1 कुरिन्थि 4:8 - Garhwali

⁸ अरे, तुम मा त बिजांम च अर तुम मा ह्‍वे गैनी छक रुपया, मगर तुम त हमरा बगैर ही राज करण लगि ग्यां। कास, या बात सच्‍चि होन्दी, कि तुम राजा बणि के राज कना रौन्दा, अर हम भि तुमरा दगड़ा मा राज करदा।

गढवली नयो नियम

⁸ जु तुम तैं लगदु कि जु कुछ भि आत्मिक रूप मा जरुरी च अर उ सभि कुछ तुम मा च; जन की वरदान, जु पवित्र आत्मा लुखुं तैं दींद; जु तुम सुचदियां कि हमारा बगैर तुम ल राजाओं का जन राज्य कन शुरू कैरेले; त मि तैं भौत खुशी होली, तुम हक्कीकत मा राजाओं का जन राज्य कन शुरू कैरा, कि हम भि तुम दगड़ी राज्य कैरी साका।

1 कुरिन्थि 4:8 Referans Kwoze

गलातियों 6:3

अर अगर कुई मनखि अफ तैं दुसरो से जादा ठिक समझदु पर हो ना, त सुणी ल्या की इन्द्रयो मनखि खुद तैं ही धोखा देणु च।

2 कुरिन्थि 13:9

अर भले ही हम कमजोर छां मगर हमतै खुशी च कि तुम बिस्वास मा मजबूत छाँ। अर हम पिता परमेस्वर बटि इन्‍नि प्रार्थना करद्‍यां, कि तुम और भि जादा मजबूत होन्दी जा।

1 कुरिन्थि 5:6

अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

1 कुरिन्थि 1:5

अर अब जब तुम वेका पास ऐ ग्यां, त पिता परमेस्वर न यीशु मसीह का द्‍वारा तुमतै हरेक बात मा काबिल बणैयालि, याने कि अब वेन तुमतै वचन सिखौण की पूरि ताकत, अर वेतैं बिंगणु खुणि ज्ञान भि दियाली।

रोमियों 12:3

अर ज्वा किरपा पिता परमेस्वर न मि पर कैरी, वेका मुताबिक मि तुमतै बतै देन्दु, कि तुम भि भौत कुछ छाँ इन दिखौणु खुणि तुम लोगु का समणि खुद तैं परगट नि कैरा, बल्किन मा जु बिस्वास पिता परमेस्वर न तुमतै सौंपी, वेका बारा मा ध्यान से सोच-विचार कैरा।

लूका 6:25

हाय च तुम पर, जु कि तुम अभि पुटगु भोरी के खान्दा-पीन्दा छाँ, किलैकि तुमतै भूक सतालि। हाय च तुम पर, जु कि तुम अभि हैंसणा छाँ, किलैकि तुम शोक मणैल्या अर रुविल्या।

दिब्य दरस 3:17

किलैकि तुम बुल्द्‍यां कि, मि सेठ छौं अर अपणी कोसिस से मिन भौत दौलत हासिल कैरियाली, अर अब मितैं कैं भि चीज कि जरुरत नि च, मगर तुम इन नि जणद्‍यां कि तुम लाचार, अर बदकिस्मत छाँ अर भौत गरीब, अन्धु अर नंगा छाँ।

फिलिप्पी 2:12

इलै हे मेरा प्यारा भै-बैंणो, मि जणदु छौं कि जब मि तुमरा दगड़ा छौ त तुम हमेसा से आज्ञा को पालन करदी औणा छाँ। अर अब जब मि तुम से दूर छौं, इलै अब या बात और भि जादा ध्यान रखण वळी ह्‍वे जान्दी कि तुम ऊं सब बातों को पालन और भि जादा कैरा, जु कि बिस्वासी लोगु खुणि सही छिन जैतैं पिता परमेस्वर न बचैयालि।

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

2 कुरिन्थि 11:1

हे मेरा दगड़्यों, जन तुम दुसरा लोगु तैं स्वीकार करद्‍यां जु कि अपणी ही बातों पर बड़ु मोन करदिन, कास, उन्‍नि तुम मितैं भि स्वीकार करदा जब कि मि तुमरि नजर मा एक मूरख मनखि का जन बरतौ करदु।

1 कुरिन्थि 4:18

अर कुछ लोग त बड़ु मोन कैरिके इन फूली गैनी, जन कि मिन अब तुमरा बीच मा औण ही नि होलु।

खास चेलों 26:29

वेन बोलि, “मि परमेस्वर से प्रार्थना करदु कि थुड़ा बगत हो या जादा, सिरफ तुम ही ना बल्किन मा जथगा भि लोग मेरी यों बातों तैं सुनणा छिन, सब मि जन मसीह बणि जा अर मेरी इच्छा इन भि च कि ऊ मि जन कैदी नि बणा।”

मत्ती 5:1

अर ईं बड़ी भीड़ तैं देखि के यीशु पाड़ पर चैड़ि अर उख जैके बैठि गै, अर वेका चेला वेका पास ऐनी।