1 कुरिन्थि 1:14 - Garhwali

¹⁴ अरे मि त पिता परमेस्वर को धन्यवाद करदु, कि मिन तुमरा बीच मा क्रिस्पुस अर गयुस भै का अलावा और कैतैं भि बपतिस्मा नि दिनी।

गढवली नयो नियम

¹⁴ मि पिता परमेश्वर कु धन्यवाद करदु, कि मिल क्रिस्पुस अर गयुस भयों तैं छोड़ी कै तुम लुखुं मा बट्टी कै तैं भि बपतिस्मा नि दींनि।

1 कुरिन्थि 1:14 Referans Kwoze

खास चेलों 18:8

तब प्रार्थना भवन का मुखिया क्रिस्पुस अर वेका घौर का सब लोग न प्रभु पर बिस्वास कैरी। अर कुरिन्थि नगर का भौत सा लोगु न पौलुस का द्‍वारा वचन तैं सुणी के बिस्वास कैरी, अर बपतिस्मा भि लिनी।

रोमियों 16:23

अर गयुस भै न मितैं अर समुदाय का सब लोगु तैं अपणु घौर इस्तेमाल करणु खुणि दियूं च, अर वु सब लोग भि तुम खुणि सलाम बोन्‍ना छिन। अर ये नगर का कोष अध्यक्ष इरास्तुस भै अर हमरु क्‍वारतुस भै भि तुम खुणि सलाम बोन्‍नु च। [

1 थिस्सलुनीकी 5:18

अर हर दसा मा परमेस्वर को धन्यवाद द्‍या, किलैकि तुम यीशु मसीह का छाँ इलै परमेस्वर की मनसा या ही च।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

कुलुसी 3:15

अर यीशु मसीह की शान्ति तैं अपणा दिलों मा काम करण द्‍या, किलैकि ईं शान्ति खुणि ही वेन तुमतै बुलै, ताकि सभ्या का सभि एक बदन ह्‍वे जा। अर हरेक बात मा वेको धन्यवाद द्‍या।

इफिसुस 5:20

अर हरेक बात खुणि हमरा प्रभु यीशु मसीह का नौ से पिता परमेस्वर को हमेसा धन्यवाद कना रा।

2 कुरिन्थि 2:14

अर सबसे पैलि मि पिता परमेस्वर को धन्यवाद करदु जु कि एक नेता की तरौं हमेसा हमरा अगनै-अगनै चलदु, अर वेन हम सभ्यों तैं यू मौका दिनी कि हम वेका पिछनै-पिछनै चला। अर जन इतर कि खुशबु सब जगा फैली जान्दी, ठिक उन्‍नि पिता परमेस्वर हमतै अपणा सच्‍चा ज्ञान का द्‍वारा शुभ समाचार तैं फैलाण मा मदद करदु।

1 कुरिन्थि 14:18

हे मेरा भै-बैंणो, मि खुद अलग-अलग भाषाओं मा बुल्दु। अर ये मामला मा कुई मनखि भि मेरी बराबर नि कैरी सकदु, अर यों सब बातों खुणि मि पिता परमेस्वर को धन्यवाद देन्दु।

1 कुरिन्थि 1:4

हे मेरा भै-बैंणो, मि तुमरा खातिर अपणा पिता परमेस्वर को धन्यवाद हमेसा करदु, किलैकि परमेस्वर की या किरपा तुम पर यीशु मसीह का द्‍वारा ह्‍वे।

फिलेमोन 1:4

हे फिलेमोन भै, जब-जब मि प्रार्थना मा त्वेतै याद करदु, त मि हमेसा अपणा परमेस्वर तैं धन्यवाद देन्दु,

1 तीमुथियुस 1:12

मि हमरा प्रभु मसीह यीशु को धन्यवाद करदु, जैन मितैं मजबूत बणै। किलैकि वेन मितैं बिस्वासयोग्य समझि के अपणी सेवा करणु खुणि ठैरै।

खास चेलों 10:48

तब पतरस न ऊंतैं यीशु मसीह का नौ से बपतिस्मा लेण की आज्ञा दिनी। अर बपतिस्मा लेण का बाद कुरनेलियुस न ऊंतैं कुछ और दिनों तक उख रौण कू बोलि।

1 कुरिन्थि 1:15

ताकि कुई भि इन नि बोलि सैको, कि मितैं त पौलुस का नौ से बपतिस्मा दिये गै।