1 कुरिन्थि 1:27 - Garhwali

^27-29 अर कुई भि मनखि पिता परमेस्वर का समणि बड़ु मोन नि कैरी सकदु। अर वेन ही ज्ञानी लोगु की बेजती करणु खुणि, दुनियां का ऊं लोगु तैं चुणी जौं तैं कुछ नि समझै जान्दु। अर वेन ही दुनियां का कमजोर लोगु तैं भि चुणी, ताकि ऊ ताकतबर लोगु तैं सरमसार कैरी सैका। अर जु इन बुल्दिन कि हम खास लोग छां पिता परमेस्वर न ऊंतैं ना, बल्किन मा हम जन लोगु तैं जु कि दुनियां की नजर मा कुछ भि नि छा, अर नीच जात का मणै जन्द्‍यां। हाँ, हमतै ही जु कि कुछ नि छां पिता परमेस्वर न अफ खुणि चुण्यालि।

गढवली नयो नियम

²⁷ पर पिता परमेश्वर ल दुनिया का मूर्खों तैं चुणि कि बुद्धिमानों तैं शर्मिंदा करुनु अर पिता परमेश्वर ल दुनिया का कमजोरों तैं चुणि, कि तागतबरों तैं शर्मिंदा करुनु।

1 कुरिन्थि 1:27 Referans Kwoze

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

मत्ती 11:25

अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्‍चों का जन छिन।

1 कुरिन्थि 1:20

कख रै गैनी ये जमना का ज्ञानी लोग? अर कख रै गैनी धरम का जानकार? अर कख छिन बहस करण वळा लोग? पिता परमेस्वर न दुनियां का ज्ञान की कीमत तैं ना का बराबर कैरियाली।

लूका 21:15

किलैकि मि तुमतै इन्दरि अकल अर बुलणु खुणि इन शब्द द्‍यूलु, कि तुमरा सब बैरी तुमरि बातों को मुकाबला नि कैरी सकला, अर ना ही तुमरि बात को विरोध कैरी सकला।

2 कुरिन्थि 4:7

हे मेरा भै-बैंणो, हम लोग माटा का भाँडो की तरौं छां, जौं मा यू उज्याळु एक खजाना की तरौं च। अर यां से इन पता चलदु कि या ताकत मनखियों कि ना, बल्किन मा परमेस्वर की तरफा बटि च जु कि हमरु अपणु नि च।

मत्ती 21:16

तब ऊंन यीशु कू बोलि, “क्या तू सुनणी नि छैई कि यू क्या बोन्‍ना छिन?” अर वेन ऊंकू बोलि, “हाँ सुनणु छौं। क्या तुमुन पवित्रशास्‍त्र मा यू कभि नि पैढी कि, ‘तिन बच्‍चों अर दूद पीण वळा छुटा बच्‍चों से अपणी तारीफ करवै?’”

2 कुरिन्थि 10:10

किलैकि कुछ लोग इन बुल्दिन कि, “पौलुस की चिठ्‍ठी त गम्भीर अर असरदार छिन, मगर जब उ बिस्वासी लोगु का बीच मा रौन्दु तब उ बिल्कुल कमजोर लगदु अर वेका भासण बेकार होनदिन।”

मत्ती 9:9

अर जब यीशु उख बटि अगनै जाणु छौ, त वेन मत्ती नौ का एक मनखि तैं चुंगी लेण वळो की चौकी मा बैठयूं देखि। तब यीशु न वेकू बोलि, “मेरा दगड़ा मा चल अर मेरु चेला बणि जा।” अर उ उठी के वेका पिछनै चलि गै।

खास चेलों 17:18

अर ये नगर मा इपिकूरी अर स्तोईकी नौ का दुई ज्ञानी दल छा, अर यों दलों मा बटि कुछ लोग पौलुस बटि मिलिनी। अर ऊं बटि कुछ लोगु न बोलि, “यू कचर-कचर करण वळु मनखि क्या च बोन्‍नु?” दुसरो न बोलि, “अरे यू त पता नि कौं द्‍यबतों का बारा मा बतौणु च।” (अर या बात त ऊंन इलै बोलि, किलैकि पौलुस यीशु का बारा मा, अर मुरदो मा बटि मा ज्यून्द होण का बारा मा बतौणु छौ)।

खास चेलों 7:54

अर स्तिफनुस की यों बातों तैं सुणी के न्याय समिति का लोग भौत गुस्सा ह्‍वेनि। अर ऊंतैं इथगा गुस्सा ऐ, कि ऊ गुस्सा से तमतमै गैनी।

खास चेलों 7:35

“अर यू उई मूसा च जैतैं इस्राएली लोगु न इन बोलि के नकारी छौ कि, ‘त्वेतै कैन हमरु अधिकारी अर न्याय करण वळु बणै?’ मगर परमेस्वर न वे ही मूसा तैं इस्राएली लोगु को अधिकारी अर छुड़ौण वळु ठैरै, अर जगदी झाड़ि मा वे स्वर्गदूत का द्‍वारा बात कैरिके मूसा तैं मिस्र देस मा भेजि दिनी।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।

1 कुरिन्थि 2:12

अर पिता परमेस्वर न हमतै वेकी सब बात जनणु खुणि अपणु पवित्र आत्मा दियूं च, अर हम मा दुनियां को आत्मा नि च।