ሶፎናሳ ቲንቢቴ 2:15 - ጋሞ ማጻፋ

¹⁵ ካሴ ኡፋይሳን ዲዛ ካታማያ ሃኖ፤ ኢዛካ ባ ዎዚናን፥ «ታ ጻላ ዳይስ፤ ታፔ ሃራይ ኦኒካ ዴና» ጊዳራ ሂስቲን ሃኢ ዋናዳ ዎራ ዶኣቲ ጉሪዛሶ ባዞ ቢታ ጊዳ ኣታዴ? ኢዚ ኣቻራ ኣ ቢዛ ኡባይ ኢዞ ቂሼ ባ ኩሼ ዉጼስ።

Geeshsha Maxaafa

¹⁵ Kase ufayssan diza katamaya hanno; izakka ba wozinan, «Ta xalla days; taappe haray oonikka deenna» gidaara histtiin ha7i waanada wora do7ati guurizaso bazzo biitta gida attadee? Izi achchara aadhdhi biza ubbay izo qidhishe ba kushe wuxxees.

ሶፎናሳ ቲንቢቴ 2:15 Referans Kwoze

ሂዚቄላ ቲንቢቴ 28:2

«ሃይሶ ኣሳ ናዉ! ጺሮሴ ሃላቃስ ኡባ ሃሪዛ ጎዳይ፡ «ኔ ዎዚናይ ኦቶሮን ኩሚዲ፥ ‹ታኒ ጾሳ፤ ጾሳ ኣራታን ኣባስ ጊዶ ኣዳን ኡታዲስ› ጊዴስ። ኣይኮስካ ኔኒ ታኒ ጾሳ ማላ ኣ ኤራንቻ ቆፒኮካ ኔኒ ኣሳ ኣቲን ጾስ ዳካ።

ናሆሜ ቲንቢቴ 3:19

ኔ ማዱን ፓና ዳንዳይዛይ ዴና፤ ኔኒ ሃይቆስ ጋዛ ሜቆ ሜቃዳሳ፤ ኔ ጊሻስ ሲዪዳ ኡባይ ኔ ኩንዴን ኡፋዬቲ ኩሼ ባቃና፤ ዛዋይ ባይንዳ ኔ ሜንጼ ኢታቴ ቦቾንታይ ኦኔ?

ኢሳያሳ ቲንቢቴ 22:2

ሃኔ ዎጫማይ ኩሚዳ ካታማዬ! ሺሮይኔ ዲርባይ ኩሚዳ ካታማዬ! ኔፔ ሃይቂዳይቲ ማሻን ሃይቂቤቴና፤ ዎይኮ ኦላን ሃይቂቤቴና።

ሂዚቄላ ቲንቢቴ 28:9

ሂስቲን ኔኒ ኔና ዎዛይታ ሲንን፥ ‹ታኒ ጾሳ› ጋንዲ? ኔና ዎዛይታ ኩሼን ኔ ጌላሼ ኔኒ ኣሳ ኣቲን ጾስ ዳካ።

ኤርማሳ ዚላስ 2:15

ኔ ኣቻራ ኣ ቢዛ ኡባይ ኔ ቦላ ባ ኩሼ ባቂ ካኣና፤ ቢታ ኡባን ኣ ሎኦ ጌቴቲዛ ካታማያኔ ዴሬ ኡባይ ኡፋዬቲዛ ካታማያ ሃኒ?» ጋና፤ ቂሼካ ባ ሁኤ ቃና።

ኤርማሳ ዚላስ 1:1

ካሴ ኢዚን ዳሮ ካዎቴይ ዲዛ ካታማያ ዋናዳ ኦሌታ ኣታዴ! ዴሬታ ጊዶን ካሴ ጊታ ጊዲዳራ ዋናዳ ኣምኢ ማላ ጊዳዴ! ኣዉራጃታ ጋርሳን ጎዳቶ ጊዲዳራ ሃኢ ዋናዳ ኣይሌ ጊዳዴ!

ኤርማሳ ቲንቢቴ 19:8

ታኒ ሃ ካታማዮ ሙሌራ ይሳና፤ ሚቻስካ ኬሳና፤ ኢዚ ማታራ ኣዛ ኣሳይ ኡባይ ሃኖ ፓላ! ጊ ቂ ካኣና።

Maatosa 27:39

ኦጌራ ኣ ቢዛ ኣሳይ ጫዪሼኔ ሁኤ ቃሼ፥ «ጾሳ ኬ ላላዳ ሄ ጋላሳን ዛራ ኬጻና ጊዛይሶ! ኣኔ ኔና ኣሻ፤ ኔ ጾሳ ና ጊዲኮ ኣኔ ማስቃሌዛ ቦላፌ ዎ» ጊዳ።

ሂዚቄላ ቲንቢቴ 29:3

ኔኒ ኢዛስ ኡባ ሃሪዛ ጎዳይ፥ «ሻፋ ሃ ጊዶን ኢቺዳ ሃይሶ ጊታ ዶኣዞ! ጊብጼ ካዎ ፓሮኔ! ታ ኔ ቦላ ዴንዳዲስ፤ ‹ኣባዬ ሻፋይ ታይሳ፤ ታኒ ታስ ሜዲስ› ጋሳ።

ሂዚቄላ ቲንቢቴ 27:36

ሃራ ካዎቴታ ጊዶን ዲዛ ዛልኣንቻቲ ኔ ቦላ ኣይ ኬና ዋይቂዶ! ኔ ዉርሴይ ዳጋንዛዝ ጊዲዴስ፤ ኔ ሜርናስ ቤታካ» ጊዴስ።

ኤርማሳ ዚላስ 2:1

ጎዳይ ጺዮኔ ማጫ ናዮ ባ ሃንቆን ዎስቲ ካዉሺዴ! ኢስራኤሌ ቦንቾ ሳሎፔ ዱጌ ሳኣን ዬጊዴስ፤ ኢዚ ባ ሃንቆ ጋላስ ባ ቶሆ ሼምፒሲዛሶ ጊዲዳሮ ዛሪ ቆፓናስ ኮዪቤና።

ኢሳያሳ ቲንቢቴ 32:9

ኢንቴኖ ኦቶሮይ ቱጪዳ ማጫሳቶ! ዴንዲቴ፤ ታ ጊዛዝ ሲዪቴ፤ ኢንቴኖ ባ ጊ ኡቲዳ ማጫ ናይቶ! ታኒ ኢንቴስ ዮቲዛይሳ ኤዝጊቴ።

ኢዮቤ ማጻፋ 27:23

ጫርኮዚ ኢዛ ቦላ ኩሼ ባቂዴስ፤ ኢዚ ዲዛሶፔ ዋይቄን ፒጺሪ ዬጊዴስ።

ኢዮቤ ማጻፋ 16:4

ኢንቴ ታ ሶሆን ታኒ ኢንቴ ሶሆን ጊዲዳኮ ካን ታኒ ሁኤ ቃዳ ሃኢ ኢንቴ ጊዛይሳ ኡባ ኢንቴ ቦላ ሎኤ ሃሳያናኮሺን።

ኢሳያሳ ቲንቢቴ 32:11

ኢንቴኖ ኦቶሮይ ቱጪዳ ማጫሳቶ! ኮኮሪቴ። ኢንቴኖ ባ ጊዳ ማጫ ናይቶ! ሂርጋን ጋጂጋጂቴ። ኢንቴ ማይኢዳ ማይኦ ቃሪ ዬጊቴ፤ ኢንቴ ጼሳን ማቃ ዳንጪቴ።

ኢሳያሳ ቲንቢቴ 32:14

ሚጻቲ ካይዛና፤ ዳሮ ሺሮቲዛ ካታማያ ዲሚ ጋና፤ ሚጻቲኔ ቃቶቲ ሜርናስ ጎንጎሎ፥ ሃርዲዳቲ ጉፒዛሶሆኔ ዉዴይ ሄሜቲዛሶ ጊዳና።

ኤርማሳ ቲንቢቴ 18:16

ኢስታ ቢታይ ቡላኔ ሜርናስ ካቲዳዝ ጊዳና፤ ሄራ ኣዛ ኡባይ ማላሌታና፤ ባ ሁኤካ ቂሼ ቃና።

ኢሳያሳ ቲንቢቴ 47:10

ኔኒ ኔ ኢታቴን ኣማኔታዳ፥ ‹ታና ኦኒኔ ቤኤና› ጋዳሳ። ቃሴ፥ ‹ታና፤ ታፔ ኣቲን ሃራይ ዴና ኔ ጊዳ ዎዴ ኔ ኣ ኤራቴይኔ ጪንጫቴ ኔና ባሌዳ› ጋዳሳ።

ኤርማሳ ቲንቢቴ 50:13

ጎዳ ሃንቆ ጋሶን ኢዛ ባዞ ጊዳና ኣቲን ኣሲ ኢዚን ዴና፤ ኢዚ ቦላ ጋኪዳ ባሻ ጋሶን ባቢሎኔራ ኣ ቢዛ ኡባይ ማላሌቲሼ ኢዛ ቂና።

ዳኔላ ቲንቢቴ 4:27

ሄሳ ጊሻስ ካዎ! ታኒ ታ ባጋራ ኔና ዞሪዛይሳ ሲያ፤ ኔኒ ናጋራ ኦሶ ኣጋ፤ ሱሬ ኦሶ ኡባ ዎዴ ኦ፤ ኔ ኢታ ኦሶ ኣጋዳ ቆሄቲዛይታስ ቃታ፤ ሄሳ ኔ ኦኮ ኔ ሳሮን ዱሳ ላይይ ኣዱቆንታ ኣጌና» ጊዴስ።

ኢምባቆ ቲንቢቴ 1:7

ኢስቲካ ባቢሲዛይታኔ ዳጋንዛይታ፤ ኢስታ ፒርዳይኔ ቦንቾይ ኢስታፌ ኬዛና።