ሶፎናሳ ቲንቢቴ 1:3 - ጋሞ ማጻፋ

³ ጎዳይ፥ «ኣሴኔ ሜዶሳታ ይሳና፤ ሳሎ ካፎታኔ ኣባ ጊዶን ዲዛ ሞሌታ ታ ይሳና፤ ታ ኣሳ ዜሬ ቢታ ቦላፌ ይሲዛ ዎዴ ኢታቲ ላሌቲዳ ቡራ ዶሬ ማላ ጊዳና» ጌስ።

Geeshsha Maxaafa

³ GODAY, «Asenne medosata dhayssana; salo kafotanne abba giddon diza moleta ta dhayssana; ta asa zereth biitta bollafe dhayssiza wode iitati laalettida buura doore mala gidana» gees.

ሶፎናሳ ቲንቢቴ 1:3 Referans Kwoze

ሆሴኤ ቲንቢቴ 4:3

ሄሳ ጋሶን ቢታይ ቦላ ኮሻይ ዬስ፤ ኢዚ ቦላ ዲዛይ ዉሪ ጊልቄስ፤ ሜሄቲ፥ ዶኣቲ፥ ካፎቲኔ ኣባ ጊዶን ዲዛ ሞሌቲ ኡባይ ዉሬቴስ።»

ሂዚቄላ ቲንቢቴ 7:19

ኢስቲ ባንታ ቢራ ኦጌን ኦላና፤ ኢስታ ዎርቃይካ ቱና ማላ ቆዴታና፤ ጎዳ ዎልቃማ ሃንቆ ጋላስ ኢስታ ቢራይኔ ዎርቃይ ኢስታ ኣሼና፤ ኢስታ ቢራይኔ ዎርቃይ ኢስቲ ናጋራን ኩንዳና ማላ ኢስታስ ጴ ጊዲዴስ፤ ቢራይኔ ዎርቃይ ኢስታ ካልሴና፤ ኢስታ ኡሎካ ኩሜና።

ዮሃኒሳ ኣጁታ 2:14

ጊዲኮካ ታ ኔና ካዛ ኢሲ ሚሺ ኔ ቦላ ዴስ፤ ሄሲካ ባላኣሜ ቲሚርቴ ኦይኪዳ ኢሲ ኢሲ ኣሳቲ ኢንቴ ጊዶን ዴቴስ፤ ሄሲ ባላኣሜይ ኢስራኤሌ ኣሳይ ኤቃስ ያርሼቲዳ ካ ሚዲኔ ላይማ ላይማቲዲ ጴታና ማላ ባላቄ ዞሪዳዴ።

Maatosa 23:39

ታ ኢንቴስ ቱሙ ጋይስ፤ ኢንቴ ጎዳ ሱንን ዪዛዴይ ኣንጄቲዳዴ ጋና ዎዴይ ጋካናስ ናምኣን ታና ቤዬኬታ» ጊዴስ።

ዛካራሳ ቲንቢቴ 13:2

«ታኒ ሄ ዎዴ ቢታፌ ኤቃ ጾሳታ ሱን ይሳና፤ ሄሳፌ ናምኣን ኢስቲ ቆፌቴቴና፤ ኢስታ ናቤታኔ ቱና ኣያናታ ቢታይ ቦላፌ ታ ዲጋና።

ሆሴኤ ቲንቢቴ 14:8

ኤፍሬሜ! ታሲኔ ኤቃ ጾሳታስ ኣይ ጋይቶቴ ዲዜ? ኔ ዎሳ ሲዪዛይኔ ኔና ናጊዛይ ታና፤ ታኒ ኡባ ዎዴ ጪሊሊ ኡቲዳ ሚ ማላ፤ ኔ ኣይፊዛይ ታፔ ዴንዲዳይሳና» ጌስ።

ሆሴኤ ቲንቢቴ 14:3

ኣሶሬይ ኑና ኣሼና፤ ኑኒ ኦላ ፓራታንካ ኣማኔቶኮ፤ ሃይሳፌ ጉዬ ኑኒ ኑ ኩሼን ሜዳ ኤቃ ጾሳታ፥ ‹ሃይቲ ኑ ጾሳታ› ጎኮ። ማንቆቲ ኔፔ ቃቴ ዴሜቴስ» ጊቴ።

ኤርማሳ ቲንቢቴ 12:4

ኢራይ ዪን ቢታይ ኣይዴ ጋካናስ ሜላኔ? ማታይካ ኣይዴ ጋካናስ ሜላኔ? ኣሳ ኢታቴፌ ዴንዲዳይሳን ሜዶሳቲኔ ካፎቲ ይዳ። ሄሳ ቦላካ ኣሳይ፥ «ጎዳይ ኑኒ ኦዛይሳ ዴሜና» ጌስ።

ኢሳያሳ ቲንቢቴ 27:9

ያቆቤይ ያርሾ ያርሺዛሶ ሹቻታ ቦቂንታ ሹቻ ማላ ጋጪ ሊቂሲሺን ኣሼሮ ጌቴቲዛ ኤቃ ጾሳይ ሚስሌኔ ኤጻኔ ጩዋሲዛ ሶሆታ ኢስቲ ዲዛሶሆታፔ ሾዲ ኦሊሺን ሄ ጋላስ ሞሮይ ኣቶ ጌቴታና፤ ሄሲ ኢዚ ባ ናጋራ ዲጎይሳስ ኩሜ ኣይፌ ጊዳና።

ሂዚቄላ ቲንቢቴ 44:12

ጊዶ ኣቲን ኢስቲ ካሴ ኢስራኤሌ ኣሳ ኤቃታስ ጎይኒሲዳ ጊሻሲኔ ኣሳ ናጋራን ኦንጊዛ ጴ ጊዲዳ ጊሻስ፥ ኢስቲ ባንታ ናጋራ ቂጻቴ ኤካና ማላ ታኒ ኩሼ ዴንዳ ጫቃዲስ። ታኒ ኡባ ሃሪዛ ጎዳይ ሃይሳ ዮታይስ።

Maatosa 13:41

ኣሳ ናይ ባ ኪታንቻታ ኪታና፤ ኢስቲካ ናጋራስ ጋሶ ጊዲዳይታኔ ኢታ ኦዛይታ ኢዛ ካዎቴ ጊዶፌ ኡባ ቆሪ ኬሳና።

ኢሳያሳ ቲንቢቴ 6:11

ታኒካ፥ «ኣቤት ጎዳዉ! ሃይሲ ኣይዴ ጋካናስ ሃናኔ?» ጋዲስ። ኢዚካ ዛሪዲ ታስ፥ «ካታማቲ ኢስታን ዴኢዛ ኣሲ ዪን ኢስቲ ላሌታና ጋካናስ፥ ኬቲካ ኡባይ ካይዛና ጋካናሲኔ ቢታይካ ሙሌራ ኣይኮይ ባይንዳ ቡላ ጊዳና ጋካናሳ።

ኢሳያሳ ቲንቢቴ 6:12

ታኒ ጎዳይ ኣሳ ሃሳና ጋካናሳ፤ ቢታካ ኣይኮይ ባይንዳ ባዞ ኬሳና ጋካናሳ።

ኤርማሳ ቲንቢቴ 9:10

ታኒ ቃ ዴሬታስ ዬካናኔ ዋሳና፤ ባዞን ሄንሶሆታስ ካዮታና። ጋሶይካ ኢስቲ ይዳ፤ ሄራ ኢሲ ኣሲኔ ካንና። ሜሄ ዋሶይ ሲዬቴና፤ ሳሎ ካፎቲኔ ዶኣቲ ባቃቲዲ ቢቺዳ።

ኤርማሳ ቲንቢቴ 50:3

ፑዴሃ ባጋፌ ኢሲ ካዎቴይ ዪዲ ባቢሎኔ ቢታ ኦላና፤ ሄሳፌ ዴንዲዳይሳን ኣሲኔ ሜሄይ ባቃታና፤ ቢታዮካ ቡላ ኬሳና፤ ኦኒካ ኢዚን ዴና።»

ሜቴ ማጻፋ 6:7

ሄሳ ጊሻስ ጎዳይ፥ «ታኒ ሜዳ ኣሳ ሃ ቢታ ቦላፌ ኡባ ይሳና፤ ኣሳ፥ ሜሄ፥ ዶኣ፥ ቢታራ ጎሼቲዛ ሜቴታኔ ካፎታ ይሳና፤ ኣይስ ጊኮ ታኒ ኢስታ ሜዳ ጊሻስ ሚሼታዲስ» ጊዴስ።

ኤርማሳ ቲንቢቴ 7:20

ሄሳ ጊሻስ ኡባፌ ዎልቃማ ጎዳይ፥ «ታ ዪሎይኔ ታ ሃንቆይ ሃ ሶሆ ቦላ፥ ሜዶሳታ ቦላ፥ ጋዴን ዲዛ ሚ ቦላኔ ካ ቦላ ጉካና፤ ሂስቲዲ ኤጻና፤ ቶኣናስካ ዳንዳዬና» ጌስ።