1 कुरिन्थि 2:4 - Garhwali

⁴ अर वे बगत जु वचन मिन बोलि या परचार कैरी, उ ऊंका जन नि छौ जु कि अपणी बातों का द्‍वारा लोगु का मनों तैं अफ जनै कैरी देन्दिन, मगर मिन तुमतै पवित्र आत्मा का द्‍वारा सब सच्‍चि बात ही बतैनि।

गढवली नयो नियम

⁴ अर मेरी शिक्षा, अर मेरू प्रचार मनिख्युं तैं लुभौण वली बात कु न, पर पवित्र आत्मा ल तुम तैं एक बड़ी सामर्थशाली ढंग ल दिखै कि जु संदेश मिल तुम तैं बतै उ सचो छो।

1 कुरिन्थि 2:4 Referans Kwoze

1 कुरिन्थि 4:20

किलैकि परमेस्वर को राज बेकार की बातों मा नि च, बल्किन मा वेका सामर्थ का कामों का द्‍वारा परगट च।

1 थिस्सलुनीकी 1:5

किलैकि हमुन तुमतै जु शुभ समाचार सुणै वु सब केवल बुलण वळी बात ही नि छै, बल्किन मा वु सामर्थ का काम तुमरा बीच मा भि ह्‍वे छिन। अर वु सब काम पवित्र आत्मा का छा, अर पवित्र आत्मा न ही यां को परमाण दिनी कि यू शुभ समाचार सच्‍चु च। अर तुम खुद ही जणद्‍यां, कि तुमरि मदद का खातिर हमरु व्यौहार तुमरा बीच मा कन्द्रयो छौ।

1 कुरिन्थि 1:17

किलैकि मसीह न मितैं बपतिस्मा देणु खुणि ना, बल्किन मा शुभ समाचार सुनौणु खुणि भेज्यूं च। अर ये शुभ समाचार तैं सुनौणु खुणि मि सरल भाषा को इस्तेमाल करदु, ताकि यीशु मसीह की ज्वा मौत क्रूस पर ह्‍वे वा बेकार नि जौ।

1 कुरिन्थि 2:1

हे मेरा भै-बैंणो, जब मि पैलि बार तुमरा पास ऐ छौ, त पिता परमेस्वर की योजना का मुताबिक मिन वेका राज्य की बात तुमतै अपणा ज्ञान अर चालाकी से नि बतै।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

2 पतरस 1:16

अर जब हमुन प्रभु यीशु मसीह की ताकत अर वेका वापस औण का बारा मा तुमतै शुभ समाचार सुणै, त हमुन तुमरा दगड़ा मा कुई चालाकी नि चलि। अर ना ही तुमतै झूठ्‍ठी शिक्षा सुणै के तुमरो कुई फैदा उठे, बल्किन मा हमुन त वेका सानदार आदर-सम्मान का बारा मा तुमतै बतै जु खुद हमुन अपणा आंख्यों न देखि छौ।

1 कुरिन्थि 2:13

इलै जब हम यों सब बातों तैं बतौन्द्‍यां त मनखि का ज्ञान का मुताबिक ना, बल्किन मा पवित्र आत्मा का द्‍वारा दियां ज्ञान का मुताबिक ही परमेस्वर का राज की बातों का बारा मा बिंगौन्द्‍यां।

कुलुसी 2:4

अर या बात मि इलै बोन्‍नु छौं, ताकि कुई भि मनखि अपणी मिठी-मिठी बात से तुमतै भटके नि द्‍यो।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।

गलातियों 1:10

अर तुमतै क्या लगदु, कि क्या अब मि लोगु तैं मनौण की कोसिस कनु छौं? ना, मि त परमेस्वर तैं मनौण चान्दु। अर तुमतै क्या लगदु कि मि मनखियों तैं खुश कनु छौं? नऽ रे ना, अगर जु मि अभि तक मनखियों तैं खुश कनु रौन्दु, त मि परमेस्वर को सेवक नि होन्दु।

रोमियों 16:18

किलैकि इन्द्रया लोग हमरा प्रभु यीशु मसीह का नि छिन, अर यू उई काम करदिन जु कि ऊंतैं अच्छा लगदिन। अर जु लोग भला-बुरा का बारा मा नि जणदिन, वु लोग इन्द्रया लोगु तैं अपणी अच्छी-अच्छी बातों का द्‍वारा मूरख बणै देन्दिन, अर ऊंतैं अपणी बातों मा फंसै देन्दिन।

खास चेलों 20:27

किलैकि परमेस्वर की ज्वा योजना तुम खुणि च वा तुमतै बतौण मा मितैं जरा भि झिझक नि लगि।

खास चेलों 26:28

तब राजा अग्रिप्पा न पौलुस कू बोलि, “क्या तू ये थुड़ा सा बगत मा मितैं मसीह बणै दिली, ना, इन नि ह्‍वे सकदु।”

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

2 कुरिन्थि 6:6

अर हम पवित्र जीवन जीण की कोसिस करद्‍यां, अर विरोध होण का बाद भि सबर अर समझ रखी के एक-दुसरा पर दया करद्‍यां। अर पवित्र आत्मा का द्‍वारा सब लोगु से सच्‍चु प्यार करद्‍यां,