માથ્થી 23:9 - ગામીત નોવો કરાર

⁹ આપહે શારીરિક આબહાલ છોડીન કાદાલબી દોરત્યેવોય આબહા માન નાંય દેયના કાહાકા પોરમેહેર તુમહે યોકુજ આબહો હેય, જો હોરગામાય હેય.

માથ્થી 23:9 Referans Kwoze

1 યોહાન 3:1

વિચાર તે કોઆ કા, પોરમેહેર આબહાય આપહાવોય કેહેકેન પ્રેમ કોઅલા હેય, કા આપા પોરમેહેરા પોહેં આખાજે, એને હાચ્ચાંજ આપા ચ્ચા પોહેં હેય બી, બાકી જ્યા લોક યા દુનિયાઆરે સબંધ રાખતાહા ચ્ચા ઈ નાંય જાંએતકા આપા પોરમેહેરા પોહેં હેય કાહાકા ચ્ચા પોરમેહેર આબહાલ નાંય જાંએત.

હિબ્રૂઓને પત્ર 12:9

પાછી જોવેકા આપહે શારીરિક આબહો બી આપહાન શિક્ષા કોએ એને આપહાય ચ્યા આદર કોઅયો, તે આપા આપહે આત્માહા આબહાથી શિક્ષા માની લા જોજે એટલે આપહાપાય જીવન મીળે.

માથ્થી 7:11

એને જોવે તુમા ખારાબ હેય, તેરી તુમા તુમહે પોહાહાન તુમા હાર્યો વસ્તુ દાં જાંઅતેહે, તે તુમહે હોરગામાઅને આબહો બી ચ્યાપાઅને જ્યેં માગતેહે ચ્યાહાન હારી વસ્તુ દેઅના જાંઅહે.”

1 કરિંથીઓને 4:15

કાહાકા ઓઅય હોકે તુમહે દોહો ઓજાર હિકાડનારા ઓઅરી બાકી આંયજ તુમહે આબહા હારકો હેય, કાહાકા આંય પેલ્લો માઅહું હેય જો તુમહેપાય ખ્રિસ્તા હારી ખોબાર લેય યેનો એને ચ્યા લીદે તુમા ઈસુવોય બોરહો કોઅતેહે.

2 કરિંથીઓને 6:18

આંય તુમહે આબહો બોનહી, એને તુમા મા પોહા એને પોહયો બોનહા, ઈ સર્વશક્તિમાન પ્રભુ પોરમેહેરા વચન હેય.”

પ્રેષિતોનાં ક્રત્યો 22:1

“ઓ બાહાહાય એને આગેવાનહાય, મા જોવાબ વોનાયા, જીં આંય આમી તુમહે હામ્મે આખતાહાવ.”

માથ્થી 6:32

કાહાકા ગેર યહૂદી લોક યો બોદ્યો વાતો હોદતાહા, બાકી તુમહે હોરગામાઅને આબહો જાંઅહે કા તુમહાન ઈ બોદા જોજહે.

માથ્થી 23:10

એને તુમા કાદાલ “માલિક” મા આખહા કાહાકા તુમહે માલિક યોકુજ હેય, એટલે ખ્રિસ્ત.