1 कुरिन्थि 12:12 - Garhwali

¹² हे मेरा भै-बैंणो, जन कि हमरा सरील मा कई अंग छिन, फिर भि हमरु एक ही सरील च, ठिक उन्‍नि हम सभ्या का सभि लोग जौन यीशु मसीह पर बिस्वास कैरी वेका अंग छां।

गढवली नयो नियम

¹² किलैकि जन कै मनिख की देह एक च अर वेका अंग भौत छिनी, भौत हूंण पर भि सभि मिल कै एक ही देह च उन के ही मसीह भि अर वे पर विश्वास कन वला विश्वासी भि एक ही छिनी।

1 कुरिन्थि 12:12 Referans Kwoze

कुलुसी 3:15

अर यीशु मसीह की शान्ति तैं अपणा दिलों मा काम करण द्‍या, किलैकि ईं शान्ति खुणि ही वेन तुमतै बुलै, ताकि सभ्या का सभि एक बदन ह्‍वे जा। अर हरेक बात मा वेको धन्यवाद द्‍या।

1 कुरिन्थि 12:27

अर मि तुमतै बतै देन्दु, कि ठिक इन्‍नि तुम बिस्वासी लोग भि यीशु मसीह का सरील का अंग छाँ।

कुलुसी 2:19

किलैकि इन्द्रया लोग यीशु मसीह से जुड़यां नि रौनदिन, यीशु मसीह जु कि हमरु मुण्ड़ की तरौं च। अर हम जणदा छा कि हमरु सरील अर वेकी सब मांस-पेसियाँ अर सब जोड़ मुण्ड़ से ही जुड़यां रौनदिन, अर मुण्ड़ का द्‍वारा ही सब कुछ किये जान्दु। अर पिता परमेस्वर ही च जु कि पूरा सरील को विकास करदु।

इफिसुस 4:4

किलैकि पिता परमेस्वर न हमतै एक होणु खुणि ही बुलयूं च, अर फिर मसीह को बदन भि एक ही च, अर एक ही पवित्र आत्मा अर ठिक उन्‍नि हम सभ्यों की भि एक ही आस च।

1 कुरिन्थि 10:17

जब कि बिस्वास मा त हम भौत सा लोग छां, मगर फिर भि हमरि रुट्‍टी एक ही च, अर वु यीशु मसीह च। अर अलग-अलग होण का बाद भि हम मसीह मा एक छां।

इफिसुस 5:30

अर यीशु मसीह इन इलै करदु, किलैकि हम वेका सरील का अंग छां।

कुलुसी 1:18

अर जन सरील खुणि मुण्ड़ होन्दु, ठिक उन्‍नि बिस्वासी समुदाय को मुखिया यीशु मसीह च। अर वु ही शुरुवात च अर वु ही सबसे पैलि मुरदो मा बटि ज्यून्दु किये गै, ताकि वु ही सब चीजों मा सबसे पैलु हो।

इफिसुस 5:23

किलैकि जन प्रभु यीशु बिस्वासी समुदाय को मुखिया च अर वेतैं बचौण वळु भि च, ठिक उन्‍नि तुमरो पति भि तुमरो मुखिया च।

इफिसुस 4:12

अर इन वेन इलै कैरी, ताकि बिस्वासी लोगु तैं सेवा का काम का लैख बणयै जौ अर यीशु मसीह को बिस्वासी समुदाय और भि जादा तरक्‍की कैरो।

गलातियों 3:16

अर जख तक करार की बात किये जौ, त करार पितर अब्राहम अर वेका वंश बटि किये गै छौ। अर पवित्रशास्‍त्र को यू करार हमतै वंश का भौत सा लोगु का बारा मा नि बतौन्दु, बल्किन मा सिरफ एक वंश का बारा मा बतौन्दु, जन कि लिख्यूं भि च कि, “तेरा वंश तैं” अर यां से या बात साफ ह्‍वे जान्दी कि वु वंशज मसीह च।

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

इफिसुस 1:23

अर समुदाय का लोग यीशु मसीह का सरील का जन छिन, जौं लोगु मा उ पूरि तरौं से रौन्दु अर उई च जु कि सब चीजों मा सब कुछ पूरु करदु।

1 कुरिन्थि 12:7

अर बिस्वासी लोगु की भलै खुणि पिता परमेस्वर न हम सभ्यों तैं पवित्र आत्मा को बरदान दिनी।

1 कुरिन्थि 12:20

अर अलग-अलग अंग होण का बाद भि सरील एक ही च।