હિબ્રૂઓને પત્ર 11:17 - ગામીત નોવો કરાર

^17-18 જેહેકેન કા તુમા જાંઅતેહે કા જોવે પોરમેહેરે આબ્રાહામાલ ઈ આખલા આતાં, “તુમહે વિશેષ પ્રિય પોહો ઈસાકથી તુમહે પરિવારા કુળ ગોણલા જાઅરી,” પાછીબી ચ્યે પારખ્યા કા ભલે તો યા પોહાલ બલિદાન દેઅરી, બાકી ચ્યાલ પોરમેહેરા યા વાયદાવોય ઓલો બોરહો આતો કા તો ચ્યા બલિદાન કોઅરાહાટીબી તિયાર ઓઅય ગીયો.

હિબ્રૂઓને પત્ર 11:17 Referans Kwoze

પ્રકટીકરણ 3:10

તુયે મા સંદેશા પાલન કોઅલા હેય જેથી જોવે તું દુઃખ ઉઠાવે તે ઈંમાત રાખીન સહન કોઅય હોકે. યા લીદે, આંય મોઠી પરીક્ષા સમયામાય તો હાંબાળ કોઅહી, એને યે પરીક્ષા સમયે યા દુનિયા બોદા લોકહાવોય યેઅરી.

યાકૂબનો 5:11

એઆ, આમા ધીર રાખનારાહાલ ધન્ય આખજેહે, તુમહાય અયુબા ધીરજા બારામાય તે વોનાલાજ હેય, એને પ્રભુવા પાઅને જીં ચ્ચા ઇનામ મિળ્યાં ચ્ચાકોય બી જાય લેદાહા, જ્યાલ પ્રભુવા બોજ કરૂણા એને દયા પ્રગટ કોઅહે.

1 પિતરનો પત્ર 4:12

ઓ પ્રિય બાહા એને બોઅયેહેય, ચ્યે દુઃખ દેનાર્યે વસ્તુહુ બારામાય નોવાય મા પામહા જ્યા લીદે તુમા દુઃખ ઉઠાવી રીયહા, કાહાકા તુમા ખ્રિસ્તા હેતા. બાકી યો વસ્તુ ઈ દેખાડાહાટી ઓઅય રિયહો કા કાય તુમા હાચ્ચાંજ પોરમેહેરાવોય બોરહો કોઅતાહા, યાહાટી, ઈ નાંય વિચારના કા તુમહેઆરે કાય નોવાય ઓઅય રીયહા.

હિબ્રૂઓને પત્ર 7:6

બાકી મલકીસાદક જો લેવી કુળા માઅનો નાંય આતો તેરુંબી આબ્રાહામા પાઅને દોહમો ભાગ લેદો એને ચ્યાલ બોરકાતબી દેની, જો કા પોરમેહેરા વાયદો મિળલો આતો.

2 કરિંથીઓને 8:12

કાહાકા જો કાદામાય દાન દેયના ઇચ્છા હેય તે જીં કાય ચ્યાપાય હેય, ચ્યા આધારાવોય ચ્યા દાન માન્ય ઓઅરી, નાંય કા ચ્યા આધારાવોય, જીં ચ્યાપાય નાંય હેય.

યોહાન 3:16

“પોરમેહેરે દુનિયા લોકહાવોય ઓહડા મહાન પ્રેમ કોઅયા, યા લીદે ચ્યા યોકને-યોક પોહાલ બલિદાન કોઇ દેનો, યાહાટી કા જીં કાદાં માઅહું ચ્ચાવોય બોરહો કોઅહે, ચ્યા નાશ નાંય ઓઅય, બાકી ચ્યાલ અનંતજીવન મીળે.

હિબ્રૂઓને પત્ર 11:13

યા બોદા લોક જ્યાહાય પોરમેહેરાવોય બોરહો કોઅયો, ચ્યે વસ્તુહુલ મેળવ્યા વોગાર મોઅઇ ગીયે, જ્યાહાન પોરમેહેરે વાયદો કોઅયેલ. બાકી ચ્યાહાય દુરથી એઇન આનંદિત જાયા એને માની લેદા, એને ઇબી જાંઅયા કા આમા દોરત્યેવોય પરદેશી હેજે.