ફિલેમોને પત્ર 1:21 - ગામીત નોવો કરાર

²¹ આંય ઈ પત્ર તુલ યાહાટી લોખી રિઅલો હેય, કાહાકા માન બોરહો હેય કા તું ઈ કોઅહે જીં કોઅરાહાટી આંય તુલ વિનાંતી કોઅય રિયહો, હાં, માન માલુમ હેય કા તું ચ્યા કોઅતાબી વોદારી કોઅહે, જીં આંય તુલ કોઅરાહાટી વિનાંતી કોઅય રિઅલો હેય.

ફિલેમોને પત્ર 1:21 Referans Kwoze

2 થેસ્સલોનિકીઓને 3:4

એને પ્રભુમાંય આમહાન તુમહાવોય ઓહડી ખાત્રી હેય કા, આમહે આખલા પરમાણે તુમા કોઅતાહા એને કોઅતાબી રાહા.

2 કરિંથીઓને 2:3

માયે તુમહાન યે વાતેહાટી ઈ પત્ર લોખ્યાં, કા કાય એહેકેન નાંય ઓએ, કા મા યેઅનાથી, જ્યાહાથી માન આનંદ મિળાં જોજે, આંય ચ્યાહાથી દુઃખી ઓઉં. કાહાકા માન તુમા બોદહાવોય યે વાતે ખાત્રી હેય, કા જો મા આનંદ હેય, તોજ તુમહે બોદહાબી હેય.

2 કરિંથીઓને 7:16

આંય પુરે રીતેથી તુમહાવોય બોરહો કોઅતાહાંવ, યાથી આંય આનંદિત હેતાંવ.

ગલાતીઓને પત્ર 5:10

બાકી આંય પોરમેહેરાવોય બોરહો કોઅતાહાંવ કા તુમા બિજા લોકહા જુઠયો વાતો નાંય માનહા બાકી આંય જીં આખહુ તી માનહા, બાકી જ્યેં તુમહાન ભરમાવતેહે ચ્યે કુંબી રોય પોરમેહેર ચ્યાહાન સજા દેઅરી.

2 કરિંથીઓને 8:22

એને યા હાતે યોક આજુ વિસ્વાસી બાહાલ દોવાડી રીયહા, જ્યાલ આમહાય બોજદા પારખ્યોહો એને તો હાચ્ચો માલુમ પોડયોહો. બાકી આમી તુમાહાવોય ચ્યા મોઠો બોરહો હેય, યા લીદે તો આજુબી વોદારે આનંદામાય હેય.

રોમનોને પત્ર 2:19

એને તુલ ખાત્રી હેય, કા તું આંદળાહાન પોરમેહેરા વાટ દેખાડનારો, એને જ્યા લોક આંદારામાય હેય ચ્યા લોકહાહાટી તું ઉજવાડા હારકો હેય.