ሶፎናሳ ቲንቢቴ 3:13 - ጋሞ ማጻፋ

¹³ ኢስራኤሌፔ ጫሻ ኣቲዳይቲ ናጋራ ኦሴቴና። ዎርዶ ሃሳዬቴና፤ ኢስታ ዶናንካ ጌኔ ሃሳያይ ዴና። ሄሳ ጊሻስ ኢስቲ ሚዲ ሳሮን ዴኣና፤ ኢስታ ባቢሳና ሚሺካ ዴና።

Geeshsha Maxaafa

¹³ Isra7eeleppe casha attidayti nagara oosettenna. Wordo haasayettenna; Istta doonankka gene haasayay deenna. Hessa gishshas istti miidi saron de7ana; istta babisana miishshika deenna.

ሶፎናሳ ቲንቢቴ 3:13 Referans Kwoze

ዮሃኒሳ ኣጁታ 14:5

ኢስቲ ዎርዶ ሃሳያ ኤሬቴና፤ ዎሶይካ ኢስታ ቦላ ባ።

ሶፎናሳ ቲንቢቴ 2:7

ሄሲካ ዩሁዳፔ ጫሻ ኣቲዳይታስ ጊዳና፤ ኢስቲካ ሄን ባስ ኣቆታ ዴማና፤ ጋዴይ ቃሚሺን ኣስቄሎና ካታማን ዲዛ ኬታን ኣቃና፤ ጎዳይ ኢስታ ጾሳይ ኢስታ ናጋና፤ ኢስታፌ ዲኤቲዳይሳካ ኢስታስ ዛራና።»

ሚኪያሳ ቲንቢቴ 4:7

ጉንዳታፔ ኣቲዳይታኔ ቆሄቲዳይታ ታ ኢስታ ሚኖ ዴሬ ኬሳና፤ ሄ ጋላሳይፌ ዶሚዲ ሜርና ጋካናስ ጎዳይ ጺዮኔ ዙማን ኢስታ ቦላ ካዎታና።

ኢሳያሳ ቲንቢቴ 60:21

ኔ ኣሳይ ኡባይ ጺሎ ጊዳና፤ ቢታዮካ ሜርናስ ላታና፤ ኢስቲ ታ ቦንቾ ቆንጪሳናስ ታኒ ቶኪዳ ፑቴታኔ ታ ኩሼ ኦሶታ።

ሚኪያሳ ቲንቢቴ 4:4

ኢሲ ኣሲ ባ ዎይኔ ሚ ጋርሳንካ ባ ባላሴ ሚ ጋርሳን ኡታና፤ ኢስታ ባቢሲዛ ሚሺ ዴና፤ ኡባፌ ዎልቃማ ጎዳ ዶናይ ሃይሳ ዮቲዴስ።

ኢሳያሳ ቲንቢቴ 17:2

ኣሮኤሬ ካታማቲ ካይስ ጊዳና፤ ሜሄ ሄንሶሆ ጊዳና፤ ኢስታ ባቢሲዛ ሚሺካ ዴና።

ዮሃኒሳ ሚሺራቾ 1:47

ናቲናኤሌይ ዬሱሳ ቤያና ዪሺን ዬሱሲ ቤኢዲ ኢዛ፥ «ሄኮ! ጌኔይ ባይንዳ ቱሙ ኢስራኤሌ ኣሳ!» ጊዲ ኢዛ ጊሻስ ዮቲዴስ።

ኢዩኤሌ ቲንቢቴ 3:17

«ኢስራኤሌ ኣሳዉ! ሄ ዎዴ ታኒ ጎዳ ኢንቴ ጾሳ ጊዲዳይሳ ኢንቴ ኤራና፤ ታኒ ጌሽ ጊዲዳ ታ ዙማ ጺዮኔ ቦላ ዴኣና፤ ዬሩሳላሜይ ኣንጄቲዳ ካታማ ጊዳና፤ ሄሳፌ ጉዬ ሃራ ኣላጋ ዎታዳራይ ኢዞ ዎራጄና።

ሂዚቄላ ቲንቢቴ 39:26

ኢስታ ባቢሲዛ ኦኒካ ባይንዳ ዲሺን ኢስቲ ባንታ ቢታን ሳሮን ዲዛ ዎዴ ባንታ ካዉሻቴኔ ካሴ ታስ ኣማኔቶንታ ኢስቲ ዴኢዳ ዎዴታ ዶጋና።

ኤርማሳ ቲንቢቴ 31:33

«ጊዶ ኣቲን ታኒ ጎዳይ ሄ ዎዴፔ ጉዬ ኢስራኤሌ ዴራራ ታ ጫቄታና ጫቆይ ሃይሳ፤ ታኒ ታ ዎጋ ኢስታ ዎዚናን ጻፋ ዎና፤ ታኒካ ኢስታስ ጾሳ ጊዳና፤ ኢስቲካ ታ ዴሬ ጊዳና።

ኤርማሳ ቲንቢቴ 30:10

«ሄሳ ጊሻስ ታ ኣይሌ ያቆቤ ዛሬቶ ያዮፍቴ! ኢንቴኖ ኢስራኤሌቶ ዳጋሞፍቴ! ኢንቴ ሃሆሶን ዲሺን ታኒ ኢንቴና ኣሻና፤ ኢንቴ ዛሬታካ ኢስቲ ዲኤቲዳ ቢታፌ ኬሳ ኤካና፤ ያቆቤ ዛሬቲ ሲሚዲ ሳሮኒኔ ዎፓን ኡታና፤ ኢስታ ያሺሳና ኣይ ሚሺካ ዴና።

ኤርማሳ ቲንቢቴ 23:4

ታኒ ሎኤ ሄሚዛ ሄንንቻታ ኢስታስ ዴንና፤ ኢስቲ ናምኣን ባቤቴናኔ ዳጋሜቴና፤ ኢስታፌ ኢሳዴይካ ዬና» ጌስ።

ኢሳያሳ ቲንቢቴ 54:14

ኔኒ ጺሎቴን ሚና ኤቃና፤ ጌኔ ኦጌራ ኣይሶይ ኔፔ ሃካና። ኔና ባቢሲዛ ሚሺ ዴና፤ ሺሮቴ ኔፔ ሃካና፤ ኔ ማታካ ሺቄና።

ዮሃኒሳ ኣጁታ 21:27

ሃራሲዛ ሚሺ ሙሌካ ጌዴ ኢዚን ጌሌና፤ ቱናቴ ኦዛይቲኔ ዎርዶ ሃሳይዛይቲ ሙሌካ ሄ ኢዚኮ ጌሌቴና፤ ሄ ኢዚን ጌላናይታ ሱን ካሴ ሄ ዶርሳዛ ዴኦ ማጻፋን ጻፌቲዳይታ ጻላ።

ዮሃኒሳ ኣጁታ 21:8

ጊዶ ኣቲን ሃንኮ ባቦቲ፥ ኢስታስ ኣማኔቶንታይቲ፥ ቱናቲ፥ ኣሳ ሼምፖ ዎዛይቲ፥ ላይማቲዛይቲ፥ ቢቲዛይቲ፥ ኤቃስ ጎይኒዛይቲ፥ ዎርዶቲዛይቲ፥ ሄይታ ኡባታ ቃዳይ ዲኔን ኤጺዛ ታማ ኣባ ጊዶን ጊዳና፤ ሄሲካ ናምኣን ሃይቆ» ጊዴስ።

1ዮሃኒሳ ኪታ 5:18

ጾሳፌ ዬሌቲዳይ ዉሪ ናጋራ ኦና፤ ጋሶይካ ጾሳ ናይ ኢዛ ናጊዛይሳኔ ኢታይ ኢዛ ቦቾንታይሳ ኑ ኤሮስ።

1ጴጽሮሳ ኪታ 3:14

ኢንቴ ሎኦ ኦዳ ጊሻስ ዋዬ ቤኢኮካ ኢንቴ ኣንጆ ኤካና፤ ኣሳይ ኢንቴ ቦላ ኢታ ኦናስ ማንዴቲዛይሳስ ባቦፍቴኔ ዳሮ ቆፖፍቴ።

ቆላሲያሴ ኣሳስ 3:9

ካሴ ጬጋ ኣሳቴ ኢዛ ኦሶራ ጋ ኢንቴፌ ቃሪ ዬጊዳ ጊሻስ ኢንቴ ኢንቴ ጋርሳን ኢሶይ ኢሳራ ዎርዶ ሃሳዮፒቴ።

Maatosa 13:41

ኣሳ ናይ ባ ኪታንቻታ ኪታና፤ ኢስቲካ ናጋራስ ጋሶ ጊዲዳይታኔ ኢታ ኦዛይታ ኢዛ ካዎቴ ጊዶፌ ኡባ ቆሪ ኬሳና።

ሚኪያሳ ቲንቢቴ 7:14

ዎራ ጊዶኒኔ ጪሊላ ማታ ጊዶን ባርካ ዲዛይቲ ኔ ሜሄ ጊዲዳ ኔ ዴሬታ ኔኒ ኔ ጉፌራ ሄማ፤ ቤኒ ዎዴ ማላ ኢስቲ ባሳኔኒኔ ጋላኣዴን ሄሜቴቶ።

ኢሳያሳ ቲንቢቴ 65:10

ታና ሚን ኮይዛ ታ ዴሬዛስ፥ ላሻሮኔይ ዶርሳ ዉዴይ ሄሜቲዛሶ፥ ኣኮሬ ዙሌይ ዉዴ ሜሄይ ፔኢዛሶ ጊዳና።

ኢሳያሳ ቲንቢቴ 63:8

ጎዳይካ፥ «ቱሙካ፤ ኢስቲ ታ ዴሬታ፤ ኢስቲ ታስ ዎርዶቶንታ ኣቱማ ናይታ» ጊዴስ። ሄሳ ጊሻስ ኢዚ ኢስታ ኣሺዛዴ ጊዲዴስ።

ኢሳያሳ ቲንቢቴ 35:8

ሄን ዎጋ ኦጌይ ኦሴታና፤ ኢዚካ፥ «ጌሻቴ ኦጌ» ጌቴታና። ቱናቲ ሄ ኦጌራ ቤቴና፤ ኦጌዚ ሄ ኦጌራ ቢዛይታስ ጻላ ጊዳና፤ ጌላቲ ሄ ኦጋራ ባና ዳንዳዬቴና።

ኢሳያሳ ቲንቢቴ 6:13

ታሙ ኣሳፔ ኢሲ ኣሲ ቢታ ቦላ ኣቲኮ፥ ኢዚካ ያና፤ ቃንጺ ዬጊን ኣቲዳ ዎላ ዱሩማ ማላ ጊዳና፤ ጌሻ ዛሬይ ሄሳ ሄ ዱሩማ ማላ ጊዳና» ጊዴስ።

ዬ ማጻፋ 119:3

ኢስቲ ማካላ ሚሽ ኦቴና፤ ጎዳ ኦጌን ሄሜቴቴስ።

ዬ ማጻፋ 23:2

ታና ኣጫ ቆሮን ሼምፒሴስ፤ ጺሎ ሃ ዲዛሶ ታና ካሌስ።

ሌዌታ ማጻፋ 26:6

« ‹ኢንቴ ቢታስ ሳሮቴ ኢማና፤ ኦናስካ ባቦንታ ኢንቴ ዎፑ ጊ ኣቃና፤ ኢታ ዶኣታ ኢንቴ ዴሬፔ ታ ዲጋና፤ ሃይሳፌ ጉዬ ኢንቴ ዴሬን ኦላይ ዴና።

ኢዮቤ ማጻፋ 11:19

ኔ ኦናስካ ባቦንታ ኢቻና፤ ዳሮ ኣሳቲካ ኔ ሲንን ቦንቾ ዴማናስ ኮያና።

ዬ ማጻፋ 120:2

ኣቤት ጎዳዉ! ዎርዶቲዛ ሜቴርሻታፔኔ ጪሚዛ ኢንጻርሳታፔ ታና ኣሻ።

ዬ ማጻፋ 120:3

ኢንቴኖ ዎርዳንቻቶ! ኢዚ ኢንቴና ዎስታኔ? ሄሳፌ ሃራ ኢንቴ ቦላ ኣይ ኦኔ?

ሶፎናሳ ቲንቢቴ 3:5

ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

ዛካራሳ ቲንቢቴ 8:3

ጎዳይ፥ «ታ ጌዴ ጺዮኒኮ ሲማና፤ ዬሩሳላሜንካ ዴኣና። ዬሩሳላሜይካ ቱሙ ካታማ ጌቴታዉስ፤ ኢዛካ ኡባፌ ዎልቃማ ጎዳስ ጌሻ ዙማ ጌቴታና» ጌስ።

ዛካራሳ ቲንቢቴ 8:16

ኢንቴ ኦናስ ቤሲዛ ሚሻቲ ሃይታንታ፤ ኢንቴ ኢንቴ ጋርሳን ኢሶይ ኢሳራ ቱሙ ሃሳዬቲቴ፤ ኢንቴ ዱቡሻንካ ቱማኔ ሱሬ ፒርዳ ፒርዲቴ።

2ታሪኬ ማጻፋ 20:30

ጾሳይ ኢዮሳፊጼስ ኡባ ባጋራ ሼምፖ ኢሚዳ ጊሻስ ኢዛ ካዎቴይ ዎፓ ዴሚዴስ።

ዛካራሳ ቲንቢቴ 8:12

ዜሬይ ሎኦ ሞካና፤ ዎይኔ ሚይ ኣይፋና፤ ቢታይካ ካ ኢማና፤ ሳሎይካ ኢራ ኢማና፤ ሄይታ ዉርሳካ ሃን ሃይሳን ኣቲዛ ዴሬዛስ ጺንጾ ሂስቲ ኢማና።