1 कुरिन्थि 4:9 - Garhwali

⁹ मगर हम लोग अभि तक धरती का राजा नि बणयां। मितैं त इन लगदु, कि हम खास चेलों तैं पिता परमेस्वर न इन्द्रयो मनखि बणयूं च, जौं की हालत दुनियां का सब लोगु मा बटि सबसे जादा खराब च। हम त वु लोग छां जौं कि बुरै ही किये जान्दी अर तमसो बणयै जान्दु। अर यू सब त इलै च किलैकि पिता परमेस्वर न हमतै खास चेला का रुप मा चुण्यालि, जौं खुणि मौत की आज्ञा ठैरैईं च, इलै हम दुनियां का लोग खुणि अर स्वर्गदूतों खुणि एक तमसो बणि ग्यां।

गढवली नयो नियम

⁹ मि तैं इन लगद, कि पिता परमेश्वर ल हम प्रेरितों तैं विजय-यात्रा मा मृत्यु दण्ड पांण वला कैदियों का जन सबसे आखरी जगह पर रख्युं च। हम सैरी सृष्टि, स्वर्गदूतों अर मनिख्युं का संमणी मजाक बंणि ग्यां।

1 कुरिन्थि 4:9 Referans Kwoze

इब्रानी 10:33

अर कभि-कभि त तुमतै सतौ सौण पोड़ि अर सभ्यों का समणि तुमरो अपमान किये गै, अर कभि-कभि त तुमुन ऊं लोगु खुणि बड़ी चिन्ता दिखै जौं का दगड़ा मा तुम जन ही बरतौ किये गै।

रोमियों 8:36

अर जन की पवित्रशास्‍त्र मा भि लिख्यूं च कि, “त्वे खुणि हम हरेक बगत मौत का खतरा मा रौन्द्‍यां, अर हम त बलिदान का रुप मा चड़ये जाण वळी भेड़ का जन छां।”

इब्रानी 1:14

अर, यू सब स्वर्गदूत त सेवा करण वळी आत्मा छिन, जु कि बचयै जाण वळा लोगु की सेवा खुणि भिजे जनदिन।

इब्रानी 11:36

अर बिस्वास करण वळा कुछ लोगु को मजाक उड़ये गै, अर कुछ लोगु तैं कोड़ा मरे गैनी, इख तक कि कुछो तैं संगुळों मा बान्धि के जेलखाना मा भि बन्द किये गै।

1 थिस्सलुनीकी 3:3

अर वेतैं भेजण को हमरु यू मकसद च कि जु सतौ तुम लोग सौणा छाँ, ये सतौ की वजै से कखि तुम बिस्वास करण से पिछनै नि हटि जां। अर तुम अफि जणद्‍यां, कि हम बिस्वासी लोगु पर ये सतौल त औण ही औण च।

2 कुरिन्थि 6:9

अर कुछ लोग अच्छे से जणदिन कि हम परमेस्वर का सच्‍चा सेवक छां, मगर कुछ लोग ईं बात तैं स्वीकार नि करदिन। अर कई बार लोगु न हमतै मरणे की कोसिस कैरी, मगर हम अभि भि ज्यून्दा छां। अर कई बार हमतै भौत पीटे गै मगर हम फिर भि नि मुरयां।

खास चेलों 19:31

अर आसिया मुलक का कई अधिकारी पौलुस का दगड़्या छा, यों लोगु न वे खुणि रैबार भेजि कि वे घौर मा जैके खतरा मोल नि ले।

खास चेलों 19:29

तब पूरा नगर मा घपरोळ होण लगि गै, अर यों लोगु न मकिदुनिया मुलक का रौण वळा गयुस अर अरिस्तर्खुस तैं पकड़ी दिनी, जु कि पौलुस का दगड़ा मा यात्रा कैरिके इख अयां छा। अर भागी के यों तैं वे घौर मा लि गैनी, जख नाटक होन्दा छा।

1 कुरिन्थि 15:19

अर ये जीवन मा अगर हमरि आस केवल यीशु मसीह पर ही च त यां को मतलब यू च कि हमुन बेकार मा ही वे पर बिस्वास कैरी, अर अब हमरि हालत दुनियां सब लोगु से जादा खराब च।

2 कुरिन्थि 11:23

अर वु लोग बड़ु मोन करदिन कि वु यीशु मसीह की सेवा करणा छिन। पर अब मि भि एक मूरख की तरौं तुमतै चितै देन्दु, कि मि यीशु मसीह खुणि भौत मेनत कनु छौं अर कई बार जेलखाना डळै ग्यों, अर भौत बार लोगु न मितैं बुरी तरौं से मारी, इख तक की कई बार मुरण वळु भि छौ मगर बचि ग्यों। अर मेरा दगड़ा मा यू सब इलै ह्‍वे किलैकि मि यीशु मसीह को सेवक छौं।