1 कुरिन्थि 10:15 - Garhwali

¹⁵ अर यू सब बात मि तुम लोगु तैं समझदार समझि के बतौणु छौं। अर ज्वा बात मि बोन्‍नु छौं, तुम खुद ही वेको फैसला कैरा कि वा बात सही च या गळत।

गढवली नयो नियम

¹⁵ मि तुम लुखुं तैं समझदार जांणि के, यु बुल्णु छो; इलै ध्यान से सोचा कि जु मि बुल्ण छो व ठिक च या न।

1 कुरिन्थि 10:15 Referans Kwoze

1 थिस्सलुनीकी 5:21

मगर यों भविष्यबाणियों तैं परखा, कि परमेस्वर की तरफा बटि छैं छिन या नि छिन, अर अगर जु परमेस्वर की तरफा बटि छिन त ऊंतैं स्वीकार कैरा।

1 कुरिन्थि 8:1

हे मेरा दगड़्यों, अब मि ऊं चीजों का बारा मा बतौण चान्दु, जु कुछ भि मूरत का अगनै चड़ये जान्दु, वीं सच्‍चै का बारा मा तुम जणदा ही छाँ, अर वेका बारा मा तुम सभ्यों का पास पूरु ज्ञान च। अर अगर तुम कैं चीज का बारा मा जणदा छाँ, त याद रखा कि जादा ज्ञान होण से मनखि का मोन भौत चैड़ि जनदिन, पर अगर जु हम एक-दुसरा से प्यार करद्‍यां, त यां से एक-दुसरे की तरक्‍की होन्दी।

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

1 कुरिन्थि 11:13

अब तुम खुद ही सोचा, कि क्या या सही बात च कि एक जनानि बगैर मुण्ड़ ढक्यां परमेस्वर से प्रार्थना कैरो?

1 कुरिन्थि 6:5

अर या बात मि तुम खुणि इलै बोन्‍नु छौं, ताकि तुमतै खुद पर सरम अऽ। अर एक बात बता, क्या सच्‍चि मा तुमरा इख एक भि समझदार नि च, जु कि तुम बिस्वासी लोगु का वाद-विवाद तैं सुळझै सैको।

1 कुरिन्थि 4:10

अर यीशु मसीह को परचार करण की वजै से हम लोगु की नजर मा मूरख मणै जणद्‍यां, मगर तुम यीशु मसीह का दगड़ा मा एक ह्‍वे ग्यां, त ईं वजै से तुम खुद तैं भौत अकलमन्द समझणा छाँ। तुम खुद तैं ताकतबर समझद्‍यां अर हमतै कमजोर, इलै हमरु कुई आदर-सम्मान नि च मगर तुम त खुद दुसरो से आदर-सम्मान पौणा छाँ।

1 कुरिन्थि 10:14

इलै हे मेरा प्यारा भै-बैंणो, तुम लोग मूरत पूजा से दूर रा।

1 कुरिन्थि 10:16

अर जब हम प्रभु-भोज खाणु खुणि इकट्‍ठा होनद्‍यां, त इन याद रखा कि यीशु मसीह हमरा खातिर मरे गै। अर जब हम वेका कटोरा मा बटि पिन्द्‍यां, त यीशु मसीह की तारीफ करद्‍यां कि वेको ल्वे हम खुणि बुगये गै। अर ठिक उन्‍नि जब रुट्‍टी तुड़ै जान्दी, त इन याद किये जान्दु कि वेको बदन हम खुणि तुड़ै गै। अर इनकै हम यू परगट करद्‍यां कि हम यीशु मसीह का छां।