1 कुरिन्थि 1:23 - Garhwali

²³ मगर हम त क्रूस पर चड़यां यीशु मसीह को परचार करद्‍यां। अर यहूदी लोगु खुणि यू परचार उतेडु़ लगण की वजा च, अर जु लोग यहूदी जाति का नि छिन ऊं खुणि यू बेकार को काम च।

गढवली नयो नियम

²³ पर हम त वे सूली पर चढ़यां मसीह कु प्रचार करदां, जु यहूदियों का बीच ठोकर कु कारण, अर अन्यजातियों का बीच मूर्खता च।

1 कुरिन्थि 1:23 Referans Kwoze

1 कुरिन्थि 2:14

अर जु लोग सरील की मनसा का मुताबिक चलदिन, ऊ परमेस्वर की पवित्र आत्मा की बातों तैं स्वीकार नि करदिन, इन्द्रया लोगु खुणि यू बात बेमतलब की छिन। मगर यों सब बातों तैं पवित्र आत्मा का द्‍वारा ही बिंगै जै सकदु।

1 पतरस 2:8

अर ऊं लोगु खुणि इन भि लिख्यूं च कि, “यू ढुंगो ऊं खुणि उतेडु़ बणि गै, अर एक इन्द्रयो पौड़ जै बटि फिसली के वु लमडी गैनी।” किलैकि ऊ लोग परमेस्वर का वचन मा लिखीं बातों को पालन नि करदिन, इलै ऊंतैं उतेडु़ लगि। अर इन्द्रया लोगु खुणि पिता परमेस्वर न या ही योजना बणै के रखी च।

1 कुरिन्थि 2:2

किलैकि जब मि तुमरा दगड़ा मा छौ, त मिन इन ठाणियालि छौ कि यीशु मसीह अर वेको क्रूस पर चड़ये जाण तैं छोड़ि के, और कैं दुसरि बात मा तुमरो ध्यान तैं नि जाण द्‍यूं।

गलातियों 5:11

हे मेरा भै-बैंणो, अगर मि यहूदी रीति का मुताबिक खतना का रिवाज तैं पूरु करण का बारा मा परचार कनु रौन्दु, त मि पर जुलम नि किये जान्दु। मगर मि त यीशु तैं क्रूस पर चड़ये जाण को परचार करदु, इलै मितैं सतयै जाणु च।

1 कुरिन्थि 1:18

अर या सच्‍चि बात च कि जु लोग नास होण वळा बाटा पर चलणा छिन, ऊ इन सोचदिन कि यीशु मसीह को क्रूस पर मुरण की घटना बेकार च। मगर बचयै जाण वळा लोगु खुणि या परमेस्वर की ताकत च।

लूका 2:34

तब शमौन न ऊंतैं आसीस देके वेकी माँ मरियम कू बोलि, “सुण, यू बच्‍चा इस्राएली लोगु मदि भौत सरा लोगु खुणि दण्ड मिलण को, अर भौत सरा लोगु तैं बचयै जाण की वजा बणलु। अर यों बातों खुणि यू बच्‍चा एक चिन्‍न च, पर लोग येका खिलाप मा बुलला,

गलातियों 6:14

अर अब या दुनियां मेरी नजर मा मोरि गै अर मि ईं दुनियां खुणि मोरि ग्यों, किलैकि मि खुणि केवल प्रभु यीशु मसीह की क्रूस ही च जिं का खातिर मि बड़ु मोन करदु।

मत्ती 13:57

इलै ऊंन यीशु की बातों तैं स्वीकार नि कैरी। अर यीशु न ऊंकू बोलि, “एक रैबर्या तैं अपणा घौर अर मुलक का अलावा हरेक जगा आदर-सम्मान मिलदु।”

मत्ती 11:6

अर धन्य च उ, जु मि पर सक नि करदु बल्किन मा बिस्वास करदु।’”

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

गलातियों 3:1

हे गलाति नगर का बिस्वासी लोगु, क्या तुम नासमझ छाँ अर कु च वु जैन तुम पर जादु कैरियाली? अरे, मिन त तुमतै यीशु मसीह का बारा मा इथगा अच्छे से बतै छौ, जन कि यीशु तैं तुमरि ही आंख्यों का समणि क्रूस पर चड़ये गै हो।

2 कुरिन्थि 4:5

अर हम लोग अपणु परचार नि कना छां, बल्किन मा हम त यू परचार कना छां कि यीशु मसीह ही प्रभु च। अर हम भि वेकी आज्ञा को पालन कैरिके दीन बणयां, ताकि हम तुमरि सेवा कैरी सैका।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।

1 कुरिन्थि 4:10

अर यीशु मसीह को परचार करण की वजै से हम लोगु की नजर मा मूरख मणै जणद्‍यां, मगर तुम यीशु मसीह का दगड़ा मा एक ह्‍वे ग्यां, त ईं वजै से तुम खुद तैं भौत अकलमन्द समझणा छाँ। तुम खुद तैं ताकतबर समझद्‍यां अर हमतै कमजोर, इलै हमरु कुई आदर-सम्मान नि च मगर तुम त खुद दुसरो से आदर-सम्मान पौणा छाँ।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।