હિબ્રૂઓને પત્ર 11:14 - ગામીત નોવો કરાર

¹⁴ જ્યે યે પરમાણેની વાતો આખતેહે, ચ્યે ઈ સાબિત કોઅય દેતહેં, કા ચ્યે યોક ઓહડા દેશા ઓઅરાહાટી આશા કોઅતેહે જો ચ્યાહા ઓઅરી.

હિબ્રૂઓને પત્ર 11:14 Referans Kwoze

2 કરિંથીઓને 4:18

આમહાય આમહે દિયાન ચ્યાવોય નાંય કોઅયા, જીં દેખાયેહે બાકી ચ્યાવોય, જીં દેખાય નાંય. કાહાકા જીં કાય દેખાયેહે, તી ગેડી બોયજ હેય બાકી જીં દેખાય નાંય તી અનંતકાળા હેય.

હિબ્રૂઓને પત્ર 13:14

કાહાકા ઈહીં દુનિયામાય આપહે કાયામ રોઅના ગોઉ નાંય હેય, બાકી આપા ચ્યા ગોઆ વાટ એઅજેહે, જીં અનંતકાળા હેય.

હિબ્રૂઓને પત્ર 11:16

બાકી ચ્યે યોક ઉત્તમ એટલે હોરગા દેશ હોદના માય લાગલે આતેં, યાહાટી પોરમેહેર ચ્યાહા પોરમેહેર આખાડનામાય પ્રસન્ન આતો, કાહાકા ચ્યેય ચ્યાહાહાટી યોક શેહેર તિયાર કોઅયાહાં.

ફિલિપ્પીઓને પત્ર 1:23

આંય ઈ બેન્યાહા માઅને કાય નિવડુ માન હુજ નાંય પોડે, ઇચ્છા તે હેય કા મોઅઇ જાવ એને ખ્રિસ્તાઆરે રોઉં, કાહાકા ઈ બોજ હારાં હેય.

હિબ્રૂઓને પત્ર 11:13

યા બોદા લોક જ્યાહાય પોરમેહેરાવોય બોરહો કોઅયો, ચ્યે વસ્તુહુલ મેળવ્યા વોગાર મોઅઇ ગીયે, જ્યાહાન પોરમેહેરે વાયદો કોઅયેલ. બાકી ચ્યાહાય દુરથી એઇન આનંદિત જાયા એને માની લેદા, એને ઇબી જાંઅયા કા આમા દોરત્યેવોય પરદેશી હેજે.

હિબ્રૂઓને પત્ર 11:15

એને જ્યા દેશામાઅને નિંગી યેનલે આતેં, જો ચ્યા બારામાય વિચાર કોઅતે તે ચ્યે પાછે તાં જાય હોકતે આતેં.