યાકૂબનો 2:22 - ગામીત નોવો કરાર

²² તુમાહાય એએઈ લેદા કા બોરહાય આબ્રાહામા કામહાહાતે મિળીન પ્રભાવ ટાક્યોહો એને ચ્ચાય જીં કોઅયા ચ્ચાથી ચ્ચા બોરહો પુરો ઓઅયો.

યાકૂબનો 2:22 Referans Kwoze

1 થેસ્સલોનિકીઓને 1:3

જોવે આમા આમહે પોરમેહેર આબાલ પ્રાર્થના કોઅજેહે, તો ચ્યે કામે જ્યેં તુમા પોરમેહેરાવોય બોરહો કોઅલા લીદે કોઅતેહે, એને વિસ્વાસી લોકહા મોદાત કોઅરાહાટી તુમા કોઠણ મેઅનાત કોઅતેહે કાહાકા તુમા ચ્યાહાવોય પ્રેમ કોઅતેહે, તુમા સતાવણી સહન કોઅતેહે કાહાકા તુમા પ્રભુ ઈસુ ખ્રિસ્તા પાછા યેયના આશા કોઅય રીઅલે હેય.

ગલાતીઓને પત્ર 5:6

જો તુમા ઈસુ ખ્રિસ્તાવોય બોરહો કોઅતેહે, તે પાછે યે વાતેકોય કાય ફેર નાંય પોડે કા તુમહે સુન્નત ઓઅલા હેય કા નાંય, બાકી ઈ વાત મહત્વા હેય કા તુમા ખ્રિસ્તાવોય બોરહો કોઅતેહે એને પોરમેહેરાવોય એને બિજા લોકહાવોય પ્રેમ કોઅતેહે.

1 યોહાન 2:5

બાકી જો કાદો પોરમેહેરા વચન પાળહે, ચ્યામાય હાચ્ચાંજ પોરમેહેરા પ્રેમ પુરાં ઓઅહે, એહેકોયન આપા હાચ્ચાંજ જાંઅજેહે, કા ચ્યામાય આપા હેજે.

યાકૂબનો 2:18

બાકી કાદો આખી હોકે, “તુલ બોરહો હેય, એને આંય હારેં કામે કોઅતાહાંવ,” બાકી આંય આખતાહાવ, તું માન સાબિત કોઓ કા તુલ હારેં કામ કોઅયા વોગાર બોરહો હેય, એને આંય આપહે બોરહો આપહે હારેં કામ કોઅવાથી તુલ સાબિત કોયદિહી.

યોહાન 6:29

ઈસુવે ચ્યાહાન જાવાબ દેનો, પોરમેહેરા મોરજી ઈ હેય, કા “પોરમેહેરાય જ્યાલ દોવાડયોહો, ચ્યાવોય તુમહાય બોરહો કોઅરા જોજે.”