1 कुरिन्थि 10:4 - Garhwali

⁴ अर ऊंन उई पाणि पेई जु कि चमत्कारिक रुप से परमेस्वर न ऊंतैं दे। अर वा चटान खुद यीशु मसीह को उदारण छै, जु कि मनखियों तैं छुटकारा देणु खुणि परमेस्वर का द्‍वारा चुण्यूं च। अर वे बगत मा वु ऊंका दगड़ा मा छौ अर वेन ऊं खुणि सब कुछ कैरी।

गढवली नयो नियम

⁴ ऊं सभियूं ल उ ही पांणी पये जु पिता परमेश्वर ल ऊं तैं द्ये छो। ऊंल एक पोड बट्टी निकलण वला पांणी तैं पये, अर वे पोड की तुलना मसीह बट्टी किये जै सकद जै दगड़ी रै के ऊं तैं जीवन दिये गै।

1 कुरिन्थि 10:4 Referans Kwoze

यूहन्ना 7:37

तब त्योवार को आखिरी दिन ऐ, जु की खास दिन छौ। फिर यीशु खड़ु ह्‍वे अर ऊँची आवाज मा बुलण लगि गै, “जु कुई तिसळु च, उ मेरा पास अऽ अर पेई ल्यो।

यूहन्ना 4:14

पर जु कुई भि मेरा दियां पाणि मा बटि प्यालु, वेतैं फिर सदनि तक तिस नि लगली, किलैकि जु पाणि मि वेतैं द्‍यूलु, उ वेमा बटि सदनि तक उछ्लण-कुदण वळु जीवन को एक छोया जन बणि जालु।”

यूहन्ना 4:10

अर यीशु न वींकू बोलि, “अगर तुम परमेस्वर का बरदान तैं जणदा, अर यू भि जणदा की उ कु च, जु तुम बटि बोन्‍नु च, ‘मितैं पाणि पिलै द्‍या।’ त तुम वे बटि मंगदा, अर उ तुमतै जीवन देण वळु पाणि देन्दु।”

कुलुसी 2:17

अर यू सब नियम त केवल औण वळा बगत खुणि केवल छैल का जन च, मगर सच्‍चै यीशु मसीह ही च।

दिब्य दरस 22:17

पवित्र आत्मा अर ब्यौलि इन बिन्ती करदी, “अऽ” अर सुनण वळा भि बोला, “अऽ” जु तिसळु च, उ “अऽ” अर जु मेरा पास औण चान्दु वु भि “अऽ” अर मुफत मा जीवन को पाणि लेके जौ।

इब्रानी 10:1

दगड़्यों, जु नियम-कानून परमेस्वर का रैबर्या मूसा का द्‍वारा दिये गैनी वु त औण वळा बगत मा भली चीजों को एक नमूना छौ। अर छैल वळी चीज खुद भली नि ह्‍वे सकदिन, किलैकि यहूदी लोगु द्‍वारा हरेक साल बलिदान चड़ये जनदिन, त फिर जु लोग पिता परमेस्वर का पास औन्दिन ऊ कनकै शुद्ध ह्‍वे सकदिन।

गलातियों 4:25

अर सीनै पाड़ जु कि अरब मुलक मा च अर नौकराणि हाजिरा वे पाड़ का जन च, ठिक उन्‍नि आज यरूशलेम नगर का लोग भि छिन जु कि अपणा जण-बच्‍चों समेत नियम-कानूनों की गुलामी मा जीणा छिन।