યાકૂબનો 4:17 - ગામીત નોવો કરાર

¹⁷ યાહાટી જો કાદો ભલાઈ કોઅના જાંઅહે એને નાંય કોએ, ચ્ચાહાટી ઈ પાપ હેય.

યાકૂબનો 4:17 Referans Kwoze

યોહાન 9:41

ઈસુવે ચ્યાહાન આખ્યાં, “જોવે તુમા આંદળા રોતા તોવે તુમહે પાપ નાંય ગોણાતાં, બાકી આમી આખતાહા કા આમા એઅજેહે, યાહાટી તુમહે પાપ માફ નાંય કોઅલા જાય.”

યોહાન 13:17

આમી તુમા યો વાતો જાંઅતાહા, તો ચ્યાહાન કોઆ કા તુમા ધન્ય ઓઈ જાય.

યોહાન 15:22

જોવે આંય નાંય યેતો એને ચ્યાહાઆરે વાત નાંય કોઅતો, તોવે ચ્યે પાપી નાંય ગોણાતે, બાકી આમી ચ્યાહાન પાપા બારામાય આખના કાયજ બહાનો નાંય હેય.

2 પિતરનો પત્ર 2:21

મા મતલબ ઓ હેય, કાહાકા પોરમેહેર ચ્યા લોકહાન વોદારે ગંભીરતાથી ડોંડ દેઅરી, જ્યા ખ્રિસ્તાલ છોડી દેતહા, કેવળ ચ્યાહા, જ્યાહાય ચ્યાલ કોદહી માન્યહોજ નાંય. ચ્યાહાહાટી હારાં ઓઅતા જો ચ્યા કોદહી ઈ જાંએતુજ નાંય કા પોતાના જીવનાલ ન્યાયી રીતેથી ચાલાડના કાય મોતલાબ ઓઅહે. આમી ચ્યા જાંઅતાહા, કા હારાં કાય હેય, બાકી ચ્યાહાય પોરમેહેરા ચ્યે આગનાયેહેલ અસ્વીકાર કોઅય દેન્યોહો જ્યા આમા, પ્રેષિતાહાય ચ્યાહાન હિકાડલ્યો આત્યો.

રોમનોને પત્ર 1:32

ચ્યે તે પોરમેહેરા ઈ વિદી જાંઅતેહે કા ઓહડે-ઓહડે કામે કોઅનારે મોરણ ડૉડાહાટી યોગ્ય હેય, તેરુંબી નાંય કેવળ ચ્યા ઓહડે કામે કોઅતેહે, બાકી કોઅનારહાથી પ્રસન્નબી ઓઅતેહે.

રોમનોને પત્ર 7:13

તોવે કાય જ્યા મૂસા નિયમ હારાં હેય, ચ્યા માન પોરમેહેરાપાઅને દુઉ કોઅહે? નાંય કોવેજ નાંય, ઈ પાપ આતા જ્યાંય એહેકેન કોઅયા, પાપાય ચ્યાજ મૂસા નિયમાહા ઉપયોગ કોઅન માન પોરમેહેરાપાઅને દુઉ કોઅય દેનો, એને એહેકેન પાપા આસલી રુપ પ્રગટ ઓઅય ગીયો, એને પાપ આગનાકોય વોદારી પાપી સાબિત જાયા.