રોમનોને પત્ર 12:19 - ગામીત નોવો કરાર

¹⁹ ઓ વાહલાહાય, બોદલો મા લાહા, બાકી પોરમેહેરાલ બોદલો લા દા, કાહાકા પવિત્રશાસ્ત્રમાય પોરમેહેર આખહે, “બોદલો લેઅના મા કામ હેય, આંય બોદલો લિહીં.”

રોમનોને પત્ર 12:19 Referans Kwoze

હિબ્રૂઓને પત્ર 10:30

ચ્યાહાન બોજ ભયાનક સજા દેનલી જાઅરી કાહાકા ઓ પોરમેહેરુજ હેય જ્યેં યો વાતો આખલ્યો હેય, “બોદલો લેઅના મા કામ હેય, આંયજ બોદલો લિહીં,” એને પાછી ઈ, કા “પ્રભુ ચ્યા પોતાના લોકહા ન્યાય કોઅરી.”

રોમનોને પત્ર 12:17

જીં તુમહેઆરે ખારાબ કોએ, ચ્યાઆરે ખારાબ નાંય કોઅના, જ્યો વાતો બોદા લોકહા નોજરેમાય હાર્યો હેય, ચ્ચોજ વાતો કોઅરાહાટી કોશિશ કોઆ.

1 થેસ્સલોનિકીઓને 4:6

યે વાતમાય કાદાય બી બીજહાન છેતારના નાંય, એને નાંય ચ્યાહાવોય અન્યાય કોઅના, કાહાકા પ્રભુ ઈસુ ચ્યાહાન સજા દેઅરી, જ્યેં એહેકેન કામ કોઅતેહે, જેહેકેન તુમહાન આમહાય પેલ્લાજ સાફ રીતીકોય હોમજાડી દેનલા આતા.

રોમનોને પત્ર 12:14

જ્યા લોક તુમહે સતાવ કોઅતેહે, ચ્ચાહાન હારાપ નાંય દેઅના બાકી પોરમેહેરા નાંવા કોય બોરકાત દા.

માથ્થી 5:39

બાકી આંય તુમહાન ઈંજ આખતાહાવ કા, દુષ્ટા બોદલો નાંય લેઅના, બાકી જો કાદો તો જમણા ગાલાવોય થાપડે કોઇન ઠોકે, તે બિજો ગાલ બી ચ્યાએછે ફીરવી દે.

રોમનોને પત્ર 13:4

કાહાકા ઓદિકારી તો મોદાત કોઅરાહાટી પોરમેહેરાપાઅને સેવક નેમલો હેય, બાકી તું ખારાબ કામ કોએ, તે તું બિક રાખ, કાહાકા ઓદિકાર્યાપાય ડૉડ દેઅના ઓદિકાર હેય.

એફેસીઓને પત્ર 4:27

એને તુમહાય સૈતાનાલ દોગો દેઅના મોકો નાંય દેઅના.

2 તિમોથી 4:14

સિકંદર ટીંબાલ્યાય મા બોજ નુકસાન કોઅયાહાં, પ્રભુ ચ્યા ખારાબ કામહાનુસાર બોદલો દેઅરી.