1 कुरिन्थि 4:2 - Garhwali

² अर अगर कै सेवक मा मालिक का द्‍वारा कुई काम सौंपे गै, त वेको यू फरज बणदु कि उ वेकी आज्ञा को पालन कैरो। अर वे सेवक तैं वे काम खुणि भरोसा का लैख बणयूं रौण चयेणु।

गढवली नयो नियम

² एक मनिख जै तैं अपड़ा मालिक द्वारा काम कनु कु दिए गै हो, वे तैं सच मा विश्वासयोग्य हूंण चयणु च कि जु काम वे तैं दिए गै वे तैं उ पूरो कैरो।

1 कुरिन्थि 4:2 Referans Kwoze

मत्ती 25:21

मालिक न वेकू बोलि, ‘सबास, मेरा अच्छा अर भरोसा लैख नौकर, तू कम मा भि इमानदार रै, इलै मि त्वेतै भौत सि चीजों को अधिकारी बणौलु। आ जा, अपणा मालिक की खुशी मा सामिल हो।’

लूका 12:42

तब यीशु न एक और उदारण देके बोलि, “उ वफादार अर अकलमन्द कर्ता-धर्ता कु च? जैको मालिक वेतैं सब नौकरों का मथि एक मुखिया बणौन्दु, ताकि उ ऊंतैं बगत-बगत खाणुक को समान द्‍यो।

मत्ती 25:23

मालिक न वेकू बोलि, ‘सबास, मेरा अच्छा अर भरोसा लैख नौकर, तू कम मा भि इमानदार रै, इलै मि त्वेतै भौत सि चीजों को अधिकारी बणौलु। आ जा, अपणा मालिक की खुशी मा सामिल हो।’

कुलुसी 4:17

अर भै अरखिप्पुस कू बुलयां, कि सेवा को जु काम प्रभु न त्वेमा सौप्युं च वेतैं तू ध्यान से कैरी।

2 कुरिन्थि 2:17

अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

कुलुसी 1:7

अर ये शुभ समाचार की शिक्षा तुम लोगु न हमरा प्यार भै इपफ्रास बटि पै, जु कि हम खुणि यीशु मसीह को एक भरोसामन्द सेवक च।

1 कुरिन्थि 7:25

अर कुंवारियों खुणि मितैं प्रभु बटि कुई आज्ञा नि च मिली, मगर मि तुमतै सला देणु छौं। अर मि पर यकीन किये जै सकदु, किलैकि प्रभु यीशु न मि पर अपणी दया कैरिके मितैं वफादार बणै।

2 कुरिन्थि 4:2

अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।

कुलुसी 4:7

हे मेरा दगड़्यों, मेरा प्यारु भै तुखिकुस जु कि प्रभु की सेवा का काम मा मेरी मदद करण वळु अर भरोसामन्द मनखि च, जब उ तुमरा पास आलु, त मेरा बारा मा तुमतै सब कुछ बतै द्‍यालु।

1 कुरिन्थि 4:17

इलै सुणा, मि तुमरा पास तीमुथियुस भै तैं भेजणु छौं। अर उ मेरा नौना का जन च, जै से मि भौत प्यार करदु अर उ प्रभु का काम खुणि भरोसा का लैख मनखि च। जब उ उख पौंछुलु त उ तुमतै याद दिलौलु, कि यीशु मसीह का पिछनै चलण मा मेरु चाल-चलन कन च। अर जब मि कै बिस्वासी समुदाय मा जान्दु, त उखा लोगु तैं मि कै तरिकळ सिखौन्दु।

1 कुरिन्थि 4:1

इलै तुम लोग हमतै प्रभु का सेवक समझा, जौं का पास पिता परमेस्वर न सच्‍चै सिखौण को काम सौप्युं च, जु कि पैलि परगट नि छौ।

1 कुरिन्थि 4:3

अर अगर तुम लोग मि खुणि भरोसेमन्द बुल्द्‍यां या नि भि बुल्द्‍यां, त मि पर वां से कुई फर्क नि पोड़दु। अर ना ही मितैं ईं बात की कुई चिन्ता च कि लोग मि खुणि क्या बुल्दिन। इख तक की मि खुद ईं बात खुणि अपणी जाँच-पड़ताल नि करदु।