યોહાન 3:33 - ગામીત નોવો કરાર

³³ બાકી જીં માઅહું ચ્યા સાક્ષી માનહે તો સાબિત કોઅહે કા, પોરમેહેર હાચ્ચો હેય.

યોહાન 3:33 Referans Kwoze

હિબ્રૂઓને પત્ર 6:17

યા લીદે પોરમેહેરેબી યોક કસમ લેદી, યાથી તો ચ્યા લોકહાન જ્યાહાન વાયદો કોઅલો ગીઅલો આતો ચોખ્ખેરીતે દેખાડાં માગતો આતો કા તો ચ્યાલ પુરાં કોઅરી જો ચ્યાય વાયદો કોઅલો હેય.

એફેસીઓને પત્ર 1:13

તુમહે આરેબી એહેકેનુજ જાયા, જોવે તુમહાય હાચ્ચાયે ખોબાર, એટલે તારણ દેનારી હારી ખોબાર વોનાયા, તોવે તુમહાય ખ્રિસ્તાવોય બોરહો કોઅયો, એને પોરમેહેરાય પોતે કોઅલા વાયદાનુસાર પવિત્ર આત્મા દેયન, તુમહાવોય ચ્યા હક્કા મોહર લાવી.

2 કરિંથીઓને 1:18

પોરમેહેરા હાચ્ચાયે કસમ માયે તુમહાન જો સંદેશ દેનો, ચ્યામાય “હાં” ને મતલબ હાં એને “નાંય” ને મતલબ નાંય ઓઅહે.

યોહાન 6:27

જીં ખાઅના બોગડી જાહે ચ્યાહાટી મેહનાત મા કોઅહા, બાકી જીં ખાઅના અનંતજીવના લોગુ ટોકનારા હેય ચ્યાહાટી મેહનાત કોઆ. તી તુમહાન માઅહા પોહો દી, કાહાકા પોરમેહેર આબહે ચ્યાલ એહેકેન કોઅના ઓદિકાર દેનલો હેય.”

યોહાન 8:26

તુમહે બારામાય માન બોજ કાય આખના એને ન્યાય કોઅના હેય બાકી માન જ્યેં દોવાડયો, તો હાચ્ચો હેય, એને જીં આંય ચ્યાથી વોનાયોહો, તીંજ આંય દુનિયા લોકહાન આખતાહાવ.”

રોમનોને પત્ર 4:11

આબ્રાહામા સુન્નત કોઅના પેલ્લા ચ્યાય પોરમેહેરાય જીં આખ્યાં ચ્યાવોય બોરહો કોઅયો એને યાહાટી પોરમેહેરાય ચ્યાલ ન્યાયી ઠોરવ્યો, ચ્યાવોય સિક્કો તરીકે સુન્નતા નિશાણી લાવી, એહેકેન યાહાટી કા તો બોદહા આબહો બોને, જ્યેં સુન્નત કોઅયા વોગર પોરમેહેરાવોય બોરહો કોઅતેહે, જેથી ચ્યાહાબી પોરમેહેરાવોય બોરહો કોઅના ચ્યાહાન ન્યાયી ઠોરવે.

રોમનોને પત્ર 15:28

યાહાટી આંય, બોદહા પેલ્લા યેરૂસાલેમ શેહેરામાય જાહું, જેથી યા ઉગરાણી પોયહા ચ્યાહાન દાવ, ચ્યા પાછે, આંય રોમ શેહેરામાય યેયન તુમહેઆરે મિળું, ચ્યા પાછે સ્પેન દેશ માય જાવ.

1 કરિંથીઓને 9:2

બિજા લોક માન પ્રેષિત નાંય માનેત, બાકી તુમહાય તે માન પ્રેષિત માના જોજે, કાહાકા આંય તોજ હેય જો તુમહેપાય ખ્રિસ્તા હારી ખોબાર આખા યેનલો, પ્રભુ ઈસુમાય તુમહે બોરહો ઈ સાબિત કોઅહે કા આંય હાચ્ચોજ પ્રભુ ઈસુ પ્રેષિત હેય.

એફેસીઓને પત્ર 4:30

તુમહે જીવન જીવના તરીકાકોય પોરમેહેરા પવિત્ર આત્માલ દુઃખી મા કોઅહા, પોરમેહેરાય પોતે કોઅલા વાયદાનુસાર પવિત્ર આત્મા દેયન, તુમહાવોય ચ્યા હક્કા મોહર લાવી.

2 તિમોથી 2:19

તેરુંબી પોરમેહેરાય જો પાક્કો પાયો ટાકલો હેય, તો મજબુત હેય, એને ચ્યાવોય યા શબ્દા સિક્કો છાપલો હેય, “પ્રભુ ચ્યા પોતે લોકહાન જાંઅહે,” એને “જીં કાદાબી પ્રભુ ભક્તિ કોઅહે ચ્યાલ ખારાબ કામ નાંય કોઅરા જોજે.”

1 યોહાન 1:10

જોવે આપા એહેકોય આખજેહે કા આમહાય પાપ નાંય કોઅયાહાં, તોવે આપા પોરમેહેરાલ જુઠો ઠોરાવજેહે, એને ચ્યા વચન વાયબી નાંય માન્યા.