1 कुरिन्थि 10:23 - Garhwali

²³ हे मेरा भै-बैंणो, सब धंणि मि खुणि खूब छिन, मगर मि तुमतै बतै देन्दु, कि सब धंणि मेरा फैदा कि नि छिन। अर मितैं सब कुछ करण की इजाजत च, मगर सब कुछ से मेरी तरक्‍की नि होन्दी।

गढवली नयो नियम

²³ तुम बुल्दियां, हम सभि कुछ कनु कु आजाद छा; हां, पर हम कु सभि कुछ अच्छो नि च; किलैकि सभि कुछ पिता परमेश्वर मा हमारा विश्वास तैं मजबूत नि करद; अर सभि चिज्युं बट्टी उन्नति नि हुंद।

1 कुरिन्थि 10:23 Referans Kwoze

1 कुरिन्थि 6:12

अर अगर कुई इन बुल्दु कि, “सब धंणि मि खुणि ठिक छिन।” मगर मि तुमतै बतै देन्दु, कि सब धंणि तुमरा फैदे कि नि छिन। अर मि बोलि सकदु छौं कि नियम-कानून का हिसाब से मि खुणि सब कुछ ठिक च, पर मि नि चान्दु कि मि कैं भि चीज को गुलाम बणु।

1 कुरिन्थि 8:9

अर भले ही तुम कुई भि चीज खन्द्‍यां, पर ईं बात को ध्यान रखा, कि तुमरि वजै से कुई दुसरो बिस्वास भै या बैंण अपणा बिस्वास मा डगमगै नि जौ। अर इन इलै होलु किलैकि उ भै या बैंण बिस्वास मा मजबूत नि च।

इफिसुस 4:29

अर कुई भि गळत बात तुमरा गिच्‍चा बटि नि बुले जौ, पर सिरफ इन्दरि बात ही बुले जौ जु बगत का मुताबिक दुसरा लोगु की हिम्मत बढौणु खुणि अच्छी हो, ताकि वेका द्‍वारा सुनण वळो की भलै हो।

1 थिस्सलुनीकी 5:11

इलै जन की तुम करदी औणा छाँ एक-दुसरा तैं दिलासा दिणा रा, अर एक-दुसरा की हिम्मत बढा।

रोमियों 14:15

अगर तुम अपणा खाणुक खाण की वजै से कै बिस्वासी भै या बैंण खुणि उतेडु़ बणण छाँ, त ईं बात तैं जाणि ल्या कि तुम वे बाटा पर नि चलणा छाँ, जु कि दुसरो से प्यार करण को च। अरे जु खाणुक तुम खन्द्‍यां, कखि उ वे मनखि खुणि नास होण की वजा नि बणि जौ, जै मनखि की खातिर यीशु मसीह मरे गै।

1 कुरिन्थि 14:17

अर ईं बात मा कुई सक नि च, कि तिन पवित्र आत्मा का द्‍वारा पिता परमेस्वर को खूब धन्यवाद देई, पर यां से दुसरा लोगु का बिस्वास मा कुई तरक्‍की नि ह्‍वे।

1 कुरिन्थि 14:26

इलै हे मेरा भै-बैंणो, तुमतै क्या-क्या कन चयेणु उ अब मि तुमतै बतौन्दु, जब तुम परमेस्वर की भक्‍ति करणु खुणि एक जगा इकट्‍ठा होनद्‍यां, त पवित्र आत्मा का द्‍वारा तुम मा बटि कई लोग पिता परमेस्वर का भजन गन्दिन, अर कुछ शिक्षा देन्दिन। अर अगर कै मनखि पर कुछ परगट किये गै, त उ वीं बात का बारा मा बतौन्दु। अर कुछ लोग पवित्र आत्मा का द्‍वारा अलग-अलग भाषा मा बात करदिन, त कुछ वीं भाषा को मतलब आम बोल-चाल मा बतौन्दिन। अर यू सब कुछ पिता परमेस्वर का द्‍वारा किये जान्दु, ताकि एक-दुसरे की तरक्‍की हो अर सब लोग आत्मिक रुप से मजबूत होन्दी जा।

1 तीमुथियुस 1:4

अर जु मनगणत कथा छिन, अर पितरों का नौ की लिस्ट जु कभि खतम नि होन्दी, यों पर वु मन नि लगा। किलैकि यों पर ध्यान देके बस घपरोळ ही होन्दु, अर यू लोग परमेस्वर की इच्छा पूरि नि करदिन जु की बिस्वास कैरिके होन्दु।

1 कुरिन्थि 14:12

अर तुम लोग जु कि पूरा जोस से पवित्र आत्मा का बरदान तैं पौण की मनसा करद्‍यां, यों बरदानों से भरपूर होण की पूरि कोसिस कैरा, ताकि बिस्वासी समुदाय का लोगु की तरक्‍की ह्‍वे सैको।

1 कुरिन्थि 8:1

हे मेरा दगड़्यों, अब मि ऊं चीजों का बारा मा बतौण चान्दु, जु कुछ भि मूरत का अगनै चड़ये जान्दु, वीं सच्‍चै का बारा मा तुम जणदा ही छाँ, अर वेका बारा मा तुम सभ्यों का पास पूरु ज्ञान च। अर अगर तुम कैं चीज का बारा मा जणदा छाँ, त याद रखा कि जादा ज्ञान होण से मनखि का मोन भौत चैड़ि जनदिन, पर अगर जु हम एक-दुसरा से प्यार करद्‍यां, त यां से एक-दुसरे की तरक्‍की होन्दी।

2 कुरिन्थि 12:19

हे मेरा प्यारा भै-बैंणो, अर तुम अभि तक इन समझणा ह्‍वेल्या कि हम अपणी सफै देणा छां, पर मि यू सब बात इमानदारी से बुलणु छौं, किलैकि मेरु रिश्ता प्रभु यीशु मसीह का दगड़ा मा च अर पिता परमेस्वर मेरी सब बातों तैं सुनणु च। इलै जु कुछ भि मि बुल्दु या करदु छौं वु सब कुछ तुमरा फैदा खुणि ही च, ताकि तुमरो बिस्वास मजबूत ह्‍वे जौ।