1 कुरिन्थि 13:4 - Garhwali

⁴ अर जु मनखि दुसरो बटि प्यार करदु वेका भितर सबर, दया अर दुसरा लोगु से प्यार करण को गुण होन्दु। इन्द्रयो मनखि नऽ त दुसरा लोग तैं देखि के जळतेन्दु, नऽ त डींग मरदु, अर ना ही उ बड़ु मोन करदु।

गढवली नयो नियम

⁴ जु लोग दुसरा बट्टी प्रेम करदींनि, उ धीरज ल अर दया का दगड़ी काम करदींनि, प्रेम जलन नि करद, अपड़ी बड़ै नि करद।

1 कुरिन्थि 13:4 Referans Kwoze

1 पतरस 4:8

अर सबसे खास बात या च कि एक-दुसरा का दगड़ा मा प्यार से रा, किलैकि प्यार भौत सा पापों तैं ढकै देन्दु।

इफिसुस 4:32

पर एक-दुसरा पर दया दिखा अर मयळु बणा, अर जन परमेस्वर न यीशु मसीह का द्‍वारा तुमरा पापों तैं माफ कैरी, ठिक उन्‍नि तुम भि मयळु बणि के एक-दुसरा का पापों तैं माफ कैरा।

कुलुसी 3:12

हे मेरा भै-बैंणो, तुम पिता परमेस्वर का चुण्यां पवित्र अर प्यारा लोग छाँ, इलै अपणा-अपणा मनों मा एक-दुसरा खुणि भली मनसा रखा। अर दया करण, भलै करण, दीन अर नमर बणि के एक-दुसरे की सब बातों तैं सौण वळा भि बणा।

1 यूहन्ना 4:11

हे मेरा प्यारा भै-बैंणो, जब पिता परमेस्वर हम लोगु से इथगा जादा प्यार कैरी सकदु च, त हम लोगु तैं भि एक-दुसरा से प्यार करण चयेणु।

1 पतरस 3:8

कुछ और भि बात छिन जु कि मि तुम सभ्यों तैं बतौण चाणु छौं, तुम सभ्या का सभि एक मन ह्‍वेके रा, अर नेक दिल बणा, एक-दुसरा का दगड़ा मा प्यार से रा, अर एक-दुसरा पर दया कैरा, अर दीन सभौ को बणा।

1 थिस्सलुनीकी 5:14

अर सभ्यों का दगड़ा मा सबर रखण वळा बणयां रा। हे मेरा भै-बैंणो, हम तुमतै उपदेस देके बुल्द्‍यां, कि जु लोग अळकसि छिन, ऊंतैं तुम चितै के समझा, अर जु डऽरपोक छिन ऊंतैं हिम्मत द्‍या, अर जु कमजोर छिन ऊंकी मदद कैरा।

2 पतरस 1:7

अर वेकी भक्‍ति करण मा भै-भयात च, अर तुम वीं भै-भयात मा अर वेका प्यार मा और भि जादा बढदी जा।

इफिसुस 4:2

अर सच्‍चा मन से दीन अर नमर बणा, अर सबर रखण का दगड़ा-दगड़ि प्यार से एक-दुसरे की बातों तैं सौण वळा भि बणा।

2 कुरिन्थि 6:6

अर हम पवित्र जीवन जीण की कोसिस करद्‍यां, अर विरोध होण का बाद भि सबर अर समझ रखी के एक-दुसरा पर दया करद्‍यां। अर पवित्र आत्मा का द्‍वारा सब लोगु से सच्‍चु प्यार करद्‍यां,

कुलुसी 1:11

अर तुम पिता परमेस्वर की महान ताकत से अपणा आत्मिक जीवन मा और भि जादा मजबूत होन्दी जा, ताकि मुसीबत का बगत पर खुशी से अर हर बात मा सबर रखी के तुम सब मुसीबतों तैं सै सैका।

गलातियों 5:26

अर हमतै खुद पर बड़ु मोन नि करण चयेणु, अर ना ही कैतैं चिडौण चयेणु, अर ना ही एक-दुसरा तैं देखि के अपणा मन मा जलन रखण चयेणी।

1 कुरिन्थि 4:6

हे मेरा भै-बैंणो, मिन तुमरा फैदा का बानो ही अपणु अर अपुल्‍लोस भै को उदारण देके तुमतै यू बात बतैनि, ताकि तुम लोग हमरा उदारण से या बात सिखी जा कि, “जन लिख्यूं च वेसे भैर नि जाण।” अर या बात अच्छी नि च कि तुम महान बणण कि कोसिस कैरा, अर फिर कै एक मनखि का तरफा ह्‍वे जा, अर दुसरो को तिरिस्कार कैरा।

2 तीमुथियुस 3:10

प्रिय तीमुथियुस, तू मेरा चाल-चलन, मेरा मकसद, अर मेरा बिस्वास का बारा मा जणदी ही छैई। अर मि कन्द्रयो प्यार करदु, अर मेरी सौणे की ताकत, अर मेरा सबर रखण का बारा मा त्वेतै पता ही च। अर तू इन भि जणदी छैई, कि लोगु न मितैं सतै अर कन-कन दुख-तकलीफ दिनी।

1 पतरस 2:1

इलै हे मेरा भै-बैंणो, अपणा जीवनों मा बटि हरेक किसम कि बुरै, छल-कपट अर ढोंग तैं, अर एक-दुसरा बटि जलन रखण अर दुसरो तैं बदनाम करण छोड़ि द्‍या।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

1 कुरिन्थि 3:3

किलैकि तुम अभि भि दुनियां की बातों का मुताबिक ही चलद्‍यां। अर या बात मि इलै बोन्‍नु छौं, किलैकि तुम लोग एक-दुसरा तैं देखि के खार खन्द्‍यां अर तुमरा बीच मा झगड़ा भि होनदिन। त अब तुम मितैं इन बता क्या फिर तुम दुनियां का लोगु का जन नि छाँ? अरे, तुम त ऊंका जन ही चाल चलणा छाँ।

खास चेलों 7:9

“अर हमरा पितर यूसुफ का ग्यारा भै वे बटि खिरस्योन्दा छा, इलै ऊंन वेतैं मिस्र देस का लोगु तैं गुलाम होणु खुणि बेचि दिनी। मगर परमेस्वर वेका दगड़ा मा छौ,

2 तीमुथियुस 2:25

अर जु लोग तुमरि शिक्षा को विरोध करदिन, इन्द्रया लोगु तैं तुमतै नमर बणि के सिखौण वळु होण चयेणु, किलैकि विरोध करण वळा यू लोग शैतान की इच्छा तैं पूरि करणु खुणि वेका जाल मा फंस्यां छिन। अर यों लोगु तैं ईं उम्मीद का दगड़ा मा सिखौ, कि क्या पता परमेस्वर यों तैं भि पस्ताप करण को मन दे द्‍यो, ताकि यू भि सच्‍चै का ज्ञान तैं समझि जा अर चौकस ह्‍वेके शैतान का जाल बटि छुटी जा।

1 तीमुथियुस 6:4

त उ हर बात मा बड़ु मोन करण वळु च, अर वेतैं कुछ भि पता नि च। अर वु एक शब्द की वजै से की वेको मतलब क्या च भौत बहसबाजी करदु हो, अर इन कैरिके उ जलन रखदु, लड़ै-झगड़ा करदु, अर दुसरा लोगु का बारा मा गळत बुल्दु, अर सक करदु।

1 कुरिन्थि 8:1

हे मेरा दगड़्यों, अब मि ऊं चीजों का बारा मा बतौण चान्दु, जु कुछ भि मूरत का अगनै चड़ये जान्दु, वीं सच्‍चै का बारा मा तुम जणदा ही छाँ, अर वेका बारा मा तुम सभ्यों का पास पूरु ज्ञान च। अर अगर तुम कैं चीज का बारा मा जणदा छाँ, त याद रखा कि जादा ज्ञान होण से मनखि का मोन भौत चैड़ि जनदिन, पर अगर जु हम एक-दुसरा से प्यार करद्‍यां, त यां से एक-दुसरे की तरक्‍की होन्दी।

रोमियों 1:29

किलैकि ऊ हरेक किसम की बुरै से भरपूर छिन जन कि, दुष्‍टता, लालच करण, खार खाण, खून करण, झगड़ा करण, लोगु की छुईं एक-दुसरा मा लगौण,

याकूब 4:5

अर तुम क्या सोचद्‍यां कि ज्वा बात पवित्रशास्‍त्र मा लिखीं च वा सुद्‍दी च? “ज्वा आत्मा पिता परमेस्वर न मनखि तैं देई, कखि वा आत्मा वे बटि दूर नि ह्‍वे जौ, वेका खातिर वेतैं जलन होन्दी।”

1 कुरिन्थि 4:18

अर कुछ लोग त बड़ु मोन कैरिके इन फूली गैनी, जन कि मिन अब तुमरा बीच मा औण ही नि होलु।

रोमियों 13:13

अर हमरु सभौ दिन का उज्याळा का जन हो। हाँ, जन दिन को उज्याळु सभ्यों पर चमकदु, ठिक उन्‍नि हमरु सभौ भि हो ताकि वेका द्‍वारा हम सब लोगु खुणि अच्छु सभौ वळा बणि जा। अर नऽ त हमतै मौज-मस्ती करण चयेणी, अर ना ही हमतै नसा करण वळु होण चयेणु। अर नऽ त हमतै गळत सम्बन्ध रखण चयेणा, अर ना भोग-बिलास करण चयेणु, अर नऽ त हमतै कै का दगड़ा मा लड़ै-झगड़ा करण चयेणा, अर ना ही हमतै एक-दुसरा तैं देखि के जलत्यौण चयेणु।

कुलुसी 2:18

मेरा दगड़्यों, चौकस रा, कखि कुई मनखि अपणी झूठ्‍ठी शिक्षा का द्‍वारा तुमतै पिता परमेस्वर से मिलण वळा इनाम से बेदखल नि कैरी द्‍यो, किलैकि झूठ्‍ठु मनखि लोगु तैं दिखौणु खुणि दीन बणदु अर स्वर्गदूतों की पूजा करण की बात सिखौन्दु, अर उ इन जोर देन्दु कि तुम भि ठिक इन्‍नि कैरा। अर इन्द्रया झूठ्‍ठा लोग बुलला कि ऊंन पिता परमेस्वर से सुपन्या मा दरसन का द्‍वारा यू ज्ञान पै, इलै ऊ अपणा विचारों पर बड़ु मोन करदिन, मगर सच्‍चै त या च कि ऊंका मनों मा यू विचार परमेस्वर की तरफा बटि नि छिन।

फिलिप्पी 1:15

अर कुछ लोग त जलन अर विरोध करण की वजै से यीशु मसीह को परचार कना छिन, मगर कुछ लोग इन छिन जु कि अच्छी मनसा रखी के परचार कना छिन।

2 कुरिन्थि 12:20

अर मितैं ईं बात की डौऽर च कि कखि इन नि हो कि जब मि तुमरा बीच मा औंऽऽ, त जन मि चान्दु तुमतै उन नि पौं, अर जन तुम मिसे चन्द्‍यां उन तुम मितैं नि पा। अर मितैं इन भि डौऽर च कि तुमरा बीच मा झगड़ा करण वळा, खार खाण वळा, जल्दी नाराज होण वळा, अपणु ही भलु चाणा वळा, बदनाम करण वळा, झूठ्‍ठी बात फैलाण वळा, बड़ु मोन करण वळा, अर दंगा करण वळा लोग मौजूद छिन।

1 कुरिन्थि 5:2

अर तुम ईं बात पर बड़ु मोन करद्‍यां, जब कि तुमतै दुखी होण चयेणु छौ। अर जै आदिम न यू काम कैरी, वेतैं त तुमरा बीच मा बटि बेदखल कर देण चयेणु।

मत्ती 27:18

किलैकि पिलातुस जणदु छौ कि यों लोगु न यीशु तैं जलन रखण की वजै से पकड़वै।