ሶፎናሳ ቲንቢቴ 3:5 - ጋሞ ማጻፋ

⁵ ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

Geeshsha Maxaafa

⁵ Izin diza GODAY izi xillo. Mulekka baletti erenna; maalado maalado suure pirdees; ubbaa gallassika daaburi erenna; gido attiin makkallanchchatas yeellay deenna.

ሶፎናሳ ቲንቢቴ 3:5 Referans Kwoze

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

ኤርማሳ ዚላስ 3:23

ኢስቲ ማላዶ ማላዶ ኦራ፤ ኔ ኣማኔቴይካ ዳሮ።

ዬ ማጻፋ 145:17

ጎዳይ ባ ኦጌ ኡባን ጺሎ፤ ኢዚ ባ ኦሶ ኡባን ኪያ።

ሶፎናሳ ቲንቢቴ 3:15

ጎዳይ ኔ ቦላ ዪዛ ቂጻቴዛ ዲጊዴስ፤ ኔ ሞርኬታካ ኔፔ ዛሪዴስ። ጎዳይ ኢስራኤሌ ካዎይ ኔናራ ዴስ፤ ሃይሳፌ ጉዬ ኣይ ኢታሲካ ባባካ።

ኢሳያሳ ቲንቢቴ 28:19

ኢዚ ዪዳ ዎዴ ዎዴ ኢንቴና ኤኪ ባና፤ ማላዶ ማላዶ፥ ቃማኔ ጋላስ ኢንቴና ፒቲ ኤፋና፤ ሃ ቃላ ኢንቴ ኣኬኪዛ ጊዲኮ ሺሮ ቦላ ሺሮ ኤሃና።

ሶፎናሳ ቲንቢቴ 3:17

ጎዳ ኔ ጾሳይ ኔናራ ዴስ፤ ኢዚ ኣሺዛ ሚኖ ኦላንቻ። ኢዚ ኔናን ዳሮ ኡፋዬቴስ፤ ኢዚ ባ ሲቆን ኔና ዎፒሳና፤ ኔ ዬን ኢዚ ቦንቼቲዲ ኡፋዬታና› ጋና።

ኢሳያሳ ቲንቢቴ 12:6

ኢንቴ ጊዶን ዲዛ ኢስራኤሌ ጌሻይ ጊታ ጊዲዳ ጊሻስ ጺዮኔ ኣሳዉ ኢሊሊ ጊቴ፤ ኡፋይሳንካ ዬጺቴ» ጋንዴታ።

ዛሬ ማጻፋ 23:14

ጋሶይካ ጎዳ ኢንቴ ጾሳይ ኢንቴና ናጋናሲኔ ኢንቴ ሞርኬታ ኢንቴ ኩሼን ኣ ኢማናስ ኢንቴ ጉታ ጊዶን ሄሜቴቲዛ ጊሻስ ኢዛ ሻቲዛ ሚሽ ቤኢዲ ጉዬ ሲሞንታ ማላ ኢንቴ ዲዛ ሄራይ ጌሽ ጊዳና ቤሴስ።

1ጴጽሮሳ ኪታ 1:17

ኦናካ ዱማ ሻኪ ማዶንታ ኢሳስ ኢሳስ ኢዛዴ ኦሶ ማላ ፒርዲዛ ጾሳ፥ «ኢዚ ኑ ኣዋ» ጊዲ ኢንቴ ጼይጊኮ ሃይሳ ኣላሜዛን ኢንቴ ኢማኔ ቤቴ ኣስ ጊዲዲ ዲዛ ዎዴ ኡባን ኢዛስ ባቢቴ።

ኦሮሜ ኣሳስ 3:26

ኢዚ ሄሳ ሃ ዎዴዛን ኦዳይ ባ ጺሎቴ፤ ሄሲካ ባ ባጋራ ጺሎ ጊዲዳ ዬሱስ ኪርስቶሳን ኣማኒዛዴ ጺሊሲዛይሳ ቤሳናሳ።

ዛካራሳ ቲንቢቴ 2:5

ታኒ ታርካ ኢዚስ ታማ ዲርሳ ጊዳና፤ ኢዚ ጊዶን ታኒ ኢዚስ ቦንቾ ጊዳና› ጌስ ጋዳ ዮታ» ጊዴስ።

ዬ ማጻፋ 37:6

ኢዚ ኔ ጺሎቴ ማላዶ ጻልቄ ማላ ኬሳና፤ ኔ ዮኦዛ ፒርዳካ ሴታ ጋላሳ ኣዋ ማላ ፖኢሳና።

ኢዮቤ ማጻፋ 34:10

«ኣኬኪዛ ኣሳቶ ኣኔ ታና ኤዝጊቴ! ኢታ ኦሶይ ጾሳፌ፤ ባላ ኦሶይ ኡባ ዳንዳይዛ ጾሳፌ ሃኮ!

1ቆሮንቶሴ ኣሳስ 4:5

ሄሳ ጊሻስ ፒርዳና ዎዴይ ጋኮንታ ሃራ ኣይ ዮኦካ ፒርዶፍቴ፤ ጎዳይ ያና ጋካናስ ናጊቴ፤ ኢዚ ማ ጊዶን ቆቴቲዳይሳ ቡሮ ቆንጬ ኬሳና። ኣሳ ዎዚና ጊዶን ዲዛ ቆፋካ ቆንጬ ኬሳና፤ ሄ ዎዴ ኢሲ ኢሲ ኣሲ ባስ ቤሲዛ ጋላታ ጾሳ ኣቻፌ ኤካና።

ኦሮሜ ኣሳስ 2:5

ጊዶ ኣቲን ኔኒ ኔ ዎዚና ሙሜቴኒኔ ማሮቴ ኮዮንታ ኔ ዎዚና ጋሶን ጾሳ ቱማ ፒርዳይ ቆንጪዛ ዎዴ ጾሳ ሃንቆ ጋላሳስ ኔ ቦላ ዳሮ ሃንቆ ሺሻሳ።

ሉቃሳ ሚሺራቾ 12:2

ቆንጮንታ ካሜቲዲ ኣታናይኔ ኤሬቶንታ ቆታን ኣታና ሚሺ ዴና።

ሶፎናሳ ቲንቢቴ 2:1

ኢንቴኖ ዬላይ ባይንዳ ዴሬቶ! ኣኔ ኢሲ ቦላ ሺቂቴ!

ኢምባቆ ቲንቢቴ 1:3

ኔ ታና ኣዛስ ቆሆይ ዳሪሺን ቤሳይ? ሃይሳ ማላ ጌኔ ኦሶይ ኦሴቲሺን ኔ ዋና ጮኡ ጋዳ ጼላይ? ሞሮይኔ ማካላይ ታ ሲንን ዴስ። ኦሺኔ ፓላማይ ቢታ ቦላ ዳሪዴስ።

ሚኪያሳ ቲንቢቴ 7:9

ታ ኢዛ ቆሂዳ ጊሻስ ኢዚ ታ ጊሻስ ኤቃና ጋካናሲኔ ታስ ፒርዳና ጋካናስ ጾሳይ ሃንቄቲኮካ ታ ዳንዳያና፤ ኢዚ ታና ፖኦን ኬሳና፤ ታኒካ ኢዛ ጺሎቴ ቤያና።

ሚኪያሳ ቲንቢቴ 3:11

ካሌዛይቲ ማታኤስ ፒርዴቴስ፤ ቄሴቲ ሚሻ ጊሻስ ታማርሴቴስ፤ ናቤቲካ ሚሼ ሚዳ ጊሻስ ዮቴቴስ። ሄሳ ኡባ ኦዲካ፥ «ጾሲ ኑ ጊዶን ዴስ ጊዴኔ? ኣይ ኢታይካ ኑ ቦላ ጋኬና» ጊሼ ጾሳን ጬቄቴቴስ።

ሂዚቄላ ቲንቢቴ 48:35

ካታማ ዩሾይ ሙሌራ ዋን 9,000 ሜቲሬ ጊዳና። ሄ ዎዴፔ ዶሚዲ ሄ ካታማይ፥ ‹ጎዳይ ሄን ዴስ› ጌቴቲ ጼይጌታና» ጌስ።

ኤርማሳ ቲንቢቴ 21:12

ኢንቴኖ ዳዊቴ ሶ ኣሳዉ! ኢንቴ ኦዳ ኢታ ኦሶ ጋሶን ኤጺን ኦኒካ ቶይሳና ዳንዳዮንታ ታማ ማላ ታ ሃንቆይ ኢንቴ ቦላ ኤጾንታ ማላ ዎንታን ዎንታን ሱሬ ፒርዲቴ፤ ቦንቄቲዳይታ ኡንኤዛይታ ኩሼፔ ኣሺቴ› ጌስ ጋ።

ኤርማሳ ቲንቢቴ 8:12

ቱና ኦሶ ኦዲ ዬላቲዶ? ቺ! ሙሌካ ዬላቲቤቴና። ኢስቲ ዬላይ ኣዛኮካ ኤሬቴና። ሄሳ ጊሻስ ኢስቲካ ኩንዲዳይታራ ኢሲፌ ኩንዳና፤ ታ ኢስታ ቃጻዪዛ ዎዴ ኢስቲ ካዉያና» ጌስ።

ኤርማሳ ቲንቢቴ 6:15

ሃ ሃራሲዛ ኦሶዛ ጊሻስ ኢስቲ ዬላቲዶ? ኣካይ ሙሌካ ዬላቲቤቴና፤ ኢስቲ ዬላይ ኣዛኮ ኤሬቴና። ሄሳ ጊሻስ ኢስቲ ኩንዲዛይታራ ኢሲፌ ኩንዳና፤ ታኒ ኢስታ ቃጻዪዛ ዎዴ ኢስቲ ካዉያና» ጌስ።

ኤርማሳ ቲንቢቴ 3:3

ሄሳ ጊሻስ ፑሴይካ ፑሶንታ ማላ ዲጌቲዴስ፤ ባልጎ ኢራይካ ቡኮንታ ኣጊዴስ፤ ኔ ጊዲኮ ሃኖ ጋካናስ ላይማቴ ኣጋቤካ፤ ኔኒ ዬላቶንታካ ኢጻዳሳ።

ኢሳያሳ ቲንቢቴ 50:4

ኡባ ሃሪዛ ጎዳይ ታስ ኢንጻርሳ ኤራቴ ኢሚዴስ፤ ሄሳ ጊሻስ ዳቡራንቻታስ ታ ኣይ ጋና ቤሲዛኮ ታ ኤራይስ፤ ማላዶ ማላዶ ታና ቤጎስ፤ ታማርሼ ዲዛ ታማሬ ማላ ሲያናስ ታ ሃይ ዶዬስ።

ኢሳያሳ ቲንቢቴ 45:21

ኣኔ ኢንቴ ሞቶ ዮቲቴ፤ ሺሺቴ፤ ኢስቲ ኣኔ ኢሲፌ ሺቂዲ ዞሬቴቶ። ሃይሳ ኮይሮቲዲ ኣዋጂዳይ ኦኔ? ቤኒ ዮቲዳይ ኦኔ? ታና ጎዳ ጊዲኪና? ጺሎይኔ ኣሺዛ ጾሲ ታፔ ኣቲን ሃራይ ዴና።

ኢሳያሳ ቲንቢቴ 33:2

ኣቤት ጎዳዉ! ኑና ማራ፤ ኑኒ ኔና ሂዶታ ኦዶስ፤ ማላዶ ማላዶ ኑስ ዎልቃ ጊዳ፤ ሜቶ ዎዴካ ኑና ኣሺዛዴ ጊዳ።

ኢዮቤ ማጻፋ 8:3

ጾሲ ፒርዳ ቦካሲ ኤሪዜ? ኡባ ዳንዳይዛ ጾሳይ ጺሎቴ ቦካሲ ኤሪዜ?

ሜቴ ማጻፋ 18:25

ጺሎታ ዎርዶታራ ጋ ዎዛይሲኔ ጺሎታኔ ዎርዶታ ኢሲ ኣይፌን ጼሊዛይሲ ሄሲ ኔፔ ሃኮ፤ ሃ ቢታ ኡባ ቦላ ፒርዲዛ ኔኒ ጺሎ ፒርዲኪ?» ጊዴስ።

ዛካራሳ ቲንቢቴ 9:9

ሃኔ ጺዮኔ ናዬ ኬሃ ኡፋዬታ። ሃኔ ዬሩሳላሜ ናዬ ኡፋይሳን ኢሊላ፤ ጺሎኔ ኣሺዛ ኔ ካዎይ ኣሽኬ ጊዲዲ ሃሬዮኔ ሃሬይ ጉቴ ቶጊዲ ኔኮ ዬስ።

ኢዮቤ ማጻፋ 7:18

ዎንታን ዎንታን ፒልጋና ማላ፥ ዎዴን ዎዴንካ ኔ ፓጫና ማላ ኣሲ ኣዜ?

ዬ ማጻፋ 92:15

ኢስቲ፥ «ጎዳይ ሊኬ፤ ኢዚ ታስ ዎጋ ዛላ፤ ኢዛ ቦላ ዎሶይ ዴና» ጋና።

ሂዚቄላ ቲንቢቴ 18:25

«ኢንቴ ጊዲኮ፥ ‹ጎዳ ኦጌይ ሱሬ ጊዴና› ጌታ። ኢንቴኖ ኢስራኤሌ ኣሳቶ! ሃኢ ሲዪቴ! ታ ኦጌይ ሱሬ ጊዴኔ? ጌላይ ኢንቴ ኦጌ ጊዴኔ?

ሆሴኤ ቲንቢቴ 14:9

ኣ ኤራንቻይ ሃ ዮኦታ ኣኬካና። ኣኬኪዛዴይ ሃ ዮኦታ ኤራና፤ ጎዳ ኦጌይ ሱሬ፤ ጺሎቲ ኢዛን ሄሜቴቴስ። ናጋራንቻቲ ጊዲኮ ኢዛን ጴቴቴስ።

ሶፎናሳ ቲንቢቴ 3:13

ኢስራኤሌፔ ጫሻ ኣቲዳይቲ ናጋራ ኦሴቴና። ዎርዶ ሃሳዬቴና፤ ኢስታ ዶናንካ ጌኔ ሃሳያይ ዴና። ሄሳ ጊሻስ ኢስቲ ሚዲ ሳሮን ዴኣና፤ ኢስታ ባቢሳና ሚሺካ ዴና።

ሆሴኤ ቲንቢቴ 6:5

ሄሳ ጊሻስ ታኒ ታ ናቤታ ባጋራ ኢንቴና ቃንጼሬዲስ፤ ታ ዶናፔ ኬኢዛ ቃላን ታ ኢንቴና ዎዲስ። ታ ፒርዳይካ ኢንቴ ቦላ ዎልቃን ማላ ፖኢዴስ።