1 कुरिन्थि 10:13 - Garhwali

¹³ अर तुम अभि तक शैतान की बातों का द्‍वारा भकलै नि ग्यां, जु कि तुमतै कुई परेसानी हो। अर अगर जु तुम भकलै जैल्या, त वा तुमरा सौण की ताकत से जादा नि होलि। किलैकि पिता परमेस्वर जु कि सच्‍चु च उई तुमतै हरेक बात सौण की ताकत द्‍यालु, बल्किन मा उ तुमतै शैतान का भकलौण वळी बातों से भि भैर निकळण को बाटु दिखालु।

गढवली नयो नियम

¹³ पाप कनै की इच्छा हम सभियूं मा जरुर आंदी; पर पिता परमेश्वर विश्वासयोग्य च; किलैकि उ तुम तैं एक भि इन अजमैश मा नि पुडण दींद, कि तुम वीं अजमैश बट्टी लैड़ि नि साका, पर पिता परमेश्वर तुम तैं व तागत दयालो, कि तुम पाप बट्टी बचयां रा।

1 कुरिन्थि 10:13 Referans Kwoze

2 पतरस 2:9

अर यू बात ही हमतै इन दिखौन्दिन कि प्रभु परमेस्वर जणदु च कि जु लोग वेकी भक्‍ति करदिन, उ ऊंतैं कनकै भौत सा संकट से भैर निकळदु, अर बुरा लोगु तैं दण्ड देण खुणि कनकै न्याय का दिन तक रखदु।

2 तीमुथियुस 4:18

अर अब प्रभु मितैं हर बुरै से दूर करलु, अर अपणा स्वर्ग का राज्य मा हिफाजत से लि जालु वेको आदर-सम्मान सदनि तक होणु रौ। आमीन।

2 थिस्सलुनीकी 3:3

पर परमेस्वर बिस्वास का काबिल च, इलै उ तुमतै बिस्वास मा मजबूत बणै के रखलु, अर दुष्‍ट शैतान बटि बचै के रखलु।

इब्रानी 12:4

तुम लोग जु पाप का खिलाप मा संघर्ष कना छाँ, हाँ तुम एक खिलाड़ी का जन लड़णा छाँ, मगर तुम लोगु न इन लड़ै नि कैरी ज्यां से कि तुमतै अपणु ल्वे बुगाण पोड़ो, जन कि यीशु न कैरी छौ।

1 थिस्सलुनीकी 5:24

अर उ इन जरुर करलु किलैकि जै परमेस्वर न तुमतै बुलै, उ भरोसा का लैख च।

लूका 22:46

अर वेन ऊंकू बोलि, “अरे तुम सिणा किलै छाँ? उठा अर प्रार्थना कैरा, ताकि शैतान तुमतै नि भकलौ।”

2 कुरिन्थि 1:10

अर पिता परमेस्वर ही च जु कि हमतै मौत का बड़ा संकट से बचौन्दु, अर अगनै भि बचालु, किलैकि हम वे पर बिस्वास करद्‍यां अर उ हमतै औण वळा बगत मा भि बचालु।

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।

1 पतरस 4:19

इलै जु लोग परमेस्वर की इच्छा का मुताबिक दुख उठाणा छिन, तुम भलै का काम कना रा, अर अपणा पराणों तैं वे भरोसामन्द पिता परमेस्वर का हाथों मा सौंपी द्‍या, जु कि दुनियां तैं बणौण वळु च।

1 यूहन्ना 1:9

अर अगर हम अपणा-अपणा पापों तैं माणी द्‍या, त उ हमरा पापों तैं माफ करलु अर हमतै सब बुरै से शुद्ध भि करलु, किलैकि पिता परमेस्वर भरोसा का लैख अर सच्‍चु च।

1 कुरिन्थि 1:9

अर पिता परमेस्वर जरुर इन करलु, किलैकि उ भरोसा का लैख च। अर वेन ही तुमतै अपणा पुत्र प्रभु यीशु मसीह का दगड़ा मा रौणु खुणि बुलै।

इब्रानी 11:11

अब्राहम अर वेकी जनानि सारा दुईया का दुई बुढ्या ह्‍वे गै छा, अर सारा बाँझ जनानि छै, मगर तभि भि बिस्वास का द्‍वारा ऊंको नौनु ह्‍वे। अर यू सब इलै ह्‍वे किलैकि जु करार परमेस्वर न कैरी छौ, वेन सारा तैं बिस्वास का लैख पै।

इब्रानी 10:23

अर वीं आस तैं अपणा-अपणा जीवन मा बणै के रखा जिं पर हमतै पूरु यकीन च, किलैकि जु करार पिता परमेस्वर न हमरा दगड़ा मा कर्युं च वु जरुर पूरु होलु।

लूका 11:4

अर हमरा पापों तैं माफ कैरा, जन हम ऊंतैं माफ करद्‍यां, जु की हमरा खिलाप मा पाप करदिन, अर शैतान की बातों का द्‍वारा हम भकलै नि जा।’”

इब्रानी 6:18

अर करार अर कसम की दुई बातों तैं कभि बदलै नि जै सकदु, किलैकि पिता परमेस्वर कभि भि झूठ्‍ठ नि बुल्दु। इलै हम बिस्वासी लोग जु कि वेकी हिफाजत मा रौणा छां, हम सभ्यों तैं बड़ी हिम्मत रखी के अपणी-अपणी आस वे पर बणै के रखण चयेणी।

दिब्य दरस 19:11

फिर मिन स्वर्ग तैं खुल्यूं देखि, अर एक सफेद घोड़ा छौ अर जु वेमा सवार च वेकू भरोसेमन्द अर सच्‍चु बुले जान्दु। अर वेको न्याय सच्‍चु च अर वेको युद्ध करण को तरीके सही च।

लूका 16:26

अर यों बातों का अलावा हमरा अर तुमरा बीच मा एक भौत बड़ी खाई च, ताकि अगर कुई इख बटि तुमरा पास जाण चौ त उ नि जै सैको, अर ना ही कुई उख बटि इख हमरा पास ऐ सकदु।’

खास चेलों 27:44

अर जौं तैं तैरण नि औन्दु वु लोग तखतों अर जाज का टुटयां हिस्सों की मददळ जा। अर इनकै हम सब लोग बचि के छाला पर पौंछी ग्यां।”

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]