1 कुरिन्थि 3:1 - Garhwali

¹ हे मेरा भै-बैंणो, जब मि तुमरा इख छौ, त मिन तुमतै यीशु मसीह की सच्‍चि शिक्षा का बारा मा वे तरीके से नि बतै जन मि ऊंतैं बतौन्दु, जु लोग बिस्वास मा मजबूत छिन अर जौं का पास पवित्र आत्मा को दान च। मगर मिन देखि कि तुम लोग अभि भि दुनियां की बातों पर ही चलद्‍यां, इलै मि तुमतै बच्‍चों का जन बिंगौन्दु।

गढवली नयो नियम

¹ हे विश्वासी भयों, तुम ईं दुनिया का लुखुं का जन दिखावा कना छा, इलै मि तुम बट्टी आत्मिक लुखुं का जन बोलि नि सकदु, किलैकि मसीह का विश्वास मा तुम बच्चों का जन छा।

1 कुरिन्थि 3:1 Referans Kwoze

इब्रानी 5:13

अर जु कुई अभि भि दूद ही पीण चाणु च त उ इन जाणि ल्या कि वेन बच्‍चा ही रौण, अर वेतैं सही अर गळत को कुई अता-पता नि च।

1 कुरिन्थि 2:6

हे मेरा दगड़्यों, जब मि कैतैं सिखौन्दु, त वे बगत मि मनखि का ज्ञान का मुताबिक बात नि करदु, मगर यीशु मसीह पर बिस्वास कैरिके जु ज्ञान मितैं मिलदु मि वेका मुताबिक ही बात करदु। अर यू सब त वेका पिछनै अटल ह्‍वेके चलण से मिलदु। अर ना ही मि ईं दुनियां का ज्ञानी अर अधिकारी लोगु का जन बात करदु। पर सुणा, ईं दुनियां का अधिकारीयों को अधिकार खतम होण वळु च।

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

रोमियों 7:14

हे मेरा भै-बैंणो, हम जणदा छां कि पिता परमेस्वर का नियम-कानून पवित्र छिन, मगर मि एक साधारण सि मनखि छौं, अर पाप का वश मा होण की वजै से मि भि वेको गुलाम छौं।

1 यूहन्ना 2:12

हे मेरा प्यारा बच्‍चों, या चिठ्‍ठी मि तुम खुणि इलै लिखणु छौं, किलैकि यीशु मसीह का द्‍वारा तुमरा पाप माफ किये गैनी।

गलातियों 6:1

हे मेरा बिस्वासी भै-बैंणो, अगर तुम लोगु मा बटि कुई मनखि पाप करद पकड़ै जान्दु, त तुम जु पवित्र आत्मा का मुताबिक चलद्‍यां, तुम वे मनखि तैं बड़ा प्यार से सच्‍चै का बाटा पर वापिस लौण की पूरि कोसिस कैरा। अर अपणु भि ध्यान रखा कखि तुम लोग भि वे ही पाप मा नि फंसी जा।

मत्ती 16:23

पर यीशु न पतरस जनै मुड़ि के बोलि, “हे शैतान, मेरा समणि बटि दूर ह्‍वे जा। पतरस मि खुणि उतेडु़ किलै बणणी छैई, तू परमेस्वर की बातों पर मन नि लगौन्दिन, बल्किन मा तेरु मन मनखियों की बातों पर लग्यूं रौन्दु।”

1 कुरिन्थि 14:37

अर अगर तुमरा बीच मा कुई मनखि इन सुचदु कि उ पिता परमेस्वर को रैबर्या च, या वेतैं पवित्र आत्मा को बरदान मिल्यूं च, त उ ईं बात तैं स्वीकार कैरो जु मि तुम खुणि लिखणु छौं, यू आदेस मितैं प्रभु की तरफा बटि मिल्यूं च।