1 कुरिन्थि 13:12 - Garhwali

¹² अर जन कुयेडा मा साफ-साफ नि दिखेन्दु ठिक उन्‍नि अभि हमतै पिता परमेस्वर साफ नि दिखेन्दु, पर एक दिन आलु जब हम वेतैं अमणि-समणि दिखुला। अर अभि त हमतै वेका बारा मा कुछ ही पता च, मगर जब वु आलु त जन वेतैं हमरा बारा मा पूरु पता च, ठिक उन्‍नि हमतै भि वेका बारा मा पूरु पता चलि जाण।

गढवली नयो नियम

¹² यु जीवन मा हम सब कुछ पूरा ढंग से नि समझदां। यु कै चीज तैं अप्रत्यक्ष रूप मा शीशा मा दिखण जन च। पर जब हम स्वर्ग मा जौला, त हम सब कुछ स्पष्ट रूप मा समझुला। यु कै बट्टी अमणी-संमणी बात कन जन होलो। अब हम सब कुछ जंणदा छा जु पिता परमेश्वर हम तैं सिखांण चांद। तब हम सब कुछ पूरा ढंग से जांणि जौला, जन पिता परमेश्वर हम तैं पूरा ढंग से जंणदु च।

1 कुरिन्थि 13:12 Referans Kwoze

1 यूहन्ना 3:2

हे मेरा प्यारा लोगु, अब हम परमेस्वर की औलाद छां, अर औण वळा बगत मा क्या जि होला वेका बारा मा परगट नि किये गै। मगर हम त बस इथगा ही जणद्‍यां, कि जब यीशु मसीह परगट होलु त हम भि वेका जन बणि जौला, किलैकि हम वेतैं ठिक उन्‍नि दिखुला जन उ छैई च।

2 कुरिन्थि 3:18

अर पिता परमेस्वर न हमरा मुख बटि वु परदा हटैयली, अर अब हम इन देखि सकद्‍यां कि हमरु प्रभु कथगा महान च। अर हम पवित्र आत्मा का द्‍वारा लगातार प्रभु यीशु मसीह कि तरौं बणदी जां, ताकि लोग भि जाणि सैका कि हमरु प्रभु कथगा महान च। अर यू सब काम हमरा प्रभु यीशु मसीह को पवित्र आत्मा करदु।

फिलिप्पी 3:12

हे मेरा भै-बैंणो, मि ईं बात को दावा नि करदु, कि मि यों बातों मा सफल ह्‍वे ग्यों, या फिर पैलि बटि ही सिद्ध छौं मगर मि त बस वे इनाम तैं पाणु खुणि मेनत कनु छौं, ज्यां खुणि यीशु मसीह न मितैं पैलि बटि ही चुण्यूं च।

दिब्य दरस 22:4

अर वु परमेस्वर तैं अपणा समणि दिखला अर वेको नौ ऊंका माथा पर लिख्यूं होलु।

याकूब 1:23

किलैकि जु मनखि वचन तैं सुणी के वेको पालन नि करदु, उ वे मनखि का तरौं च जु की अपणा मुख तैं ऐना मा दिखदु।

2 कुरिन्थि 5:7

अर हम दुनियां की बातों का मुताबिक ना, बल्किन मा यीशु मसीह पर बिस्वास कैरिके अपणु जीवन जीण छां।

मत्ती 5:8

“धन्य छिन ऊ, जु साफ दिल का छिन, किलैकि ऊ परमेस्वर तैं दिखला।

1 कुरिन्थि 8:3

पर अगर कुई मनखि पिता परमेस्वर से प्यार करदु, त यां को मतलब यू च कि वे मनखि को पिता का दगड़ा मा भौत अच्छा से जाण-पछ्याण होईं च।

रोमियों 8:18

हे मेरा दगड़्यों, मि इन समझदु की आज का ये बगत मा जु दुख-तकलीफ हम झिलणा छां, यू सब कुछ वे आदर-सम्मान का समणि कुछ भि नि च, जु कि हम पर परगट किये जालु।

मत्ती 18:10

यीशु न ऊंकू इन भि बोलि, “सुणा, तुम मेरा पिछनै चलण वळा यों छुटो तैं सुद्‍दी नि समझा, अर मि तुमतै चितै देन्दु किलैकि स्वर्ग मा रौण वळा स्वर्गदूत जु की ऊंकी देख-रेख करदिन, वु सदनि मेरा पिता का समणि हाजिर रौनदिन।

यूहन्ना 10:15

अर भेड़ों का बानो मि अपणी जान दे देन्दु।

1 कुरिन्थि 13:11

हे मेरा भै-बैंणो, जब मि बच्‍चा छौ, त बच्‍चों की तरौं बात करदु छौ अर मेरी समझ भि बच्‍चों का ही जन छै, पर अब मि स्याणु ह्‍वे ग्यों, इलै मिन अपणु बचपना छोड़याली।