1 कुरिन्थि 1:10 - Garhwali

¹⁰ हे मेरा भै-बैंणो, अब मि तुम से प्रभु यीशु मसीह को नौ लेके बिन्ती करदु, कि तुम सब एकमत ह्‍वेके रा, अर तुमरा बीच मा फूट नि पोड़ो, बल्किन मा तुम सब एक मन ह्‍वेके रा, अर तुम सभ्यों को एक ही मकसद हो।

गढवली नयो नियम

¹⁰ हे मेरा विश्वासी भयों, मि तुम बट्टी हमारा प्रभु यीशु मसीह का नौं बट्टी बिनती कनु छौं, कि तुम सब तैं एक दुसरा दगड़ी सहमत हूंण चयणु च, कि तुम मा फूट नि हो, पर एक ही मन हवे के एक दुसरा दगड़ी मेल-मिलाप कैरी के रा।

1 कुरिन्थि 1:10 Referans Kwoze

1 कुरिन्थि 12:25

अर पिता परमेस्वर न इन इलै कैरी, ताकि हमरा सरील का सब अंग एकजुट ह्‍वेके रा। अर एक-दुसरे की पूरि फिकर कैरिके अच्छे से काम कैरी सैका।

रोमियों 12:16

अर अपणा आपस मा मेल-जोल से रा अर बड़ु मोन नि कैरा, बल्किन मा ऊं लोगु का दगड़ा मा मेल-जोल कैरा, जौं तैं लोग अकसर कुछ नि समझदिन। अर खुद तैं जादा होसियार समझि के बड़ु मोन नि कैरा।

2 कुरिन्थि 13:11

हे मेरा भै-बैंणो, अब मि आखिरी मा तुमकु इन बोन्‍न चान्दु कि तुम खुश रा, अर अपणा-अपणा चाल-चलन मा हरेक दिन सुधार ला, अर जु-जु काम करणु कू मिन तुमकु बोलि ऊंतैं पूरु कैरा। अर एक-दुसरे की बात तैं स्वीकार कैरा अर एकजुट ह्‍वेके रा, अर एक-दुसरा का दगड़ा मा शान्ति से रा। अर पिता परमेस्वर तुमतै एक-दुसरा का दगड़ा प्यार करण मा, अर शान्ति से जीवन जीण मा पूरि मदद करलु।

1 कुरिन्थि 11:18

किलैकि सबसे पैलि बात त या च, कि मिन तुमरा बारा मा इन सुणी कि जब बिस्वासी लोगु को समुदाय इकट्‍ठा होन्दु, त लोग अपणा आपस मा दल बणौणा छिन। अर जु कुछ भि मितैं पता चलि वामा बटि कुछ-कुछ बातों पर मितैं यकीन च।

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

रोमियों 16:17

हे मेरा प्यारा भै-बैंणो, मि तुम से बिन्ती करदु कि ऊं लोगु की खोज कैरा, जु कि लोगु तैं एक-दुसरा का खिलाप मा भड़कै देन्दिन, यू लोग इन्द्रया छिन जु कि बिस्वासी लोगु तैं ऊंका बिस्वास मा बटि भटके देन्दिन। अर यू लोग वीं सच्‍चि शिक्षा का खिलाप मा छिन, ज्वा तुम मा च। इलै तुम इन्द्रया लोगु से दूर रा।

2 कुरिन्थि 5:20

अर ईं बात की वजै से ही मि अर मेरा दगड़्या यीशु मसीह का राज्य को परचार करद्‍यां। अर जब हम लोगु तैं बतौन्द्‍यां, त यां को मतलब यू च कि पिता परमेस्वर खुद तुमतै अपणा पास बुलाणु च। इलै हे मेरा भै-बैंणो, यीशु मसीह का होण का नाता हम तुम से बिन्ती करद्‍यां, कि तुमरो रिश्ता पिता परमेस्वर का दगड़ा मा ठिक ह्‍वे जौ, इलै वेका पास औणु खुणि वेका पास वचन तैं स्वीकार कैरा।

1 कुरिन्थि 4:16

इलै मि तुम से बिन्ती करदु, कि जन मेरु चाल-चलन च, ठिक उन्‍नि तुमरो भि हो।

खास चेलों 4:32

अर बिस्वास करण वळा सब लोग एक दिल अर एक मन ह्‍वेके रौन्दा छा। इख तक कि ऊंमा बटि कुई भि अपणी जैजाद तैं अपणु नि बुल्दु छौ, अर वु अपणी सब चीजों को आर-सार एक-दुसरा का दगड़ा मा करदा छा।

यूहन्ना 17:23

अर तुम मि मा छाँ अर मि ऊंमा छौं, ताकि वु पूरि तरौं से एक ह्‍वे जा। अर यू देखि के दुनियां का लोग जाणि जाला, कि तुमुन ही मितैं भेजि च, अर जन तुमुन मि बटि प्यार कैरी, ठिक उन्‍नि प्यार ऊं बटि कैरी।

1 थिस्सलुनीकी 5:13

अर ऊंकी ईं मेनत की वजै से तुम ऊं बटि भौत प्यार कैरा, अर ऊंतैं भौत आदर-सम्मान द्‍या। अर एक-दुसरा का दगड़ा मा मेल-जोल से रा।

रोमियों 12:1

इलै हे मेरा प्यारा भै-बैंणो, जब बटि पिता परमेस्वर न अपणी बड़ी दया तुम पर कैरी, अर मि तुम से बिन्ती करदु, कि तुम सभ्या का सभि भलै का कामों खुणि अपणा-अपणा जीवनों तैं एक बलिदान का रुप मा वे खुणि चड़ै द्‍या, अर वेकी महान सेवा खुणि खुद तैं दे द्‍या। अर या ही बात तुम खुणि सच्‍चि पूजा का जन च ज्वा की तुमतै करण चयेणी।

यूहन्ना 10:19

अर यों बातों का बाना यहूदियों मा फिर से फूट पोड़ि गै।

1 पतरस 2:11

हे मेरा प्यारा भै-बैंणो, तुम लोग ईं दुनियां मा परदेसी अर मुसाफिर लोगु का जन छाँ, अर मि तुम से बिन्ती करदु कि तुम ईं दुनियां कि बुरी इच्छाओं से बचि के रा, अर यू वु इच्छा छिन जु कि तुमरा आत्मा का दगड़ा मा लड़ै कनि रौनदिन।

2 तीमुथियुस 4:1

प्रिय तीमुथियुस, हमरु यीशु मसीह जल्द लोगु पर राज करणु खुणि अर ज्यून्दा अर मुरयां लोगु को न्याय करणु कू औण वळु च। इलै मि पिता परमेस्वर तैं, अर हमरा यीशु मसीह तैं गवा माणी के त्वेतै हुकम देन्दु कि, तू परमेस्वर का वचन को परचार कैर, लोग तेरी सुणा या नि सुणा पर तू हर दसा मा तयार रौ। अर हरेक बात तैं सै के अर लोगु तैं उपदेस देके, जब वु गळत कैरा त ऊंका दोष तैं बतौ अर ऊंतैं झिड़की के सिखौ अर समझौ, कि ऊंतैं क्या करण चयेणु।

फिलिप्पी 3:16

इलै आज हम जख तक पौंछी ग्यां, वेका मुताबिक अगनै भि चलण रौला।

2 कुरिन्थि 10:1

हे मेरा दगड़्यों, मि पौलुस यीशु मसीह की तरौं दया करण वळु, अर दीन सभौ को बणि के हमेसा तुम से बिन्ती करदु, मगर तुमरा बीच मा कुछ लोग इन्द्रया छिन जु कि इन बुल्दिन कि, “अरे, जब पौलुस तुमरा बीच रौन्दु तब उ बिल्कुल सीदु-सादु बणि के रौन्दु, मगर जब उ तुम से दूर चलि जान्दु त अपणी चिठ्‍ठीयों मा इन लिखदु जन कि उ तुमतै धमकी देणु होलु।”

यूहन्ना 7:43

इलै यीशु का बाना लोगु का बीच मा फूट पोड़ि गै।

मरकुस 2:21

“कुई भि मनखि नया कपड़ा मा बटि फाड़ी के पुरणा कपड़ा मा टल्‍ला नि लगौन्द, अर अगर लगालु, त नया कपड़ा को टल्‍ला सिकुड़ी जालु अर वे पुरणा कपड़ा पर पैलि से और भि जादा बड़ु छेद ह्‍वे जालु।

मत्ती 9:16

तब यीशु न ऊंतैं एक और उदारण देके बोलि, “कुई भि मनखि नया कपड़ा मा बटि फाड़ी के पुरणा कपड़ा पर टल्‍ला नि लगौन्दु। अर अगर लगालु, त नयू फटी जालु अर उ टल्‍ला पुरणा कपड़ा मा बटि और फाड़ी देन्दु, तब पुरणु कपड़ा और भि जादा फटी जान्दु।

1 तीमुथियुस 5:21

हे तीमुथियुस, मि परमेस्वर अर यीशु मसीह अर चुण्यां स्वर्गदूतों तैं गवा माणी के त्वेतै या आज्ञा देन्दु, कि तू खुला मन से यों सब बातों को पालन कैर, अर कै का दगड़ा मा भि पक्षपात नि कैरी।

2 थिस्सलुनीकी 2:1

हे मेरा भै-बैंणो, अब हम तुमतै अपणा प्रभु यीशु का दुबरा औण का बारा मा, अर वेका पास इकट्‍ठा होण का बारा मा बतै देन्द्‍यां। किलैकि तुमरा बीच मा कुछ इन्द्रया लोग ऐ गैनी, जु कि तुमतै गळत सिखौन्दिन। अर वु बुल्दिन, कि प्रभु को दुबरा औण की बात पूरि ह्‍वे गै अर वु इन भि बुलला, कि हमतै त परमेस्वर का आत्मा न बतै अर भविष्यबाणियाँ भि ह्‍वेनि। अर वु लोग हमरु नौ लेके इन भि बुलला, कि हमतै त चिठ्‍ठी का द्‍वारा बतये गै। मगर हम तुमतै बतै देन्द्‍यां, कि यों बातों तैं सुणी के तुम अचानक से बिस्वास मा डगमगै नि जयां अर ना ही घबरयां।

गलातियों 4:12

हे मेरा बिस्वासी भै-बैंणो, तुम जु यहूदी जाति का नि छाँ तुमुन मेरु कुछ नि बिगाड़ि, अर मि एक यहूदी होण का बाद भि तुम लोगु खुणि तुमरि तरौं ही ह्‍वे ग्यों, पर अब मि तुम बटि बिन्ती करदु कि तुम मसीह जीवन मा अब मि जन ह्‍वे जा।

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

रोमियों 15:30

हे मेरा भै-बैंणो, मि तुम से बिन्ती करदु, कि तुम पिता परमेस्वर से प्रार्थना कैरा कि उ मेरा काम मा मेरी मदद कैरो। अर यू सब कुछ उ हमरा प्रभु यीशु मसीह का द्‍वारा वेका प्यार से करदु, जु कि पवित्र आत्मा का द्‍वारा हम तक पौंछदु।

यूहन्ना 9:16

ईं बात का बाना कुछ फरीसी बुलण लगि गैनी कि, “यू मनखि परमेस्वर की तरफा बटि नि अयूं, किलैकि यू सब्त का दिन तैं मणदु ही नि च।” पर दुसरा लोगु न बोलि, “कुई पापि मनखि इन चिन्‍न-चमत्कार कनकै कैरी सकदु?” इलै ऊं लोगु का बीच मा फूट पोड़ि गै।

रोमियों 1:13

हे मेरा भै-बैंणो, मि इन चान्दु कि तुम लोग ईं बात तैं जाणि ल्या कि मिन भौत बार तुमरा पास औण की योजना बणै, मगर कुई ना कुई बात मितैं हमेसा रोकी देन्दी। अर तुमरा पास औण की मेरी भौत इच्छा च, किलैकि जन मिन भौत सि जगा जैके लोगु तैं पिता परमेस्वर का रैबार तैं बतै अर ऊंन बिस्वास कैरी, ठिक उन्‍नि तुमरा बीच मा भि हो।

1 कुरिन्थि 1:11

अर इन मि इलै बोन्‍नु छौं, किलैकि हे मेरा दगड़्यों, हमरि बिस्वासी बैंण खलोए का घौर का लोगु न मितैं तुमरा बारा मा बतै, कि तुमरा बीच मा झगड़ा होणा छिन।

1 कुरिन्थि 3:3

किलैकि तुम अभि भि दुनियां की बातों का मुताबिक ही चलद्‍यां। अर या बात मि इलै बोन्‍नु छौं, किलैकि तुम लोग एक-दुसरा तैं देखि के खार खन्द्‍यां अर तुमरा बीच मा झगड़ा भि होनदिन। त अब तुम मितैं इन बता क्या फिर तुम दुनियां का लोगु का जन नि छाँ? अरे, तुम त ऊंका जन ही चाल चलणा छाँ।

2 कुरिन्थि 13:9

अर भले ही हम कमजोर छां मगर हमतै खुशी च कि तुम बिस्वास मा मजबूत छाँ। अर हम पिता परमेस्वर बटि इन्‍नि प्रार्थना करद्‍यां, कि तुम और भि जादा मजबूत होन्दी जा।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

मरकुस 3:24

तब वेन ऊंतैं एक उदारण देके समझै, “सुणा, अगर कै राज्य का दुई हिस्सा ह्‍वे जा, त उ राज्य बरबाद ह्‍वे जान्दु।