ዛካራሳ ቲንቢቴ 9:8 - ጋሞ ማጻፋ

⁸ ታኒ ጊዲኮ ታ ኬ ቦንቂዛ ዎልቃማታፔ ናጋና፤ ሃይሳፌ ጉዬ ኡንኤዛይ ታ ዴራ ላቴና። ታኒ ሃኢ ሚና ናጋይስ።

Geeshsha Maxaafa

⁸ Tani gidikko ta keeththa bonqqiza wolqqamatappe naagana; hayssafe guye un7eththizay ta deraa laattenna. Tani ha7i minna naagays.

ዛካራሳ ቲንቢቴ 9:8 Referans Kwoze

ኢሳያሳ ቲንቢቴ 54:14

ኔኒ ጺሎቴን ሚና ኤቃና፤ ጌኔ ኦጌራ ኣይሶይ ኔፔ ሃካና። ኔና ባቢሲዛ ሚሺ ዴና፤ ሺሮቴ ኔፔ ሃካና፤ ኔ ማታካ ሺቄና።

ኢሳያሳ ቲንቢቴ 60:18

ሃይሳፌ ጉዬ ኔ ቢታን ሺሮይ፥ ኔ ዛዋንካ ላሌቴኔ ባሺ ሲዬቴና። ጊዶ ኣቲን ኔ ዲርሳ ጊምቤ ኣቶቴ፥ ኔ ፔንጌታካ ጋላታ ጋዳ ኔ ጼይጋና።

ኢሳያሳ ቲንቢቴ 52:1

ሃኔ ጺዮኔ ዴንዳ፤ ዴንዳ፤ ዎልቃ ማይኣ፤ ጌሻ ካታማዬ ዬሩሳላሜ! ኔ ቦንቾ ማይኦ ማይኣ፤ ሃይሳፌ ጉዬ ቃጻሬቶንታይኔ ቱናይ ኔ ጊዶ ጌሌና።

ኤርማሳ ቲንቢቴ 31:12

ኢስቲ ዪዲ ጺዮኔ ዙማ ቦላ ኡፋይሳ ማዛሙሬ ዬጻና፤ ኢስቲ ጎዳ ኪያቴ ጊዲዳ ካን፥ ዎይኔ ኡሻን፥ ዛይቴን፥ ዴይሻኒኔ ዶርሳ ላቃታን፥ ዎፋኖታኒኔ ኡሳታን ኡፋዬታና፤ ኢስቲ ሃ ፓጮንታ ኣታኪልቴ ሶሆ ማላ ጊዳና፤ ሃይሳፌ ጉዬ ኢስቲ ሙዞቴቴና።

ኣሞጼ ቲንቢቴ 9:15

ታ ዴሬ ኢስራኤሌ ኣሳ ታኒ ካሴ ኢስታ ቢታን ዛራዳ ቶካና፤ ታኒ ኢስታስ ኢሚዳ ቢታፌ ኢስቲ ናምኣን ቃሌቲ ዬቴና» ጌስ ጎዳይ ሳሎ ጾሳይ።

ሂዚቄላ ቲንቢቴ 39:29

ታኒ ኣያና ኢስራኤሌ ኣሳ ቦላ ጉሳና ጊሻስ ሃይሳፌ ጉዬ ታኒ ታ ኣይፌሶ ኢስታፌ ጌንኬ። ታኒ ኡባ ሃሪዛ ጎዳይ ሃይሳ ዮታይስ› ጌስ» ጊዴስ።

ኢሳያሳ ቲንቢቴ 52:12

ጊዲኮካ ኤሶን ኬዜኬታ፤ ዎይኮ ቤቲ ቤኬታ፤ ጎዳይ ኢንቴፌ ሲን ኣዲ ኢንቴና ካሌና፤ ኢስራኤሌ ጾሳይካ ጉዬራ ኢንቴና ናጋና።

ኢሳያሳ ቲንቢቴ 31:5

ካፎይ ቦላራ ኣላንዛ ማላ ኡባፌ ዎልቃማ ጎዳይ ዬሩሳላሜ ካማና፥ ናጋናኔ ኣሻና፤ ኢዚ ቦላራ ኣዲ ኢዞ ኣሻና» ጌስ።

ዬ ማጻፋ 72:4

ሜቶቲዳይታ ጊሻስ ኢዚ ሞቴታና፤ ሂዬሳታ ኢዚ ኣሻና፤ ኡንኤዛይሳካ ኢዚ ሊቂሳና።

ዬ ማጻፋ 34:7

ጎዳ ኪታንቻይ ጎዳስ ያዪዛይታ ናጌስ፤ ኢዚ ኢስታ ዩሾዛን ጊዲዲ ኢስታ ኣሼስ።

2ሳሜላ ማጻፋ 16:12

ጎዳይ ታ ካዉሻቴ ቤኢዲ ሃቻ ዶቄ ጊሻስ ኢዚ ታስ ሎኦ ኦናኮ ኦኔ ኤሪዛይ» ጊዴስ።

ኬሳ ማጻፋ 3:9

ሃኢ ኢስራኤሌ ናይታ ዋሶይ ታኮ ጋኪዴስ፤ ጊብጼ ቢታ ኣሳቲ ኢስታ ቆሂዛ ቆሆካ ታ ቤያዲስ፤

ዮሃኒሳ ኣጁታ 20:9

ኢስቲ ኩሜ ቢታ ቦላ ላሌቲዲ ጌሻቲ ዲዛሶዮ ዶሴቲዳ ካታማዮ ጊዶዳ ሺን ሳሎፔ ዎዳ ታማይ ኢስታ ዲፒ ሂስቲ ጹጊዴስ።

ዛካራሳ ቲንቢቴ 14:11

ዬሩሳላሜይ ዳሮ ኣሲ ዳናሶ ጊዳና፤ ሄሳፌ ጉዬ ኢዛ ዩኩ፤ ኢዚን ዲዛ ዴሬይ ሂርጋይ ባይንዳ ዎፓን ዳና።

ዛካራሳ ቲንቢቴ 12:8

ሄ ጋላስ ኢስታ ጊዶን ዳሮ ላፋ ጊዲዳይ ዳዊቴ ማላ ሚኖ ጊዳና፤ ዳዊቴሶ ኣሳይ ቃሴ ኢስታፌ ሲን ሲን ቢዛ ጾሳ ማላኔ ጎዳ ኪታንቻ ማላ ጊዳና፤ ዬሩሳላሜን ዲዛይታስ ጎዳይ ጎንዳሌ ጊዳና።

ኤርማሳ ቲንቢቴ 46:13

ባቢሎኔ ካዎ ናቡካዳናጾሬይ ጊብጼ ቢታ ዪዲ ኦላናይሳ ጎዳይ ናቤ ኤርማሳስ ዮቲዳ ቃላይ ሃይሳፌ ካሊ ዲዛይሳ፤

ኤርማሳ ቲንቢቴ 46:2

ጊብጼ ጊሻስ ዩሁዳ ካዎ ኢዮሲያሳ ና ኢዮኣቄሜይ ካዎቲዳ ኦይዳን ላይን፥ ኤፊራጺሴ ሻፋ ማታን ዲዛ ካርካሚሼን፥ ባቢሎኔ ካዎ ናቡካዳናጾሬይ ጾኒዳ ጊብጼ ካዎ ኒካ ኦላ ኣሳ ቦላ ዮቴቲዳ ኪታይ ሃይሳፌ ካሊ ዲዛይሳ፤

ኢሳያሳ ቲንቢቴ 26:1

ሄ ጋላስ ሃ ዬይ ዩሁዳ ቢታን ዬጼታና። ኑስ ሚኖ ካታማይ ዴስ፤ ጾሲ ኢዛ ጊምቤታኔ ሚጻታ ኣቶቴስ ኦዴስ።

ኢሳያሳ ቲንቢቴ 4:5

ጎዳይ ጺዮኔ ዙማ ቦላኔ ሄን ሺቂዛ ኡባታ ቦላ ጋላስ ሻራኔ ጩዋ፥ ኦማርስ ኤጺዛ ታማ ፖኦ ኪታና፤ ጾሳ ቦንቾይ ካታማዮ ዱንካኔ ማላ ካሚ ናጋና።

2ካዎታ ማጻፋ 24:1

ኢዮኣቄሜይ ካዎቲዛ ዎዴ ባቢሎኔ ካዎ ናቡካዳናጾሬይ ዩሁዳ ቦላ ዎራጂዴስ፤ ኢዮኣቄሜይካ ኢዛስ 3 ላይ ጊሪዴስ። ሄሳፌ ጉዬ ኢዚ ባ ቆፋ ላሚዲ ናቡካዳናጾሬ ቦላ ማካሊዴስ።

2ካዎታ ማጻፋ 23:29

ኢዮሲያሲ ካዎቴን ዲዛ ዎዴ ጊብጼ ካዎ ፋሮን-ኒካይ ኣሶሬ ካዎ ማዳናስ ጌዴ ኤፊራጺሴ ሻፋ ቢዴስ፤ ካዎ ኢዮሲያሲካ ኢዛራ ኦሌታናስ ኬዚዴስ፤ ጊዶ ኣቲን ፋሮን-ኒካይ ኢዛራ ቲራን ጋይቲዲ ኢዛ ማጊዶን ዎዴስ።

ኬሳ ማጻፋ 3:7

ቃሴካ ጎዳይ፥ «ታኒ ጊብጼ ቢታን ታ ኣሳይ ዋዪዛ ዋዬ ሎኤ ቤያዳ፥ ኢስቲ ባ ጎዳታፔ ዴንዲዳይሳን ዋሲዛ ዋሶ ሲያዲሲኔ ኢስታ ዋዬ ኤራዲስ።

ዛካራሳ ቲንቢቴ 9:7

ታኒ ኢስታ ዶናፔ ሱ፥ ኢስታ ጋጮፔ ሞንታ ማላ ዲጌቲዳ ካ ዲጋና፤ ሃንኮ ኣቲዳይቲ ታ ዴሬ ጊዳና፤ ዩሁዳ ቢታን ሃላቃታና፤ ኣቃሮኔ ኣሳይካ ያቡሴ ኣሳ ማላ ጊዳና።

2ካዎታ ማጻፋ 19:34

ታ ጊሻሲኔ ታ ኣይሌ ዳዊቴ ጊሻስ ጋዳ ሃኖ ካታማዮ ታኒ ጎንዳላ ኣሻና› ጌስ።»

ሌሚሶ ማጻፋ 3:25

ኣኬኮንታ ጋኪዛ ሜቶኔ ኢታታ ቦላ ጋኪዛ ይሳስ ባባካ።

ዛካራሳ ቲንቢቴ 12:4

ሄ ጋላስ ታኒ ቶጋ ፓራታ ዳጋማን፥ ፓራታ ቶጊዳ ኣሳ ጎሻና፤ ኢስታ ሞርኬታ ፓራታ ቆቂሳና፤ ጊዶ ኣቲን ዩሁዳ ኣሳ ታኒ ታ ኪያ ኣይፌን ናጋና።