1 कुरिन्थि 14:3 - Garhwali

³ पर जु मनखि भविष्यबाणी करदु, उ अपणी बातों का द्‍वारा बिस्वासी समुदाय का लोगु का दगड़ा मा बात करदु, अर ऊंका बिस्वास तैं मजबूत करदु। अर ऊंकी हिम्मत बढै के ऊंका दिलों तैं दिलासा देन्दु।

गढवली नयो नियम

³ पर जु भविष्यवाणी करद, उ (विश्वासियों) तैं विश्वास मा मजबूत कन मा मदद करदो, हिम्मत अर तसल्ली दींण कु मदद करद।

1 कुरिन्थि 14:3 Referans Kwoze

1 कुरिन्थि 14:12

अर तुम लोग जु कि पूरा जोस से पवित्र आत्मा का बरदान तैं पौण की मनसा करद्‍यां, यों बरदानों से भरपूर होण की पूरि कोसिस कैरा, ताकि बिस्वासी समुदाय का लोगु की तरक्‍की ह्‍वे सैको।

1 तीमुथियुस 4:13

अर जब तक मि ऐ नि जौ, तब तक तू बिस्वासी लोगु का बीच मा वचन पढण मा, उपदेस देण मा अर ऊंतैं शिक्षा देणु खुणि अफ तैं इस्तेमाल कैर।

यहूदा 1:20

मगर हे मेरा प्यारा भै-बैंणो, तुम अपणा पवित्र बिस्वास मा और भि जादा मजबूत ह्‍वा, अर पवित्र आत्मा का द्‍वारा प्रार्थना कैरिके,

तीतुस 1:9

अर देख-रेख करण वळा मनखि तैं परमेस्वर का बिस्वासयोग्य वचन मा पूरि तरौं से बणयूं रौण चयेणु, जां की वेतैं शिक्षा दिईं च, ताकि उ लोगु तैं सच्‍चु उपदेस दे सैको, अर जु लोग वीं सच्‍चि शिक्षा को विरोध करण वळा छिन, ऊंतैं समझै के उ ऊंकी बोलती बन्द कैरी द्‍यो।

तीतुस 2:6

अर ठिक इन्‍नि ज्वान बैखों तैं भि समझौ, कि ऊ खुद पर काबू रखा।

1 कुरिन्थि 14:31

अर एक रैबर्या अपणी आत्मा तैं काबू मा रखी सकदु च, किलैकि तुम सब एक-एक कैरिके भविष्यबाणी कैरी सकद्‍यां, ताकि सब लोग सिखी सैका अर सभ्यों तैं हिम्मत मिलु।

1 कुरिन्थि 14:26

इलै हे मेरा भै-बैंणो, तुमतै क्या-क्या कन चयेणु उ अब मि तुमतै बतौन्दु, जब तुम परमेस्वर की भक्‍ति करणु खुणि एक जगा इकट्‍ठा होनद्‍यां, त पवित्र आत्मा का द्‍वारा तुम मा बटि कई लोग पिता परमेस्वर का भजन गन्दिन, अर कुछ शिक्षा देन्दिन। अर अगर कै मनखि पर कुछ परगट किये गै, त उ वीं बात का बारा मा बतौन्दु। अर कुछ लोग पवित्र आत्मा का द्‍वारा अलग-अलग भाषा मा बात करदिन, त कुछ वीं भाषा को मतलब आम बोल-चाल मा बतौन्दिन। अर यू सब कुछ पिता परमेस्वर का द्‍वारा किये जान्दु, ताकि एक-दुसरे की तरक्‍की हो अर सब लोग आत्मिक रुप से मजबूत होन्दी जा।

रोमियों 14:19

इलै हम ऊं बातों तैं पूरु करण मा लग्यां रा, जौं बातों से मेल-जोल होन्दु, अर जु बात एक-दुसरा का बिस्वास तैं मजबूत बणौण मा काम औन्दिन।

खास चेलों 13:15

अर प्रार्थना भवन मा मूसा का दियां नियम-कानून अर रैबर्या की किताबों तैं पढै जाण का बाद उखा मुखियों न ऊंका पास पूछणु कू कैतैं भेजि, “भैयों, अगर तुमरा पास लोगु को हौसला बढौणु खुणि कुई इन्द्रयो उपदेस च, त तुम लोग दे सकद्‍यां।”

तीतुस 2:9

अर तू गुलाम लोगु तैं भि इन समझै दे, कि ऊ अपणा मालिक की हरेक बात तैं माणा, अर सब बातों मा अपणा मालिक तैं खुश कैरा अर गळत जबाब नि द्‍या,

1 थिस्सलुनीकी 2:3

अर जब हम तुमतै सिखौन्द्‍यां, त यां को मतलब यू नि च कि हम यू सब झूठ्‍ठी बातों से या गळत इरादों से करद्‍यां, अर ना ही इन इच्छा से कि तुमतै ठगि के चलि जां

1 कुरिन्थि 10:23

हे मेरा भै-बैंणो, सब धंणि मि खुणि खूब छिन, मगर मि तुमतै बतै देन्दु, कि सब धंणि मेरा फैदा कि नि छिन। अर मितैं सब कुछ करण की इजाजत च, मगर सब कुछ से मेरी तरक्‍की नि होन्दी।

1 पतरस 5:12

हे मेरा दगड़्यों, सिलवानुस एक इन भै च जैतैं मि भरोसा का लैख समझदु, वेका द्‍वारा मि या चिठ्‍ठी तुम लोगु खुणि लिखौणु छौं। अर ईं चिठ्‍ठी मा मिन कुछ शब्द ही लिखवैनी, ताकि तुमरा हौसला बढ़ो। अर मि इन गवै देन्दु, कि जु बात ईं चिठ्‍ठी मा लिखीं छिन, ऊ सब बात पिता परमेस्वर की सच्‍चि किरपा से छिन, अर तुम सब यों बातों मा मजबूत बणयां रा।

इब्रानी 13:22

हे मेरा भै-बैंणो मि तुम बटि बिन्ती करदु, कि तुमतै हौसला देण खुणि जु कुछ भि मिन ईं छुटी चिठ्‍ठी मा लिख्यूं च, तुम ऊं सब बातों तैं सबर रखी के स्वीकार कैरा।

इब्रानी 10:25

अर एक-दुसरा का दगड़ा बिस्वासी समुदाय मा औण-जाण की संगती तैं नि छोड़ा, किलैकि तुम मा बटि कुछ लोग इन कना छिन, पर तुमतै एक-दुसरे की हिम्मत बढौण चयेणी। अर या बात मि इलै बोन्‍नु छौं किलैकि तुम जणदा छाँ कि प्रभु को वापस औण को दिन नजदीक ऐ गै, इलै इन करण मा लग्यां रा।

तीतुस 2:15

अर तीतुस, तू यों सब बातों तैं पूरा अधिकार से बोल अर समझै दे, अर सभ्यों को हौसला बढौणु रौ, अर विरोध करण वळो तैं झिड़कणु रौ अर कुई भि त्वेतै सुद्‍दी नि समझु।

1 तीमुथियुस 6:2

अर जौं गुलामों का मालिक बिस्वासी लोग छिन, त ऊ अपणा मालिकों तैं एक बिस्वासी भै समझि के ऊंतैं कम आदर-सम्मान नि द्‍यो, पर ऊ जादा से जादा वेको काम कैरो। किलैकि ऊंका कामों का द्‍वारा जौं मालिकों को फैदा होणु च, उ परमेस्वर पर बिस्वास करण वळा अर परमेस्वर खुणि प्रिय छिन। अर यों सब बातों तैं दुसरो तैं भि समझौण रौ, अर पालन करण खुणि ऊंतैं हिम्मत भि दे।

1 तीमुथियुस 1:4

अर जु मनगणत कथा छिन, अर पितरों का नौ की लिस्ट जु कभि खतम नि होन्दी, यों पर वु मन नि लगा। किलैकि यों पर ध्यान देके बस घपरोळ ही होन्दु, अर यू लोग परमेस्वर की इच्छा पूरि नि करदिन जु की बिस्वास कैरिके होन्दु।

2 थिस्सलुनीकी 3:12

अर इन्द्रया लोगु तैं हम प्रभु यीशु मसीह का द्‍वारा दियां अधिकार से आज्ञा देन्द्‍यां, अर समझौद्‍यां कि ऊ चुपचाप काम कैरिके अपणा खाणुक खुणि खुद ही पैसा कमा।

1 थिस्सलुनीकी 4:18

इलै यों बातों से एक-दुसरे की हिम्मत बढणा रा।

1 थिस्सलुनीकी 4:1

हे मेरा भै-बैंणो, कुछ और भि बात छिन जु की मि तुमतै बतौण चाणु छौं। परमेस्वर तैं खुश करणु खुणि मनखि को चाल चलण कन्द्रयो होण चयेणु, ईं बात की शिक्षा हमुन तुमतै दियाली, अर वेका मुताबिक तुम चलणा भि छाँ। अब हम तुम बटि प्रभु यीशु का नौ से बिन्ती करद्‍यां, कि तुम अगनै भि इन्‍नि चलणा रा।

1 थिस्सलुनीकी 2:11

तुम अच्छी तरौं से ही जणद्‍यां कि जन बुबा अपणा नौनो तैं हिम्मत अर दिलासा देन्दु, ठिक उन्‍नि प्यारु व्यौहार हम भि तुमरा दगड़ा मा रखद्‍यां, ताकि तुमरो चाल-चलन परमेस्वर तैं पसन्द औण वळु हो। अर वु ही च जु कि तुमतै अपणा राज को सदस्य बणाणु खुणि अर अपणी महानता को भागी होणु खुणि बुलान्दु।

कुलुसी 4:8

अर मि वेतैं तुमरा पास इलै भेजणु छौं, ताकि वेका द्‍वारा तुमतै हमरि हालत का बारा मा पता चलि जौ, अर जब उ तुमरा पास पौंछी जालु त उ तुमरा दिलों की हिम्मत तैं भि बढालु।

इफिसुस 4:29

अर कुई भि गळत बात तुमरा गिच्‍चा बटि नि बुले जौ, पर सिरफ इन्दरि बात ही बुले जौ जु बगत का मुताबिक दुसरा लोगु की हिम्मत बढौणु खुणि अच्छी हो, ताकि वेका द्‍वारा सुनण वळो की भलै हो।

2 कुरिन्थि 2:7

इलै अब तुम वे आदिम तैं माफ कैरी द्‍या, अर अगर जु तुम वेतैं माफ नि करिल्या, त वे आदिम तैं इन लगण कि अब तुमुन वेतैं कभि माफ नि कन, अर फिर कखि इन नि हो कि उ आदिम प्रभु यीशु पर बिस्वास करण छोड़ि द्‍यो।

2 कुरिन्थि 1:4

अर जब दुख-तकलीफ हमरा जीवन मा औन्दिन, त प्रभु हमतै दिलासा देन्दु। अर इन उ इलै करदु, ताकि हम भि ऊंतैं दिलासा दे सैका जु लोग दुख-तकलीफो मा छिन।

1 कुरिन्थि 14:17

अर ईं बात मा कुई सक नि च, कि तिन पवित्र आत्मा का द्‍वारा पिता परमेस्वर को खूब धन्यवाद देई, पर यां से दुसरा लोगु का बिस्वास मा कुई तरक्‍की नि ह्‍वे।

1 कुरिन्थि 8:1

हे मेरा दगड़्यों, अब मि ऊं चीजों का बारा मा बतौण चान्दु, जु कुछ भि मूरत का अगनै चड़ये जान्दु, वीं सच्‍चै का बारा मा तुम जणदा ही छाँ, अर वेका बारा मा तुम सभ्यों का पास पूरु ज्ञान च। अर अगर तुम कैं चीज का बारा मा जणदा छाँ, त याद रखा कि जादा ज्ञान होण से मनखि का मोन भौत चैड़ि जनदिन, पर अगर जु हम एक-दुसरा से प्यार करद्‍यां, त यां से एक-दुसरे की तरक्‍की होन्दी।

रोमियों 15:2

हरेक मनखि अपणा-अपणा बिस्वासी लोगु तैं ऊं बातों मा खुश रखो, ज्यां से ऊंकी भलै होणी हो, ताकि वु लोग बिस्वास मा और भि जादा मजबूत होन्दी जा।

रोमियों 12:8

अर जु उपदेस देण वळु च, उ उपदेस देण मा लग्यूं रौ। अर जु मनखि दान देण वळु च, उ खुशी से दान द्‍यो, अर जु लोग सच्‍चै को बाटु पर चलौण वळा छिन वु अपणी पूरि मेनत से ये काम तैं कैरा। अर दया करण वळु मनखि, मन की खुशी से दया कैरो।

खास चेलों 15:32

यहूदा अर सीलास खुद भि परमेस्वर का रैबर्या छा, इलै ऊंन भौत सरी बातों का द्‍वारा बिस्वासी भै-बैंणो की हिम्मत बढै, अर बिस्वास मा ऊंतैं और भि जादा मजबूत कैरी।

खास चेलों 14:22

अर बिस्वासी लोगु तैं ऊंका बिस्वास मा मजबूत कैरी, अर बिस्वास मा बणयूं रौणु खुणि ऊंकी हिम्मत भि बढै अर ऊंन ऊंकू बोलि, “हमतै बड़ु दुख झेली के परमेस्वर का राज मा जाणु पोड़लु।”

खास चेलों 9:31

तब पूरा यहूदिया, गलील अर सामरिया का मुलकों मा रौण वळा बिस्वासी समुदाय का सब लोग बड़ा चैन से रैनी, अर प्रभु मा और भि मजबूत होणा रैनी, अर वु प्रभु तैं पूरु आदर-सम्मान दिणा रैनी, अर पवित्र आत्मा का द्‍वारा ऊंतैं हर दिन हिम्मत मिलणी रै।

लूका 3:18

इन्‍नि और भि भौत सरी शिक्षा देके यूहन्‍ना न लोगु तैं शुभ समाचार सुणै।

इब्रानी 3:13

अर जबरि तक पवित्रशास्‍त्र को “आज” शब्द हमरा दगड़ा मा चलणु च, तबरि तक तुम लोग एक-दुसरा को हौसला बढौणा रा। अर ईं बात तैं ध्यान मा रखा कि कुई भि बिस्वासी मनखि धोखा खै के कखि पाप मा नि पोड़ि जौ, अर इन करण से अपणा मन तैं पिता परमेस्वर खुणि निठुर नि कैरी द्‍यो।

खास चेलों 4:36

अर साइप्रस टापू को एक बिस्वासी मनखि जैको नौ यूसुफ छौ, यू लेवी गोत्र को छौ, अर खास चेलों न वेको नौ बरनबास रखी (जैको मतलब च दिलासा देण वळु)।