એફેસીઓને પત્ર 6:22 - ગામીત નોવો કરાર

²² ચ્યાલ માયે તુમહેપાય યાહાટી દોવાડયો, કા તુમા આમહે બોદી દશા જાંઆય હોકે, એને તો તુમહાન પ્રોત્સાહન દેય હોકે.

એફેસીઓને પત્ર 6:22 Referans Kwoze

ફિલિપ્પીઓને પત્ર 2:25

બાકી માયે ઇપફ્રુદીતુસાલ તુમહેપાય દોવાડના જરુરી હોમજ્યા, તો મા વિસ્વાસી બાહા, હાંગાત્યો સેવાક એને હારી ખોબારે બચાવ કોઅરાહાટી હાંગાત્યો સૈનિક હેય, એને મા જરૂરત પુરી કોઅરાહાટી તુમહેપાઅને દોવાડલો દૂત હેય.

2 થેસ્સલોનિકીઓને 2:17

આંય પ્રાર્થના કોઅતાહાંવ કા તો તુમહાન ઈંમાત દેય, એને જીં હારાં હેય ચ્યાલ સાદા કોઅરા એને આખાહાટી મજબુત કોએ.

1 થેસ્સલોનિકીઓને 3:2

એને આમહાય તિમોથી જો ખ્રિસ્તા હારી ખોબાર પ્રચાર કોઅનામાય આમહે હાંગાત્યો બાહા, એને પોરમેહેરા સેવક હેય, ચ્યાલ તુમહાપાય દોવાડયો, કા તો તુમહાન બોરહા બારામાય મજબુત કોએ ને ઉત્તેજન દેય.

કલોસ્સીઓને પત્ર 2:2

આંય યાહાટી કોઅતાહાંવ, કા ચ્યાહા બોરહો પાકો ઓઓય જાય, યોક-બીજાઆરે પ્રેમામાય રોય, એને આંય ઈ બી વિચારતાહાવ કા ચ્ચાહાન પુરો બોરહો ઓએ કા, ચ્ચાહાય પોરમેહેરા મર્માલ જાય લેદાહા જો પોતે ખ્રિસ્ત હેય.

ફિલિપ્પીઓને પત્ર 2:19

માન પ્રભુ ઈસુમાય આશા હેય કા આંય તિમોથીલ તુમહે ઈહીં તારાત દોવાડીહી, યાહાટી તુમહે બારામાય જાઆયન મા જીવાલ હારાં લાગે.

2 તિમોથી 4:12

તુખિકુસાલ માયે એફેસુસ શેહેરામાય દોવાડયોહો.