1 कुरिन्थि 4:11 - Garhwali

¹¹ अर हम आज का दिन पर भि भूका अर तिसळा छां, अर फटयां-पुरणा कपड़ा पैरद्‍यां, अर विरोध करण वळा लोगु की मार खन्द्‍यां, अर इनै-उनै भटकणा रौन्द्‍यां।

गढवली नयो नियम

¹¹ हम आज तक भि भुखी, तिस्सी छा अर फटयां पुरणा कपड़ोंं मा छा, अर हम दगड़ी बुरो बरतौ हूंणु च, अर हम मा रौंणु कु भि घौर भि नि च।

1 कुरिन्थि 4:11 Referans Kwoze

रोमियों 8:35

अब कुई भि हमतै यीशु मसीह का प्यार से अलग नि कैरी सकदु, नऽ त कुई दुख-तकलीफ, ना ही कुई सतौ, नऽ त अकाळ, अर ना ही कपड़ों की कमी जु की हम नंगा ह्‍वे जा। अर नऽ त नुकसान पौछाण वळु कुई खतरा हमतै वेका प्यार से अलग कैरी सकदु, अर ना ही मौत हमतै वेसे अलग कैरी सकदी।

फिलिप्पी 4:12

मि गरीबी की हालत मा गुजर-बसर करण, अर भरपूरी मा भि जीवन जीण जणदु छौं। अर मिन हरेक बात अर हरेक दसा मा रौण भि सिख्यालि, अर जब पुटगी भुरीं रौन्दी या जब भूक लगि रौन्दी तब कन लगदु यू भि मि जाणि ग्यों। अर जब सब कुछ होन्दु या कुछ नि रौन्दु, त यां का बारा मा भि मि भौत अच्छे से जणदु छौं।

2 तीमुथियुस 3:11

अन्ताकिया, इकुनियुम अर लुस्‍त्रा का नगरों मा जु-जु दुख मिन उठैनि, ऊंका बारा मा भि तू जणदी ही छैई। फिर भि प्रभु न मितैं यों सब मुसीबतों बटि छुड़ै।

मत्ती 8:20

यीशु न वेकू बोलि, “स्याळों का उड़्यार अर पंछियों का घोल होनदिन, पर मनखि का पुत्र का पास इन्दरि कुई जगा नि च जख उ रुकी के आराम कैरो।”

2 कुरिन्थि 4:8

अर हम हरेक किसम का दुखों तैं सौन्द्‍यां, मगर फिर भि हम यीशु मसीह का शुभ समाचार तैं सुनौण मा कभि भि पिछनै नि हटयां। अर जब हमतै कुछ भि पता नि होन्दु कि क्या करण चयेणु, तब भि हम पिछनै नि हटद्‍यां।

1 कुरिन्थि 9:4

अर क्या बरनबास अर मितैं तुमरा दगड़ा मा खाण-पीण को हक नि च?

खास चेलों 23:2

तब महा पुरोहित हनन्याह न पौलुस का पास खड़ा लोगु तैं आज्ञा दिनी, “वे पर थप्पड मारा।”

खास चेलों 16:23

अर भौत धड़कौण का बाद ऊं लोगु न ऊंतैं जेलखाना मा डालि दिनी, अर जेलर तैं आज्ञा दिनी कि ऊंकी पैरेदारी बड़े ध्यान से कर्यां।

खास चेलों 14:19

मगर कुछ यहूदी जाति का लोग अन्ताकिया अर इकुनियुम नगरों बटि ऐनी, अर ऊंन कुछ लोगु तैं अपणी तरफा कैरी दिनी। तब ऊंन पौलुस तैं जान से मरण खुणि वेतैं ढुंगे, अर वेतैं मुरयूं समझि के खिखोड़ी के लि गैनी अर नगर से भैर ढोळि दिनी।

2 कुरिन्थि 11:20

अर जब लोग तुमतै अपणु गुलाम बणै देन्दिन, या तुमरा दगड़ा मा अन्यो करदिन अर तुमतै धोखा देन्दिन, त तुमतै लगदु कि सब कुछ ठिक च अर घबराण कि कुई बात नि च, जब ऊ बड़ु मोन कैरिके तुमकु बुल्दिन तब तुम ऊंका मुताबिक ही करद्‍यां अर जब वु तुम पर थप्पड मरदिन तब भि तुम ऊंकी सौन्द्‍यां।