1 कुरिन्थि 3:3 - Garhwali

³ किलैकि तुम अभि भि दुनियां की बातों का मुताबिक ही चलद्‍यां। अर या बात मि इलै बोन्‍नु छौं, किलैकि तुम लोग एक-दुसरा तैं देखि के खार खन्द्‍यां अर तुमरा बीच मा झगड़ा भि होनदिन। त अब तुम मितैं इन बता क्या फिर तुम दुनियां का लोगु का जन नि छाँ? अरे, तुम त ऊंका जन ही चाल चलणा छाँ।

गढवली नयो नियम

³ किलैकि तुम अब भि अपड़ा पापी स्वभाव का अनुसार ही अपड़ो जीवन जींणा छा; इलै जब तुम मा जलन अर लड़ै-झगड़ा हूंदींनि, त क्य यु साबित नि हूंद कि तुम अपड़ा पापी स्वभाव का कब्जा मा छा? क्य तुम ईं दुनिया का लुखुं का जन ही जीवन नि जींणा छा?

1 कुरिन्थि 3:3 Referans Kwoze

याकूब 3:16

किलैकि जख खार अर मतलबी होण की इच्छा होन्दी, उख गड़बड़ी अर हरेक किसमे की बुरै ही होन्दी।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

गलातियों 5:15

अर अगर जु तुम लोग दुसरो तैं एक जानबर की तरौं काटी फाड़ी के खाणु खुणि तयार छाँ, त ध्यान रखा कखि इन नि हो कि तुम एक-दुसरो को नास कैरी द्‍या।

2 कुरिन्थि 12:20

अर मितैं ईं बात की डौऽर च कि कखि इन नि हो कि जब मि तुमरा बीच मा औंऽऽ, त जन मि चान्दु तुमतै उन नि पौं, अर जन तुम मिसे चन्द्‍यां उन तुम मितैं नि पा। अर मितैं इन भि डौऽर च कि तुमरा बीच मा झगड़ा करण वळा, खार खाण वळा, जल्दी नाराज होण वळा, अपणु ही भलु चाणा वळा, बदनाम करण वळा, झूठ्‍ठी बात फैलाण वळा, बड़ु मोन करण वळा, अर दंगा करण वळा लोग मौजूद छिन।

1 कुरिन्थि 11:18

किलैकि सबसे पैलि बात त या च, कि मिन तुमरा बारा मा इन सुणी कि जब बिस्वासी लोगु को समुदाय इकट्‍ठा होन्दु, त लोग अपणा आपस मा दल बणौणा छिन। अर जु कुछ भि मितैं पता चलि वामा बटि कुछ-कुछ बातों पर मितैं यकीन च।

1 कुरिन्थि 1:11

अर इन मि इलै बोन्‍नु छौं, किलैकि हे मेरा दगड़्यों, हमरि बिस्वासी बैंण खलोए का घौर का लोगु न मितैं तुमरा बारा मा बतै, कि तुमरा बीच मा झगड़ा होणा छिन।

रोमियों 13:13

अर हमरु सभौ दिन का उज्याळा का जन हो। हाँ, जन दिन को उज्याळु सभ्यों पर चमकदु, ठिक उन्‍नि हमरु सभौ भि हो ताकि वेका द्‍वारा हम सब लोगु खुणि अच्छु सभौ वळा बणि जा। अर नऽ त हमतै मौज-मस्ती करण चयेणी, अर ना ही हमतै नसा करण वळु होण चयेणु। अर नऽ त हमतै गळत सम्बन्ध रखण चयेणा, अर ना भोग-बिलास करण चयेणु, अर नऽ त हमतै कै का दगड़ा मा लड़ै-झगड़ा करण चयेणा, अर ना ही हमतै एक-दुसरा तैं देखि के जलत्यौण चयेणु।

1 पतरस 4:2

अर अब हम अपणा बच्यां जीवन तैं ईं दुनियां की इच्छा का मुताबिक ना, बल्किन मा परमेस्वर की मनसा का मुताबिक चला।

1 कुरिन्थि 1:10

हे मेरा भै-बैंणो, अब मि तुम से प्रभु यीशु मसीह को नौ लेके बिन्ती करदु, कि तुम सब एकमत ह्‍वेके रा, अर तुमरा बीच मा फूट नि पोड़ो, बल्किन मा तुम सब एक मन ह्‍वेके रा, अर तुम सभ्यों को एक ही मकसद हो।

1 कुरिन्थि 3:4

अर जब तुम अपणा बीच मा इन बुल्द्‍यां कि, “मि पौलुस को छौं,” अर दुसरो बुल्दु कि, “मि अपुल्‍लोस को छौं” इन बोलि के त तुम एक-दुसरा का खिलाप मा छाँ, अरे तुम त ऊं लोगु का जन छाँ जु बिस्वास नि करदिन।