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

गढवली नयो नियम

⁶ तुम्हरो बड़ो मोन कन ठिक नि च मण्डलि पूरा ढंग पर अनैतिकता तैं लै के दुःखी अर वे बट्टी दूर हूंणा का बजाय वे पर बड़ो मोन कनी च; जन जरा सी खमीर पूरा गूंदयां आटा तैं खमीर कैरी दींद उन ही, जु एक आदिम तैं पाप कने की मंजूरी मिलो, त जल्द ही सभि लोग भि उन ही कनु कु प्रभावित होला।

1 कुरिन्थि 5:6 Referans Kwoze

याकूब 4:16

पर तुम डींग मरद्‍यां अर बड़ु मोन भि करद्‍यां, पर इन करण तुम खुणि बुरु च।

गलातियों 5:9

अर जन थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु, ठिक उन्‍नि गळत शिक्षा भि च।

1 कुरिन्थि 15:33

इलै तुम धोखा मा नि रयां किलैकि, “कुसंगति को संग नि करण अर डुण्डी लखड़ी कन्ध नि धरण।”

1 कुरिन्थि 5:2

अर तुम ईं बात पर बड़ु मोन करद्‍यां, जब कि तुमतै दुखी होण चयेणु छौ। अर जै आदिम न यू काम कैरी, वेतैं त तुमरा बीच मा बटि बेदखल कर देण चयेणु।

मत्ती 13:33

अर यीशु न ऊंतैं एक और उदारण देके बोलि, “परमेस्वर को राज खमीर का जन च जैतैं एक जनानि न तीन पाथा आटा मा खमीर मिलै, अर उ पूरु आटु खमीर बणि गै।”

2 तीमुथियुस 2:17

अर जन ददरो सरील मा भौत जल्दी फैलदी, ठिक उन्‍नि झूठ्‍ठी शिक्षा भि लोगु का बीच मा भौत जल्दी फैलदी च। अर वा झूठ्‍ठी शिक्षा देण वळा हुमिनयुस अर फिलेतुस छिन।

1 कुरिन्थि 3:21

इलै कुई भि मनखि इन दावा नि कैरो, कि उ कै खास मनखि को चेला च, किलैकि तुमरि भलै खुणि ही पिता परमेस्वर न तुमतै सब कुछ दियूं च।

लूका 13:21

यू त खमीर का जन च जैतैं एक जनानि न तीन पाथा आटा मा खमीर मिलै, अर इन करद-करद उ पूरु आटु खमीर बणि गै।”

रोमियों 6:16

अर क्या तुम नि जणद्‍यां, जब तुम खुद तैं एक गुलाम की तरौं दुसरो का सुपुर्द कैरी देन्द्‍यां, तब तुम उई काम करद्‍यां, जन तुमरो मालिक चान्दु। अर ठिक उन्‍नि जु मनखि पाप की सेवा करदु वेका बदला मा वे खुणि मौत रखी च, अर जु मनखि पिता परमेस्वर की आज्ञा को पालन करदु वांका बदला मा वे खुणि सदनि को जीवन रख्युं च।