ሶፎናሳ ቲንቢቴ 3:1 - ጋሞ ማጻፋ

¹ ማካላንቻይሲኔ ቱኒዳሪስ፥ ኣስ ኡንኤዛይታ ካታማይስ ኣዬ ኣና!

Geeshsha Maxaafa

¹ Makkallanchchayssinne tunidaaris, as un7eththizayta katamays aayye ana!

ሶፎናሳ ቲንቢቴ 3:1 Referans Kwoze

ኤርማሳ ቲንቢቴ 6:6

ኡባፌ ዎልቃማ ጎዳይ፥ «ሚታ ቃንጺቴ። ዬሩሳላሜ ጊምቤ ላንቄን ቢታ ዶሪቴ፤ ሃ ካታማይን ቆሆይ ኩሚዳ ጊሻስ ኢዚስ ቂጻቴይ ቤሴስ።

ኢሳያሳ ቲንቢቴ 59:13

ኑኒ ጎዳ ቦላ ማካሊዲ ዎርዶ ሃሳይዶስ፤ ኑ ጾሳ ካሎ ኣጊዲ ሼርኢ ጊዶስ፤ ማካላቴኔ ጌኔ ዮኦ ሃሳይዶስ። ኑ ዎዚናይ ሻሪ ኡቲዳ ዎርዶ ሃሳይዶስ።

ኢሳያሳ ቲንቢቴ 30:12

ሄሳ ጊሻስ ኢስራኤሌ ጌሻይ፥ «ኢንቴ ሃ ቃላ ካዳ ጊሻስ፥ ጌኔን ኢንቴ ኣማኔቲዳ ጊሻሲኔ ባሌን ዜምፒዳ ጊሻስ፥

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

ዛካራሳ ቲንቢቴ 7:10

ኣምኤታ፥ ዪኦታ፥ ቤቴ ኣሳታኔ ማንቆታ ሜቶፍቴ፤ ኢሶይ ኢሳስ ኢንቴ ዎዚናን ኢታ ቆፖፍቴ› ጌስ።

ሂዚቄላ ቲንቢቴ 22:7

ኣዋቲኔ ኣዬቲ ኔ ጊዶን ካዉዪዳ፤ ቤቴ ኣሳቲ ኡንኤቲዳ፤ ዪኦቲኔ ኣምኤቲ ቱጋ ቤኢዳ።

ሚኪያሳ ቲንቢቴ 2:2

ኣሳ ጋዴ ኣሞቲዳ ማላ ኦይኬቴስ፤ ኣሳ ኬካ ኣሞቲዲ ኤኬቴስ፤ ባ ላጌ ኬኔ ቢታ ባሌን ኤኬቴስ።

ኤርማሳ ቲንቢቴ 22:17

ጊዶ ኣቲን ኔ ኣይፌይኔ ኔ ዎዚናይ ሼምፒዳይ ሃ ሄ ሾጬቾን ዴሚዛ ጎኣን፥ ጺሎታ ሱ ጉሶን፥ ኣሳ ኡንኤኒኔ ጌኔ ኦሶና» ጌስ።

ኢሳያሳ ቲንቢቴ 5:7

ኡባፌ ዎልቃማ ጎዳ ዎይኔ ቶኪዛ ጋዴይ ኢስራኤሌ ኣሳ። ዩሁዳ ኣሳይ ኢዚ ኡፋዬቲዛ ኣታኪልቴ። ኢስቲ ሱሬ ፒርዳ ፒርዳና ጊዲ ናጊዴስ፤ ጊዶ ኣቲን ሱ ጉሲሺን ቤዪዴስ። ኢዚ ጺሎቴ ኮዪዴስ፤ ጊዶ ኣቲን ሜቶ ዋሶ ሲዪዴስ።

ሌዌታ ማጻፋ 1:16

ባሌዛኔ ቃን ኣሾዛ ዱማ ሻኪዲ ያርሾ ኢዛ ቦላ ሺሺዛሶዛፔ ኣርሼይ ሞኪዛ ባጋራ ቢዲን ቆሌቲዛሶን ዬጌቶ።

ኣሞጼ ቲንቢቴ 4:1

ኬቲዳ ባሳኔ ሚዛታ ማላ ኢንቴ ኣሳቴ ኦርዲሲዳ ሳማሪያ ማጫሳቶ! ሃይሳ ቃላ ሲዪቴ! ኢንቴ ዳቡራንቻታ ካዉሼታ፤ ማንቆታ ቦላካ ጎዳቴታ፤ ኢንቴ ኣዚናታ፥ «ኑስ ማሲዛ ኡሹ ኤሂቴ» ጌታ።

ኣሞጼ ቲንቢቴ 3:9

ኣሽዶዴኒኔ ጊብጼን ዲዛ ሚጻታን ዲዛ ኡባስ፥ «ሳማሪያ ዙማታ ቦላ ሺቂቴ፤ ሄን ኢስታን ኦሴቲዛ ጌኔ ኦሶኔ ቡልኣኬቲዛይሳ ጼሊቴ» ጊ ኣዋጂቴ።

ሂዚቄላ ቲንቢቴ 23:30

ጋሶይካ ኔኒ ካዎቴታራ ላይማታናስ ኣሞታዳ ኢስታ ኤቃ ጾሳታን ቱናዳሳ።

ሂዚቄላ ቲንቢቴ 22:29

ሄ ቢታን ዲዛ ኣሳይ ቦንቄቴስ፤ ቦጌቴስ፤ ፒርዳ ጌላሲዲ ሂዬሳኔ ሜቶታንቻታ ኡንኤቴስ፤ ቤቴ ኣሳካ ቆሄቴስ።

ኤርማሳ ቲንቢቴ 5:23

ጊዶ ኣቲን ሃ ዴራስ ሙሜኔ ማካላ ዎዚናይ ዴስ፤ ኢስቲ ኦጌ ኣጊ ዎራ ቢዳ።

ኢሳያሳ ቲንቢቴ 59:6

ኢስታ ቃጪናይ ማይኦ ጊዴና፤ ኢስቲ ኦዳይሳን ባንታ ቦላ ካማና ዳንዳዬቴና፤ ኢስታ ኦሶይ ኢታ፤ ኢስታ ኩሼታን ማካላ ኦሶይ ኩሚዴስ።

ኤርማሳ ቲንቢቴ 6:7

ኦላፌ ሃ ፑልቲዛ ማላ ኢዛካ ባ ኢታቴ ፑልቲሳዉስ፤ ማካላ ሚሺኔ ባሻ ሚሺ ኢዚ ጊዶን ሴቴቴስ፤ ኡባ ዎዴ ኢዚ ሳኮይኔ ማዱን ታስ ቤቴስ።