1 कुरिन्थि 12:10 - Garhwali

¹⁰ अर कुछ लोग तैं चमत्कार का काम करण की ताकत मिली च, त कुछ लोगु तैं भविष्यबाणी करण की ताकत, अर कुछ लोगु तैं आत्माओं तैं परखण कि सामर्थ मिली च, अर कुछ लोगु तैं अलग-अलग भाषा मा बुलण को बरदान मिल्यूं च। अर जु लोग अलग-अलग भाषा मा बुल्दिन, कुछ लोगु तैं वीं भाषा तैं आम बोल-चाल मा समझौण को बरदान मिल्यूं च।

गढवली नयो नियम

¹⁰ पवित्र आत्मा एक मनिख तैं चमत्कार का काम कने की शक्ति दींद; अर कै तैं भविष्यवाणी कु; अर कै तैं आत्माओं की परख, अर कै तैं भौत प्रकार कि भाषा बुल्ण; अर कै तैं कि भाषाओं कु मतलब बतांण कु।

1 कुरिन्थि 12:10 Referans Kwoze

1 कुरिन्थि 14:39

इलै हे मेरा भै-बैंणो, पूरा जोस से भविष्यबाणी करण वळा बरदान की खोज मा रा, अर येका दगड़ा-दगड़ि अलग-अलग भाषा बुलण वळा लोगु तैं नि रोका।

1 यूहन्ना 4:1

हे मेरा प्यारा भै-बैंणो, हरेक आत्मा पर बिस्वास नि कैरा बल्किन मा हरेक आत्मा तैं परखा कि वा पिता परमेस्वर की तरफा बटि छैई च कि नि च, किलैकि भौत सा झूठ्‍ठा रैबर्या ईं दुनियां मा फैली गैनी।

मरकुस 16:17

अर बिस्वास करण वळा लोगु मा यू चिन्‍न होला, वु मेरा नौ से खबेसों तैं निकळळा, अर नई-नई भाषा बुलला,

गलातियों 3:5

अर मि तुम लोगु बटि इन भि पूछण चाणु छौं, कि जु पिता परमेस्वर तुमतै पवित्र आत्मा को दान देन्दु, अर तुमरा बीच मा सामर्थ का काम करदु, क्या उ यू सब इलै करदु, किलैकि तुम नियम-कानूनों को पालन करद्‍यां? ना इन नि च बल्किन मा वु त इलै करदु, किलैकि तुम लोगु न वेका शुभ समाचार पर बिस्वास कैरी।

मरकुस 16:20

अर चेलों न उख बटि निकळि के हरेक जगा जैके परचार कैरी। अर प्रभु भि ऊंका दगड़ा-दगड़ि काम कनु रै। अर ऊंका द्‍वारा जु चिन्‍न-चमत्कार का काम होणा छा, वेका द्‍वारा वेन इन साबित कैरी, कि जै वचन को परचार ऊ कना छिन उ वचन सच्‍चु च।]

दिब्य दरस 2:2

“हे इफिसुस नगर का बिस्वासी लोगु, मि तुमरा काम अर तुमरि कड़ी मेनत का बारा मा जणदु छौं, अर दुख का बगत मा तुमरा सबर रखण की ताकत का बारा मा भि मि जणदु छौं, अर मि इन भि जणदु कि तुम बुरा लोगु तैं बरदास नि कैरी सकदी, जु खुद तैं मेरा खास चेला बतौन्दिन, पर असल मा ऊ छैई नि छिन। अर तुमुन ऊं लोगु की जाँच-पड़ताल कैरी अर ऊंतैं झूठ्‍ठु पै।

1 थिस्सलुनीकी 5:20

अर जु भविष्यबाणियाँ दुसरा बिस्वासी करदिन, ऊंतैं बेकार नि समझा।

1 कुरिन्थि 13:8

प्यार कभि खतम नि होन्दु, मगर भविष्यबाणी करण को बरदान चलि जालु। अर उन्‍नि अलग-अलग भाषा बोन्‍न को बरदान भि चलि जालु। अर चै कै मनखि का पास भौत ज्ञान च, त वु चलि जालु, मगर प्यार कभि भि खतम नि होलु।

रोमियों 15:19

अर यू सब चमत्कार अर अदभुत काम मिन पवित्र आत्मा की ताकत से करिनी। इलै मिन भि यरूशलेम नगर अर वेका आस-पास का मुलकों बटि ठिक इल्‍लुरिकुम का मुलक तक यीशु मसीह का शुभ समाचार को परचार अच्छी तरौं से कैरी।

रोमियों 12:6

अर वेका मुताबिक ज्वा किरपा हम पर किये गै, हमतै अलग-अलग दान-बरदान मिल्यां छिन। इलै जैतैं भविष्यबाणी करण को बरदान मिल्यूं च वु मनखि बिस्वास का मुताबिक वेको इस्तेमाल कैरो।

खास चेलों 19:6

तब पौलुस न ऊं पर अपणा हाथ रखिनी, त पवित्र आत्मा ऊं लोगु पर ऐ गै अर वु बन्‍नि-बन्‍नि किसमे की भाषा बोन्‍न लगि गैनी।

खास चेलों 11:28

अर ऊंमा बटि एक अगबुस रैबर्या छौ, अर वेन खड़ु ह्‍वेके पवित्र आत्मा का द्‍वारा भविष्यबाणी कैरिके बोलि कि ये पूरि दुनियां मा भौत बड़ु अकाळ पोड़लु (अर ठिक उन्‍नि ह्‍वे, यू अकाळ महाराजा क्लौदियुस का बगत मा पोड़ि)।

खास चेलों 5:3

तब पतरस न हनन्याह कू बोलि, “हनन्याह, तिन शैतान तैं अपणा मन मा इन बात किलै डलण दिनी, कि तू पवित्र आत्मा बटि झूठ्‍ठ बोल, अर पुंगड़े रकम मा बटि गबन कैरिके अपणा पास रख दे,

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

यूहन्ना 16:13

पर जब उ सच्‍चै को आत्मा आलु, त उ तुमतै पूरु सच्‍चै को बाटु बतालु। अर उ अपणी तरफा बटि कुछ भि नि बोललु, पर जु कुछ भि उ सुणलु उन्‍नि बतालु। अर होण वळी बातों तैं उ तुम पर परगट करलु।

यूहन्ना 14:12

अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

लूका 24:49

अर सुणा, पिता का वे करार का मुताबिक मि वेतैं तुम पास भेजलु, अर जबरि तक वा ताकत तुमतै स्वर्ग बटि नि मिली जौ, तबरि तक तुम यरूशलेम नगर मा ही रयां।”

इब्रानी 2:4

अर परमेस्वर न भि अपणी इच्छा का मुताबिक चिन्‍न, चमत्कार अर अलग-अलग किसम से सामर्थ का कामों का द्‍वारा इन कैरिके दिखै कि वेको रैबार सच्‍चु च। अर जौन वेतैं चुणी वेन ऊंतैं अपणा पवित्र आत्मा को दान दिनी।

खास चेलों 11:27

अर ऊं दिनों मा यरूशलेम नगर बटि परमेस्वर का कुछ रैबर्या अन्ताकिया नगर मा ऐनी।

1 कुरिन्थि 11:4

अर हरेक वु बैख जु अपणु मुण्ड़ ढाकी के प्रार्थना या भविष्यबाणी करदु, वु अपणा मसीह को अपमान करदु।

1 कुरिन्थि 14:13

इलै जु मनखि दुसरि भाषा मा बुल्दु, उ पिता परमेस्वर से इन भि प्रार्थना कैरो कि उ वीं भाषा को मतलब आम बोल-चाल मा भि बतै सैको, ताकि सब लोग समझि सैका।