1 કરિંથીઓને 8:9 - ગામીત નોવો કરાર

⁹ બાકી હાચવીન રા, એહેકેન નાંય ઓઅરા જોજે, કા તુમહે ઓ સુટકો પોરમેહેરાવોય બોરહો કોઅનામાય નોબળા લોકહાહાટી પાપ કોઅના કારણ નાંય બોને.

1 કરિંથીઓને 8:9 Referans Kwoze

ગલાતીઓને પત્ર 5:13

ઓ વિસ્વાસી બાહાહાય, પોરમેહેરાય તુમહે સુટકો કોઅલો હેય તે તુમહાન આમી મૂસા નિયમ પાળીન ચ્યાહા ગુલામ બોનના ગોરાજ નાંય હેય, બાકી યા સુટકાકોય શરીરા ઇચ્છા પુરી કોઅરાહાટી હારો મોકો મા દાહા, બાકી તુમહે સુટકા ઉપયોગ પ્રેમાકોય યોકબીજા સેવા કોઅરાહાટી કોઅયા.

1 પિતરનો પત્ર 2:16

તુમા લોક પોતે પોતાલ છુટકારો મિળલો જાંઅયા કાહાકા આમહે પ્રભુ ઈસુ ખ્રિસ્તાય પેલ્લેથીજ તુમહે છુટકો કોઅયહો, બાકી યા છુટકા પાહલા ખારાબ કામે મા કોઅહા, બાકી તુમા પોરમેહેરા સેવાકાહા હારકો વેવહાર કોઆ.

2 પિતરનો પત્ર 2:19

જુઠા માસ્તાર લોકહાન દેખાડતાહા, કા ચ્યા જી બી કાય કોઅરા માગતાહા, ચ્યાલ કોઅરાહાટી સુટ હેય, બાકી ચ્યા પોતે ગુલામ હેય, કાહાકા ચ્યાહા પોતાનો પાપમય સ્વભાવ ચ્યાહાન પાપહાથી બોઆલા કામ કોઅરાહાટી મજબુર કોઅહે. કાહાકા જીં કાયબી તુમહાન કોબજો કોઅહે, તુમા ચ્યા ચાકાર બોની જાતહા.

1 કરિંથીઓને 10:24

કાદાબી પોતાનાજ ફાયદાહાટી વિચાર નાંય કોએ, બાકી બીજહા ફાયદાહાટી બી વિચાર કોએ.

1 કરિંથીઓને 10:32

તુમહાન એહેકેન જીવા જોજે, કા યહૂદી લોકહાન કા ગેર યહૂદી લોકહાન કા પોરમેહેરા મંડળી લોકહાહાટી પોરમેહેરાવોય બોરહો કોઅના રુકાવાટ નાંય બોનના.

1 કરિંથીઓને 9:22

જોવે આંય બોરહો કોઅનામાય નોબળા લોકહાઆરે રોહુ, તે આંય ચ્યાહાઆરે ચ્યાહા હારકો વ્યવહાર કોઅહુ, જેથી આંય ચ્યાહાન ખ્રિસ્તા આગના પાળાહાટી મોદાત કોઅય હોકુ, આંય બોદા માઅહાહાટી બોદા કાય બોન્યો, કા કેહેકેન કેહેકે કોલહાક લોકહા તારણ કોઅય હોકુ.

1 કરિંથીઓને 8:12

જો તુમહે મુર્તિહીન બેટ ચોડાવલા ખાઅના લીદે આર્યે વિસ્વાસી લોક પોતાલ પાપી માનતેહેં, તે તુમા ચ્યાહા વિરુદ એને ખ્રિસ્તા વિરુદ પાપ કોઅતેહે.

1 કરિંથીઓને 8:10

જો કાદાં બોરહો કોઅનામાય નોબળાં માઅહું તુલ મુર્તિ મંદિરામાય મુર્તિહીન બલિ ચોડાવલા ખાઅના ખાતા દેખે, તે કાય ચ્યાલબી ખાઅના ઈંમાત નાંય ઓઅય જાય, જેથી તો વિચાર કોઅહે કા એહેકેન કોઅના પાપ હેય.

પ્રકટીકરણ 2:14

બાકી માન તો વિરુદમાય કાય વાતો આખના હેય, કાહાકા તું ચ્યા લોકહા વિરોદ નાંય કોએ જ્યા મંડળીમાય જુઠી શિક્ષા દેતહા, જેહેકેન બોજ પેલ્લા ભવિષ્યવક્તા બાલામાય દેનલી આતી, બાલામાય બાલાક રાજાલ હિકાડયાં કા ઈસરાયેલ લોકહાન પાપ કોઅનાહાટી ઉસરાવાહાટી કાય કોઅરા જોજે. ચ્યાય ચ્યાહાન મુર્તિહીન બલિ ચોડાવલા ખાઅના-ખાઅના એને વ્યબિચાર કોઅના હિકાડયાં.

2 કરિંથીઓને 11:21

આંય લાજથી માની લેતહાવ, કા તુમહેઆરે ઓહડો વેવહાર કોઅરા માન ઈંમાત નાંય ઓઅયી. તુમા યેલ મા નોબળાય હોમજ્યા, બાકી જ્યેં વાતહેબારામાય ચ્યા લોક વાહવા કોઅના ઈંમાત કોઅતાહા, આંયબી ચ્યે વાતહેબારામાય તેહેંજ કોઅય હોકહુ.

1 કરિંથીઓને 10:29

મા વિચાર તુમહે અંતકરણા કોય નાંય, બાકી બિજા માઅહા અંતકરણા લીદે હેય, કાહાકા મા સુટકો બિજા માઅહા અંતકરણા લીદે ન્યાય નાંય કોઅલા જાં જોજે.

રોમનોને પત્ર 15:1

આપા જ્યેં બોરહામાય મજબુત હેય, પોતાલુજ ખુશ કોઅરા કોશિશ નાંય કોઅરા જોજે, બાકી જ્યેં કમજોર હેય ચ્યાહા મોદાત કોઅરા જોજે.

માથ્થી 18:10

“હાચવીન રા, કા યા વાહાનાહા માઅને કાદાલ નોકામ્યા મા ગોણતા, કાહાકા તુમહાન આંય હાચ્ચાં આખતાહાવ, હોરગામાય ચ્યા હોરગા દૂત મા આબહા આરે કાયામ રોતહા.

1 કરિંથીઓને 10:28

બાકી કાદાં તુમહાન પેલ્લાથીજ જાણ કોઅય દેય, કા ઈ મુર્તિહીન બેટ ચોડાવલા હેય, તે ચ્યાલ નાંય ખાઅના તુમહે અંતકરણા લીદે નાંય બાકી જ્યાંય તુમહાન જાણ કોઅય દેના ચ્યા અંતકરણા લીદે, કાહાકા તુમહે સુટ કાદા બિજા માઅહા અંતકરણા કોય નિંદા નાંય ઓઅલી જાય.

2 કરિંથીઓને 6:3

પોરમેહેરાઆરે કામ કોઅનારા હેજે, યા લીદે આમા કોઅયેહેબી વાતમાય કાદાલ ઠોકર ખાઅના મોકો નાંય દેજે, કા આમહે સેવાયેવોય દોષ નાંય યેય.

2 કરિંથીઓને 11:29

જોવે કાદો નોબળો ઓઅહે, તે આંયબી નોબળાયે અનુભવ કોઅહુ, જોવે કાદો પાપમાય પોડે, તે મા મોન દુઃખી ઓઅય જાહાય.

કલોસ્સીઓને પત્ર 2:8

હાચવીન રા, કાદાં તુમહાન નોકામી એને બેકાર વાતહેકોય છેતરી નાંય દેય, જ્યો માઅહા રીતીરીવાજાહા પરમાણે એને દુનિયા શિક્ષણા પરમાણે હેય બાકી ખ્રિસ્તા શિક્ષણા હારકા નાંય હેય.