યોહાન 3:18 - ગામીત નોવો કરાર

¹⁸ જીં માઅહું પોરમેહેરા પોહાવોય બોરહો કોઅહે, ચ્યાલ ડોંડ નાંય દી, બાકી જીં માઅહું પોરમેહેરા પોહાવોય બોરહો નાંય થોવે, તો ડોંડ બોગવી ચુકલો હેય, કાહાકા ચ્યે પોરમેહેરા યોકને-યોક પોહાવોય બોરહો નાંય કોઅયો.

યોહાન 3:18 Referans Kwoze

1 યોહાન 5:10

જીં કાદાં પોરમેહેરા પોહાવોય બોરહો કોઅહે, તી નોક્કીજ જાંઅહે કા પોરમેહેરાય જીં આખ્યાહા તી હાચ્ચાં હેય. જીં કાદાં પોરમેહેરાવોય બોરહો નાંય કોએ, તી પોરમેહેરાલ જુઠા ઠોરવેહે, કાહાકા ચ્યે સાક્ષીવોય બોરહો નાંય કોએત, જીં પોરમેહેરાય પોતાના પાહા બારામાય દેનલી હેય.

માર્ક 16:16

જો કાદો માયેવોય બોરહો થોવે એને બાપતિસ્મા લેય ચ્યાજ તારણ ઓઅઇ, બાકી જો કાદો બોરહો નાંય થોવે, પોરમેહેર ચ્યાહાન પાપહાલીદે ડોંડ દી.

રોમનોને પત્ર 8:1

યા લીદે, આમી જ્યા લોક ઈસુ ખ્રિસ્તામાય હેય, ચ્યાહાલ ડૉડ દેઅના આગના નાંય હેય.

યોહાન 5:24

આંય તુમહાન હાચ્ચાં-હાચ્ચાં આખતાહાવ, જીં માઅહું મા વચન વોનાયેહે એને માન દોવાડયોહો ચ્યા પોરમેહેરાવોય બોરહો કોઅહે, અનંતજીવન ચ્યાલ મિળી ગીયહા, ચ્યાલ ડોંડ નાંય દી, બાકી અનંતકાળના મોરણા માઅને બોચી ગીયહો એને પેલ્લો અનંતજીવનામાય જાય હોકહયો.”

1 યોહાન 5:12

જીં પોરમેહેરા પોહાઆરે સંગત્યેમાય હેય ચ્યાપાય અનંતજીવન હેય, જીં પોહાઆરે સંગત્યેમાય નાંય હેય, ચ્યાપાય અનંતજીવન બી નાંય હેય.

યોહાન 3:36

જીં માઅહું પોરમેહેરા પોહાવોય બોરહો કોઅહે, અનંતજીવન ચ્યાજ હેય, બાકી જીં પોરમેહેરા પોહાવોય બોરહો નાંય કોએ, ચ્યાલ અનંતજીવન નાંય મીળે, બાકી પોરમેહેરા ડોંડ ચ્યાવોય બોની રોય.”

રોમનોને પત્ર 5:1

યાહાટી આપા બોરહો કોઅનાકોય ન્યાયી ઠોર્યે, તે આપહે પ્રભુ ઈસુ ખ્રિસ્તાકોય પોરમેહેરાઆરે શાંતીમાય રા.

1 યોહાન 4:9

જીં પ્રેમ પોરમેહેર આપહેવોય કોઅહે, તી યાકોય માલુમ જાયા કા પોરમેહેરાય ચ્યા યોકનેયોક પાહાલ દુનિયામાય દોવાડયો, યાહાટી કા આમા ચ્ચાકોય અનંતજીવન મેળાવજે.

રોમનોને પત્ર 8:34

કાદાજ આપહાન દોષી નાંય ઠોરવી હોકે, કાહાકા ઓ ખ્રિસ્ત ઈસુ હેય જો આપહેહાટી મોઅઇ ગીયો, એને મોઅલા માઅને પાછો જીવતો જાયો, એને આપહેહાટી પોરમેહેરાલ વિનાંતી બી કોઅહે.

યોહાન 20:31

બાકી યે યાહાટી લોખલે હેય, કા તુમા બોરહો કોએ, કા ઈસુજ પોરમેહેરા પોહો ખ્રિસ્ત હેય, એને ચ્યાવોય બોરહો કોઇન ચ્યા નાવાકોય અનંતજીવન મિળવા.

યોહાન 6:47

આંય તુમહાન હાચ્ચાં-હાચ્ચાં આખતાહાવ કા જો કાદો બોરહો કોઅહે, ચ્યાલ અનંતજીવન મિળલા હેય.

યોહાન 6:40

કા ઈજ મા આબહા મોરજી હેય, કા જીં માઅહું પોહાલ એએ એને ચ્યાવોય બોરહો કોએ તો અનંતજીવન મિળવે, એને ચ્યાલ આંય છેલ્લે દિહે જીવતો ઉઠાડીહી.”

યોહાન 1:18

પોરમેહેરાલ કાદે દેખ્યહો નાંય, બાકી પોરમેહેરા યોકનેયોક પોહો ચ્યા પોરમેહેરા પાહાય રોહે, ચ્યેય ચ્યાલ પ્રગટ કોઅયા.

હિબ્રૂઓને પત્ર 2:3

તે આપા ઓહડા ઉત્તમ તારણથી બેદરકાર રોયન કેહેકેન બોચી હોકજે? જ્યા ચર્ચા પેલ્લા પ્રભુ ઈસુથી કોઅલી ગીયેલ, એને જ્યા શિષ્ય પેલ્લા ચ્યા પાયને વોનાલા આતા, ચ્યાહાય આપહે હામ્મે ઈ સિદ્ધ કોઅયા કા ઓજ હાચ્ચો હેય.

હિબ્રૂઓને પત્ર 12:25

હાચવીન રા, એને ચ્યા આખનારા આગના પાળના મોનાય મા કોઅહા, કાહાકા ઈસરાયેલા લોકહાન જોવે દોરત્યેવોય ડોંડ દેનો કાહાકા ચ્યાહાય ચેતાવણી દેનારા આગનાયેહેલ નાંય પાળી. યાહાટી જો આમા ચ્યા હોરગામાઅને બોલનારા આગના નાંય પાળહુ તે આમા બી નાંય બોચી હોકહુ.

યોહાન 1:12

બાકી જોલા લોકહાય ચ્યા સ્વીકાર કોઅયો, એટલે ચ્યાવોય બોરહો કોઅયો ચ્યાહાન ચ્યે પોરમેહેરા પોહેં બોના ઓદિકાર દેનો.

યોહાન 3:16

“પોરમેહેરે દુનિયા લોકહાવોય ઓહડા મહાન પ્રેમ કોઅયા, યા લીદે ચ્યા યોકને-યોક પોહાલ બલિદાન કોઇ દેનો, યાહાટી કા જીં કાદાં માઅહું ચ્ચાવોય બોરહો કોઅહે, ચ્યા નાશ નાંય ઓઅય, બાકી ચ્યાલ અનંતજીવન મીળે.

હિબ્રૂઓને પત્ર 3:19

યાહાટી ઈ વાત હાચ્ચી હેય કા બોરહો નાંય કોઅના લીદે ચ્યા જાય નાંય હોક્યા.

1 યોહાન 3:23

એને ચ્ચા આગના ઈ હેય કા આમા ચ્ચા પોહો ઈસુ ખ્રિસ્તા નાવામાય બોરહો કોઅજે, એને જેહેકોય ચ્યાય આપહાન આગના દેનહી ચ્ચે રીતેકોય આપા યોકબિજાલ પ્રેમ કોઅજે.