1 कुरिन्थि 13:2 - Garhwali

² अर अगर मितैं भविष्यबाणी करण को बरदान मिल्यूं हो अर मि मा सब पवित्र राज की जानकारी या ज्ञान हो, अर अगर मितैं इथगा बिस्वास हो कि मि वेकी ताकत से पाड़ो तैं इख बटि उख कैरी द्‍यूं, पर दुसरा लोगु से मि प्यार नि कैरुं, त फिर मि कुछ भि नि छौं।

गढवली नयो नियम

² अर जु मि भविष्यवाणी कैर साको, अर सभि भेदों अर सभि प्रकार का ज्ञान तैं समझु, अर मि तैं यख तक पिता परमेश्वर पर पूरो विश्वास च, कि मि पौड़ तैं इनां बट्टी ऊना कैरी सकदु, पर दूसरों बट्टी प्रेम नि रखु, त मेरी कुई कीमत ही नि च।

1 कुरिन्थि 13:2 Referans Kwoze

1 यूहन्ना 4:8

पर जु मनखि एक-दुसरा तैं प्यार नि करदु, उ पिता परमेस्वर तैं नि जणदु किलैकि परमेस्वर प्यार च।

1 कुरिन्थि 13:3

अर अगर मि अपणी पूरि धन-दौलत गरीब लोगु मा बांटि द्‍यूं, अर अपणा सरील तैं आग मा भि बलिदान होण खुणि दे द्‍यूं, मगर दुसरा लोगु तैं मि प्यार नि कैरुं त यों सब बातों को कुई भि फैदा नि च।

मत्ती 17:20

वेन ऊंतैं जबाब दिनी, “किलैकि तुम मा बिस्वास की कमी च, अर मि तुम लोगु से सच्‍च बोन्‍नु छौं कि अगर जु तुमरो बिस्वास लय्या का बीज बराबर भि होलु, अर तुम ये पाड़ कू भि बोलिल्या कि ‘इख बटि हटि के उख चलि जा,’ त उ भि हटि जालु। अर अगर तुम बिस्वास करिल्या, त हरेक बात तुम खुणि पूरि ह्‍वेलि।”

1 कुरिन्थि 16:22

अगर कुई प्रभु से प्यार नि करदु, त वे पर असगार लगु। हे हमरा प्रभु अऽ।

मत्ती 21:21

वेन ऊंतैं जबाब दिनी, “मि तुम बटि सच्‍च बोन्‍नु छौं, अगर जु तुम बिस्वास रखिल्या, अर सक नि करिल्या, त तुम भि यू कैरी सकद्‍यां जन मिन ये डाळा का दगड़ा मा कैरी, बल्किन मा अगर जु तुम ये पाड़ कू भि बोलिल्या कि ‘इख बटि उखड़ी जा, अर समुन्दर मा पोड़ि जा,’ त तुम खुणि उन्‍नि ह्‍वे जालु।

इफिसुस 3:4

अर जब तुम ईं चिठ्‍ठी तैं पढिल्या, त तुम समझि सकिल्या कि मितैं वीं योजना का बारा मा कथगा अच्छे से पता होलु, ज्वा कि पैलि छिपी छै अर पिता परमेस्वर न यीशु मसीह का बारा मा बणईं छै।

1 कुरिन्थि 13:1

अगर मितैं मनखियों अर स्वर्गदूतों की भाषा बुलण औन्दी हो, पर मि दुसरो से प्यार नि कैरुं, त क्या फैदा च फिर? तब मि वे पितळा भाँडा जन छौं जु ठन-ठन बजदु, अर वीं डफ का जन छौं ज्वा की डम-डम बजदी।

गलातियों 5:16

मगर मि तुमतै बतै देन्दु, कि तुम पवित्र आत्मा तैं अपणा जीवन मा काम करण द्‍या। तब तुम सरील की इच्छा तैं कभि भि पूरु नि करिल्या।

कुलुसी 1:26

अर यू उ राज छौ जु कि युग-युग अर पीढ़ी-पीढ़ी बटि छिप्यूं छौ, मगर अब वे राज तैं परमेस्वर न अपणा पवित्र लोगु पर परगट कैरियाली।

गलातियों 6:3

अर अगर कुई मनखि अफ तैं दुसरो से जादा ठिक समझदु पर हो ना, त सुणी ल्या की इन्द्रयो मनखि खुद तैं ही धोखा देणु च।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

1 कुरिन्थि 12:28

हे मेरा भै-बैंणो, तुम जु मसीह का अंग छाँ, तुम बिस्वासी समुदाय का लोगु तैं पिता परमेस्वर न चुणी, पैलि त खास चेला का रुप मा, दुसरा रैबर्या का रुप मा, तिसरा शिक्षा देण वळा। अर वेका बाद वेन ऊं लोगु तैं भि चुणी जौं का द्‍वारा वु चमत्कार का काम करदु, बिमारों तैं खूब करदु, अर वेन ऊंतैं भि चुणी जौं का द्‍वारा उ दुसरो की मदद करदु, अर ऊंतैं भि जु कि हर चीज को इंतजाम करौन्दिन, अर अलग-अलग भाषा बुलण वळा सब लोगु तैं वेन ही चुणी।

1 कुरिन्थि 7:19

किलैकि हरेक मनखि अब चै ऊंको बुलये जाण जिं भि दसा मा हो, पिता परमेस्वर न ऊंतैं इलै ही बुलै कि ऊ यीशु मसीह पर बिस्वास कैरा, अर वेका पिछनै चलि के आज्ञा को पालन कैरा।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

इफिसुस 6:19

हे मेरा भै-बैंणो, मि पौलुस खुणि भि प्रार्थना कर्यां, ताकि मितैं वचन बोन्‍न का बगत मा इन्द्रयो वचन दिये जौ, जैतैं मि हिम्मत से बोलि सैकु अर शुभ समाचार को पवित्र राज लोगु तैं बतै सैकु,

1 कुरिन्थि 4:1

इलै तुम लोग हमतै प्रभु का सेवक समझा, जौं का पास पिता परमेस्वर न सच्‍चै सिखौण को काम सौप्युं च, जु कि पैलि परगट नि छौ।

रोमियों 16:25

हे मेरा प्यारा भै-बैंणो, अब हम यीशु मसीह का द्‍वारा पिता परमेस्वर की बडै हमेसा खुणि कैरा, जु कि सभ्यों मा एकमात्र समझदार च। पिता परमेस्वर तुमतै वे शुभ समाचार का मुताबिक जैको मि परचार करदु, यीशु मसीह का रैबार का द्‍वारा तुमतै बिस्वास मा और मजबूत करण की ताकत देन्दु। अर शुभ समाचार को यू राज सभ्यों खुणि खुल्यूं च, जैतैं एक लम्बा बगत तक छिपै के रखै गै छौ, अब उ उज्याळा मा ऐ गै। अर सदनि तक ज्यून्द रौण वळा पिता परमेस्वर की आज्ञा का द्‍वारा यू सब जाति का लोगु पर परगट ह्‍वे गै, ताकि वु लोग बिस्वास कैरा अर आज्ञा को पालन कैरा, अर यू सब कुछ उई च जु कि रैबर्यों न पवित्रशास्‍त्र मा बोलि छौ। अर हमरा पिता परमेस्वर की बडै सदनि तक होणी रौ। आमीन।

रोमियों 11:25

हे मेरा भै-बैंणो, मि नि चान्दु कि तुम खुद तैं अपणी नजर मा भौत समझदार समझा। पर जबरि तक पिता परमेस्वर की मनसा पूरि नि ह्‍वे जौ, कि उ अपणा चुण्यां लोगु तैं अपणा पास लेके अऽ, वेका बाद ही इस्राएली लोग का निठुर मन टूटी जाला, तब ऊ यीशु मसीह की बातों को पालन करला।

मत्ती 21:19

अर वेकी नजर बाटा का किनरा एक तिमला का डाळा पर पोड़ि अर उ वेका नजदीक गै, मगर वेतैं पत्तों का अलावा वे पर एक भि तिमलु नि मिली। तब यीशु न वे डाळा कू बोलि, “आज का बाद त्वे पर कभि फल नि लगा।” अर देखा, वु डाळु तुरन्त सूखि गै।

मत्ती 13:11

अर वेन ऊंतैं जबाब दिनी, “तुमतै त परमेस्वर का राज का भेदों तैं बिंगण को ज्ञान दियूं च, मगर ऊं लोगु तैं ना।

2 कुरिन्थि 12:11

मि तुमरि खातिर नासमझ बणि ग्यों, मगर वां खुणि भि तुमुन ही मितैं मजबूर कैरी, जब तुमतै मेरी तरफा बटि बुलण चयेणु, तब तुम इन नि करद्‍यां। अर भले ही मि लोगु कि नजर मा कुछ नि छौं, मगर फिर मि यीशु मसीह का खास चेलों मा बटि कम भि नि छौं।

1 कुरिन्थि 14:39

इलै हे मेरा भै-बैंणो, पूरा जोस से भविष्यबाणी करण वळा बरदान की खोज मा रा, अर येका दगड़ा-दगड़ि अलग-अलग भाषा बुलण वळा लोगु तैं नि रोका।

1 कुरिन्थि 8:4

अर मूरतों का समणि बलि करीं चीजों तैं खाण का बारा मा हम जणदा ही छां कि ईं दुनियां मा मूरत कुछ भि नि छिन। अर वे एक परमेस्वर तैं छोड़ि के और कुई परमेस्वर छैई नि च।

खास चेलों 13:1

अन्ताकिया नगर का बिस्वासी समुदाय मा कुछ रैबर्या अर उपदेस देण वळा लोग छा, जन कि बरनबास, शमौन जैकू नीगर भि बुल्दिन, अर कुरेन नगर को लूकियुस, अर मनाहेम जैको पालन-पोसण राजा हेरोदेस अग्रिप्पा का दगड़ा मा ह्‍वे। अर मनाहेम वेको खास दगड़्या छौ, अर शाऊल भि ऊंका दगड़ा मा उखि छौ।

रोमियों 15:14

हे मेरा प्यारा भै-बैंणो, मितैं पूरु यकीन च कि तुम लोग दुसरो की भलै करण जणदा छाँ, इख तक कि तुमतै पूरु ज्ञान च अर यू सब कनकै किये जाण यू भि तुम जणदा ही छाँ। इलै तुम दुसरा लोगु तैं शिक्षा दे सकद्‍यां।

1 कुरिन्थि 11:4

अर हरेक वु बैख जु अपणु मुण्ड़ ढाकी के प्रार्थना या भविष्यबाणी करदु, वु अपणा मसीह को अपमान करदु।

1 कुरिन्थि 13:8

प्यार कभि खतम नि होन्दु, मगर भविष्यबाणी करण को बरदान चलि जालु। अर उन्‍नि अलग-अलग भाषा बोन्‍न को बरदान भि चलि जालु। अर चै कै मनखि का पास भौत ज्ञान च, त वु चलि जालु, मगर प्यार कभि भि खतम नि होलु।

1 कुरिन्थि 14:4

इलै जु मनखि अलग-अलग भाषा मा बुल्दु, उ केवल खुद का बिस्वास तैं मजबूत करदु, मगर जु भविष्यबाणी करदु उ समुदाय का लोगु तैं मजबूत करदु।

1 कुरिन्थि 14:29

अर रैबर्यों मा बटि दुई या तीन लोग ही बोला, अर समुदाय का लोग वेकी बातों तैं परखा की वु क्या च बोन्‍नु।

1 कुरिन्थि 15:51

अर सुणा, मि तुमतै राज की एक बात बतौन्दु, हम मा बटि कुछ लोग इन छिन जौन मुरण नि च बल्किन मा ऊंका सरील बदलि जाण।