1 कुरिन्थि 4:7 - Garhwali

⁷ क्या तुम लोग दुसरा लोगु का मुकाबला मा जादा जानकार छाँ? अर तुमरा पास इन्द्रयो क्या च जु कि तुमतै दुसरा मनखि से अलग करदु? अर जु कुछ भि तुमरा पास च उ सब कुछ पिता परमेस्वर की तरफा बटि ही मिल्यूं च। अर जब यू सब कुछ तुमतै परमेस्वर न देई त फिर तुमरा मोन इथगा जादा किलै चड़यां रौनदिन?

गढवली नयो नियम

⁷ कु बुल्द कि तुम दूसरों बट्टी महान छा? जु कुछ भि तुम मा च, उ पिता परमेश्वर ल तुम तैं दियुं च, त तुम्हरो वे पर बड़ो मोन कनु कु कुई अधिकार नि बणद।

1 कुरिन्थि 4:7 Referans Kwoze

यूहन्ना 3:27

तब यूहन्‍ना न बोलि, “जबरि तक मनखि तैं परमेस्वर की तरफा बटि नि दिये जौ, तबरि तक उ कुछ नि पै सकदु।

1 पतरस 4:10

अर पिता परमेस्वर की किरपा से जु-जु दान-बरदान तुमतै मिल्यां छिन, ऊं दान-बरदानों को इस्तेमाल एक-दुसरा की सेवा मा कैरा, अर एक अच्छु सेवक बणा।

याकूब 1:17

किलैकि हरेक अच्छु अर उत्तम दान-बरदान स्वर्ग बटि औन्दु अर पिता परमेस्वर की तरफा बटि मिलदु च। अर वेन ही आसमान मा चमकण वळी ज्योतियों तैं बणै। अर उ कभि भि नि बदल्दु। अर चै कुई भि अदळौ-बदळौ ह्‍वे जौ, पर वेमा कुई अन्धेरु नि पोड़दु।

रोमियों 12:6

अर वेका मुताबिक ज्वा किरपा हम पर किये गै, हमतै अलग-अलग दान-बरदान मिल्यां छिन। इलै जैतैं भविष्यबाणी करण को बरदान मिल्यूं च वु मनखि बिस्वास का मुताबिक वेको इस्तेमाल कैरो।

यूहन्ना 1:16

अर वेकी भरपूर किरपा बटि हम सभ्यों तैं आसीस पर आसीस मिली।”

लूका 19:13

अर वेन जाण से पैलि नौकरों मा बटि दस नौकरों तैं अपणा पास बुलै अर ऊंतैं दस सोना का सिक्‍का दिनी, अर बोलि, ‘जब तक मि वापिस नि ऐ जौ, तब तक यों से व्यापार कर्यां।’

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

1 कुरिन्थि 7:7

फिर भि मेरी सला त या ही च कि कास सब लोग मि जन अणविवाक रौन्दा, त कथगा भलु होन्दु। मगर हरेक मनखि तैं परमेस्वर की तरफा से अलग-अलग दान मिल्यूं च। अब कुछ लोगु तैं ब्यौ करण को अर कुछ तैं मि जन अणविवाक रौण को दान मिल्यूं च।

रोमियों 12:3

अर ज्वा किरपा पिता परमेस्वर न मि पर कैरी, वेका मुताबिक मि तुमतै बतै देन्दु, कि तुम भि भौत कुछ छाँ इन दिखौणु खुणि तुम लोगु का समणि खुद तैं परगट नि कैरा, बल्किन मा जु बिस्वास पिता परमेस्वर न तुमतै सौंपी, वेका बारा मा ध्यान से सोच-विचार कैरा।

रोमियों 1:5

अर वेका द्‍वारा हम लोगु न परमेस्वर की किरपा अर वेको खास चेला होण को पद पै, ताकि हरेक जाति का लोग यीशु मसीह का नौ पर बिस्वास कैरा अर वेकी आज्ञाओं तैं माणा।

1 कुरिन्थि 5:6

अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

1 कुरिन्थि 3:5

अर तुमरो यू पौलुस अर अपुल्‍लोस क्या च लगायूं? अरे, हम त सिरफ यीशु मसीह का सेवक छां। अर हमरि बातों तैं सुणी के तुमुन यीशु मसीह पर बिस्वास कैरी, अर हम दुईयों न त सिरफ उई काम कैरी जु कि परमेस्वर न हमतै देई।