1 कुरिन्थि 2:7 - Garhwali

⁷ अर जै ज्ञान का बारा मा हम बतौन्द्‍यां, उ पिता परमेस्वर का राज को ज्ञान च, जु कि पैलि ईं दुनियां का लोगु बटि छिप्यूं छौ, मगर ये ज्ञान तैं पिता परमेस्वर न दुनियां का बणण से भि पैलि बटि ठैरै के रख्युं छौ, ताकि हम वे बटि आदर-सम्मान पा।

गढवली नयो नियम

⁷ पर हम पिता परमेश्वर कु उ गुप्त ज्ञान जै ज्ञान की बात हम करद्यां, जु छुपियूं छो, अर अभि तक कुई भि यु तैं नि समझी साकी छो। यां से पैली कि पिता परमेश्वर ल धरती की रचना कैरी, वेल पैली ही बट्टी सोचेले छो कि वेको ज्ञान हम तैं महिमा दयालो।

1 कुरिन्थि 2:7 Referans Kwoze

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

मत्ती 13:35

अर इन वु इलै करदु छौ, ताकि वा बात पूरि ह्‍वे जौ जु की परमेस्वर का रैबर्या का द्‍वारा बुले गै छै। अर वा बात इन च कि, “मि उदारण देके बात करलु, अर जब बटि दुनियां बणि तब बटि जु बात छिपी छै, ऊं बातों तैं परगट करलु।”

मत्ती 11:25

अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्‍चों का जन छिन।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

इफिसुस 1:4

अर दुनियां का बणण से भि पैलि पिता परमेस्वर न अपणी योजना का मुताबिक हम से प्यार कैरी, अर हमतै मसीह खुणि चुणी दिनी, ताकि हम वेका दिखण मा पवित्र अर बेदाग ठैरि सैका।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

1 पतरस 1:11

अर परमेस्वर का ऊं रैबर्यों मा मसीह को आत्मा छौ, जु कि यीशु मसीह का दुख-तकलीफो का बार मा पैलि बटि ऊंतैं बतौणु छौ। अर परमेस्वर का ऊं रैबर्यों न इन जनण की पूरि कोसिस कैरी, कि मसीह को आत्मा ऊंतैं क्या-क्या दिखौणु च, अर ऊंन सब बातों तैं जनण कि कोसिस कैरी, कि ऊ सब दुनियां मा कब अर कनकै होलि।

2 तीमुथियुस 1:9

अर परमेस्वर न हमतै इलै नि बचै, कि हमुन भौत अच्छा काम करिनी। पर वेन त हम पर अपणी दया कैरिके अपणी मनसा तैं पूरि करणु खुणि हमतै बुलै। किलैकि परमेस्वर न दुनियां की शुरुवात से ही पैलि अपणी दया यीशु मसीह का द्‍वारा हम पर दिखै, अर हमतै बचौण की योजना बणै। अर वेन हमतै इलै बचै, ताकि हम एक पवित्र जीवन जी सैका।

1 पतरस 5:1

मि एक अध्यक्ष छौं अर जौं दुख-तकलीफो तैं यीशु मसीह न सै, ऊं सब बातों को मि भि एक गवा छौं, अर प्रभु का औण वळा वे आदर-सम्मान मा मि भि साझेदार छौं। इलै मि तुमरा बीच मा जु अध्यक्ष लोग छिन, ऊं से बिन्ती करदु कि,

रोमियों 8:29

किलैकि पिता परमेस्वर जौं लोगु तैं दुनियां की शुरुवात से भि पैलि बटि जणदु, ऊं खुणि वेन इन योजना बणै कि वु सब लोग वेका पुत्र यीशु मसीह का जन ह्‍वे जा, ताकि उ सब लोगु मा सबसे पैलु बणि जौ, अर वेका बाद सब वेका भै-बैंणा ह्‍वे जा।

रोमियों 8:30

अर दुनियां की शुरुवात से भि पैलि जौं लोगु तैं पिता परमेस्वर न चुण्यालि छौ, वेन ऊंतैं बुलै भि च अर ऊंको न्याय कैरिके ऊंतैं अपणी नजर मा धरमी भि ठैरैयालि। अर वेन ऊंतैं अपणी नजर मा केवल धरमी ही नि ठैरै, बल्किन मा ऊंतैं आदर-सम्मान भि दियाली।

रोमियों 11:25

हे मेरा भै-बैंणो, मि नि चान्दु कि तुम खुद तैं अपणी नजर मा भौत समझदार समझा। पर जबरि तक पिता परमेस्वर की मनसा पूरि नि ह्‍वे जौ, कि उ अपणा चुण्यां लोगु तैं अपणा पास लेके अऽ, वेका बाद ही इस्राएली लोग का निठुर मन टूटी जाला, तब ऊ यीशु मसीह की बातों को पालन करला।

1 कुरिन्थि 2:1

हे मेरा भै-बैंणो, जब मि पैलि बार तुमरा पास ऐ छौ, त पिता परमेस्वर की योजना का मुताबिक मिन वेका राज्य की बात तुमतै अपणा ज्ञान अर चालाकी से नि बतै।

इफिसुस 3:10

अर बिस्वासी समुदाय का द्‍वारा वेको मकसद इन च, कि आसमान का सासक अर सब शक्‍तियाँ पिता परमेस्वर का ज्ञान का बारा मा जाणि सैका, कि वेकी योजना कथगा महान च।

इब्रानी 1:2

मगर आखिरी का यों दिनों मा पिता परमेस्वर न अपणा पुत्र यीशु का द्‍वारा हम से बात कैरी। अर पिता परमेस्वर न वेतैं सब चीजों को वारिस बणै अर वेका द्‍वारा ही पूरि दुनियां तैं बणै।

इब्रानी 11:3

अर हम परमेस्वर पर बिस्वास करद्‍यां अर वां से इन जणद्‍यां कि परमेस्वर का वचन का द्‍वारा पूरि दुनियां बणयै गै, इलै जु कुछ हम दिखणा छा वु ऊं चीजों बटि बणि जु कि दिखेन्दु नि च।