પ્રકટીકરણ 18:14 - ગામીત નોવો કરાર

¹⁴ વેપારી ચ્યાલ આખરી, ઓ મોઠા શેહેર જ્યો વસ્તુ તુલ હારી લાગતી આતી આમી તુલ નાંય મીળે, એને ચ્યો બોદ્યો ગાંદાનાર્યો વસ્તુ જ્યો તુલ પોસંદ આત્યો, ચ્યો બોદ્યો વસ્તુ જ્યેહેન તું પોતાના શરીરાલ સુંદર બોનાડત્યો આત્યો, ચ્યો બોદ્યો ટાકાય ગીયહો, એને તુલ આમી કોવેબી નાંય મિળરી.

પ્રકટીકરણ 18:14 Referans Kwoze

1 કરિંથીઓને 10:6

યો વાતો આપહેહાટી ચેતાવણી હારક્યો ઠોરી, જેહેકેન ચ્યાહાય લોબ કોઅયા, તેહેકેન આપા ખારાબ વસ્તુહુ લાલચ નાંય કોઅજે.

યાકૂબનો 4:2

તુમા ઇચ્છા કોઅતાહા, બાકી તુમહાન નાંય મીળે યાહાટી તુમા યાલ મિળવાહાટી ખૂન કોઅતાહા, એને તુમા લોબ કોઅતાહા બાકી કાયજ નાંય મિળવેત. યાહાટી તુમા લોડાય જગડો કોઅતાહા, તુમહાન યાહાટી નાંય મીળે; કાહાકા તુમા યાલ પોરમેહેરાપાઅને નાંય માગેત.

લુક માર્કા લીખલી હારી ખોબાર 16:25

બાકી આબ્રાહામાય આખ્યાં, ‘ઓ પોહા, યાદ કોઓ કા તું દોરતીવોય રોઇન પોતાના જીવનાહાટી વાન્યો-બાત્યો વસ્તુહુ લાભ લી ચુકયોહો, એને તેહેકોયજ લાજરસાલ બોદ્યો ખારાબ વસ્તુ મિળ્યો, બાકી તો આમી શાંતી પામી રિયહો, એને તું તોડપી રિયહો.

લુક માર્કા લીખલી હારી ખોબાર 12:20

બાકી પોરમેહેરે ચ્યાલ આખ્યાં? ‘ઓ મૂર્ખા, આજે રાતી તું મોઅઇ જાહે, તોવે જીં તુયે પોતાનાહાટી યોખઠા કોઅલા હેય ચ્યાલ કું લી?’

માથ્થી 11:8

પાછી તુમા કાય એરા ગીઇલે? મોઅગેં ફાડકે પોવલા લોકહાન કા? એઆ મોઅગેં ફાડકે પોવતેહે ચ્યે રાજમેહેલામાય રોતેહેં.

પ્રકટીકરણ 18:13

દાલચીની, ધુપ, ગન્ધરસ, લોબાન, એને બોળ, એને દારાખા રોહો, અત્તાર તેલ, એને ગોંવ, ગેટેં, ડોબેં, ગોડેં, ગાડયો જ્યા લોક માલ વેચાતાં લેતા એને વેચતા આતા, ચ્યા આમી લોકહાન ગુલામા હારકા નાંય વેચી હોકેત.

પ્રકટીકરણ 18:15

યા બોદા માલા વેપાર્યા, જ્યા ચ્યે લેદે માલદાર બોની ગીઅલા આતા, ચ્યા આમહાનબી ડૉડ મિળી ચ્યા દાકે દુઉ ઉબા રોઇન રોડીન એને શોક કોઇન આખરી.