1 कुरिन्थि 13:13 - Garhwali

¹³ इलै हे मेरा दगड़्यों, पिता परमेस्वर पर हमतै अपणी आस अर बिस्वास बणै के रखण चयेणु, अर हमेसा सब लोगु से प्यार करण चयेणु, किलैकि सब बात यों तीनों चीजों पर ही टिकी छिन। मगर यों तीनों मा बटि सबसे बड़ी बात या च कि, हमतै सब लोगु से प्यार करण चयेणु।

गढवली नयो नियम

¹³ इलै, अब यु तीन काम छिनी जु हम तैं कन चयणु च; पिता परमेश्वर पर विश्वास कन, पिता परमेश्वर का वादों मा आस रखण, अर दूसरों बट्टी प्रेम कन; पर यु तिन्युं मा, एक-दूसरों बट्टी अर परमेश्वर बट्टी प्रेम कन बढ़ि के च।

1 कुरिन्थि 13:13 Referans Kwoze

1 कुरिन्थि 16:14

अर तुमरा बीच मा सब काम प्यार से किये जा।

कुलुसी 3:14

अर यों सब बातों का दगड़ा-दगड़ि, अपणा जीवन तैं प्यार करण वळु बणै द्‍या, किलैकि मसीह प्यार ही सब लोगु तैं एक कैरिके रखदु।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

फिलिप्पी 1:9

अर मि प्रार्थना करदु, कि तुमरो प्यार और भि जादा बढदी जौ, अर ज्ञान अर समझ मा भि तुम और जादा बढदी जा,

1 तीमुथियुस 1:5

अर आदेस देके समझाणो को कारण यू च, कि हरेक बिस्वासी मनखि आपस मा प्यार से रौ। अर यू प्यार सच्‍चा मन, शुद्ध दिल अर सच्‍चा बिस्वास से होण चयेणु।

1 यूहन्ना 2:10

मगर जु मनखि सब लोगु से प्यार करदु हो, वेका जीवन मा उज्याळु च अर इन्द्रयो मनखि दुसरा लोगु खुणि पाप करण की वजा नि बणदु।

1 थिस्सलुनीकी 5:8

पर हम वु लोग छां, जु उज्याळु को जीवन जीणा छां इलै हमतै चौकस रौण चयेणु। हमतै लगातार यीशु पर बिस्वास करण चयेणु अर एक-दुसरा बटि प्यार करण चयेणु। तब यू हमरि हिफाजत एक कवच की तरौं करलु। अर बचयै जाण की ज्वा आस हमरि यीशु पर लगयीं च वेतैं देणु खुणि उ हमरि हैलमेट जन हिफाजत करलु।

2 कुरिन्थि 5:10

किलैकि हम मा बटि हरेक तैं मसीह का न्याय आसन का समणि हाजिरा होण पोड़लु, ताकि हर मनखि जैन ये सरील मा रै के जन-जन काम कैरी होला, ऊंतैं ऊंका कामों का मुताबिक बदला दिये जौ अब चै वु अच्छा हो या बुरा।

1 कुरिन्थि 8:3

पर अगर कुई मनखि पिता परमेस्वर से प्यार करदु, त यां को मतलब यू च कि वे मनखि को पिता का दगड़ा मा भौत अच्छा से जाण-पछ्याण होईं च।

कुलुसी 1:27

अर पिता परमेस्वर जौं लोगु तैं इन बतौण चाणु छौ, कि वु सच्‍चु राज कथगा महान च, वेन उ राज अपणा लोगु पर परगट कैरी। अर उ राज सब लोगु खुणि च जु कि इन च कि, पिता परमेस्वर अपणा पुत्र यीशु मसीह की पवित्र आत्मा का द्‍वारा हमरा भितर रौन्दु। अर परमेस्वर का दगड़ा मा रौणु खुणि यीशु मसीह ही हमरि एकमात्र आस च।

1 पतरस 1:21

अर यीशु मसीह ही च जैका द्‍वारा तुम पिता परमेस्वर पर बिस्वास करद्‍यां, जैन वेतैं मुरदो मा बटि ज्यून्द कैरी अर पिता परमेस्वर न ही वेतैं आदर-सम्मान दिनी। इलै तुमरि आस अर बिस्वास पिता परमेस्वर पर ही बणयूं रौ।

1 यूहन्ना 3:9

अर जु मनखि पिता परमेस्वर की औलाद च, उ मनखि लगातार पाप नि कैरी सकदु, किलैकि पिता परमेस्वर को सभौ वेमा रौन्दु। अर उ मनखि पाप कैरी ही नि सकदु, किलैकि उ पिता परमेस्वर बटि जनमियूं च।

1 यूहन्ना 3:3

अर हरेक उ मनखि जैन यीशु मसीह पर या आस रखी च, उ खुद तैं उन्‍नि पवित्र बणै के रखदु जन मसीह पवित्र च।

1 यूहन्ना 2:14

अर ब्वे-बबों तैं लिखण को मकसद यू च कि तुम लोग यीशु मसीह तैं जणद्‍यां, जु कि शुरुवात बटि च। अर ज्वानों तैं लिखण को मकसद यू च कि तुम लोग बिस्वास मा ताकतबर छाँ, अर वेका वचन को पालन करद्‍यां, इलै तुम लोगु न शैतान पर जीत हासिल कैरियाली।

इब्रानी 6:19

अर जन पाणि का जाज तैं एक जगा मा टिकाणु खुणि समुन्दर मा लंगर डळै जान्दु, ठिक उन्‍नि पिता परमेस्वर का द्‍वारा दिईं आस हमतै मजबूत अर वेकी हिफाजत मा रखदी। अर यां से इन पता चलदु की हम खुद वे परदा तैं पार कैरिके परमेस्वर का समणि खड़ा ह्‍वे ग्यां।

2 तीमुथियुस 1:7

किलैकि परमेस्वर न हमतै डौऽर की आत्मा नि दिनी, मगर सामर्थ अर एक-दुसरा बटि प्यार करण वळी अर अपणा जीवन तैं वश मा रखण वळी आत्मा दिईं च।

इब्रानी 6:11

पर हमरि या ही मनसा च कि तुम मा बटि हरेक मनखि आखिरी तक पूरि कोसिस कनु रौ, ताकि जौं बातों की तुमुन आस रखी ऊ पूरि ह्‍वे जौ।

1 कुरिन्थि 14:1

अर सबसे पैलि बात त या ही च, कि हम अपणा पूरा दिल से सब लोगु से प्यार कैरा। अर पिता परमेस्वर बटि बड़ु बरदान पौण की इच्छा रखा। अर ज्वा बात सबसे भली च वा या च कि भविष्यबाणी करण की ताकत रखा।

1 कुरिन्थि 3:14

अगर कै मनखि कि चिणीं दिवाल बुनियाद समेत टिकी राली, त न्याय का दिन पर वेतैं वेको इनाम जरुर मिललु।

1 यूहन्ना 2:24

अर जब बटि तुमुन बिस्वास कैरी, तब बटि तुमुन जु कुछ भि सुणी तुम वेमा बणयां रा। अर जु कुछ भि तुमुन सुणी अगर जु तुम वेमा बणयां रैल्या, त पुत्र अर वेका पिता मा बणयां रैल्या।

लूका 22:32

पर मिन त्वे खुणि बिन्ती कैरियाली कि तेरु बिस्वास खतम नि हो, अर जब त्वेतै चेत आली, तब तू अपणा भैयों का बिस्वास तैं मजबूत करली।”

लूका 10:27

तब शास्‍त्री न वेतैं जबाब देई, “तू अपणा प्रभु परमेस्वर तैं पूरा मनळ, अपणा पूरा पराणळ, अर अपणी पूरि ताकतळ अर पूरि अकलळ प्यार कैर। अर जन प्यार तू खुद बटि करदी, ठिक उन्‍नि प्यार तू सब लोगु से भि कैर।”

इब्रानी 10:39

हे मेरा दगड़्यों, हम पिछनै हटि के नास होण वळा लोगु मा बटि नि छां। इलै जबरि तक हमतै पूरि तरौं से बचयै नि जौ तब तक हम बिस्वास मा बणयां रौला।

1 कुरिन्थि 8:1

हे मेरा दगड़्यों, अब मि ऊं चीजों का बारा मा बतौण चान्दु, जु कुछ भि मूरत का अगनै चड़ये जान्दु, वीं सच्‍चै का बारा मा तुम जणदा ही छाँ, अर वेका बारा मा तुम सभ्यों का पास पूरु ज्ञान च। अर अगर तुम कैं चीज का बारा मा जणदा छाँ, त याद रखा कि जादा ज्ञान होण से मनखि का मोन भौत चैड़ि जनदिन, पर अगर जु हम एक-दुसरा से प्यार करद्‍यां, त यां से एक-दुसरे की तरक्‍की होन्दी।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

इब्रानी 10:35

इलै प्रभु यीशु पर अपणु बिस्वास बणै के रखा किलैकि वेका बदला मा तुमतै एक बड़ु इनाम मिलण वळु च।

कुलुसी 1:5

अर यू सब हम इलै करद्‍यां, किलैकि तुमुन वीं आस का बारा मा सुणी ज्वा की तुमतै एक नई उम्मीद देन्दी, अर वा ही आस तुम खुणि स्वर्ग मा रखी च। अर ईं आस का बारा मा तुमुन बिस्वास करण का बगत मा वे सच्‍चा शुभ समाचार का द्‍वारा सुण्यालि।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।